ਨੂਰਪੁਰ ਬੇਦੀ, 23 ਦਸੰਬਰ (ਵਿੰਦਰਪਾਲ ਝਾਂਡੀਆਂ)-ਸਰਕਾਰੀ ਪ੍ਰਾਇਮਰੀ ਸਕੂਲ ਕਿਸਾਣਾ ਝਾਂਡੀਆਂ ਕਲਾਂ ਵਿਖੇ ਮੇਗਾ ਮਾਪੇ ਅਧਿਆਪਕ ਮਿਲਣੀ ਦਾ ਆਯੋਜਨ ਕੀਤਾ ਗਿਆ | ਜਿਸ 'ਚ ਬੱਚਿਆਂ ਦੇ ਮਾਪਿਆਂ, ਪੰਚਾਇਤ, ਸਕੂਲ ਮੈਨੇਜਮੈਂਟ ਕਮੇਟੀ ਅਤੇ ਪਤਵੰਤੇ ਸੱਜਣਾਂ ਨੇ ਸ਼ਮੂਲੀਅਤ ਕੀਤੀ ਗਈ | ਸਕੂਲ ਇੰਚਾਰਜ ਅਨਾਮਿਕਾ ਸ਼ਰਮਾ ਨੇ ਸਕੂਲ ਦੀਆਂ ਪ੍ਰਾਪਤੀਆਂ ਬਾਰੇ ਚਾਨਣਾ ਪਾਉਂਦਿਆਂ ਕਿਹਾ ਸਰਕਾਰ ਦੁਆਰਾ ਸਕੂਲਾਂ ਨੂੰ ਬਹੁਤ ਸਹੂਲਤਾਂ ਦਿੱਤੀਆਂ ਜਾ ਰਹੀਆਂ ਹਨ, ਜਿਸ ਨਾਲ ਬੱਚਿਆਂ ਦੀ ਪੜ੍ਹਾਈ ਦਾ ਪੱਧਰ ਉੱਚਾ ਹੋ ਰਿਹਾ ਹੈ | ਮੈਡਮ ਪਰਮਜੀਤ ਕੌਰ ਵਲੋਂ ਬੱਚਿਆਂ ਦੇ ਮਾਤਾ-ਪਿਤਾ ਦੀ ਭਾਗੀਦਾਰੀ ਟ੍ਰੇਨਿੰਗ ਕਰਵਾਈ ਗਈ, ਜਿਸ 'ਚ ਮਾਤਾ ਪਿਤਾ ਦੇ ਬਣਦੇ ਸਹਿਯੋਗ ਬਾਰੇ ਗੱਲਬਾਤ ਕੀਤੀ ਗਈ | ਪਿੰਡ ਦੇ ਸਰਪੰਚ ਸੰਜੀਵ ਕੁਮਾਰ ਸ਼ਿਵਜੀ ਚੌਹਾਨ, ਧਰਮ ਚੰਦ ਕਸਾਣਾ ਤੇ ਕਲਸਟਰ ਇੰਚਾਰਜ ਸੰਜੀਵ ਮੋਠਾਪੁਰ ਵਲੋਂ ਸਕੂਲ ਦੇ ਦੋਨਾਂ ਅਧਿਆਪਕਾਂ ਦੇ ਆਪਣੇ ਫਿਨਲੈਂਡ ਦੀ ਟ੍ਰੇਨਿੰਗ ਦੇ ਤਜਰਬੇ ਬੱਚਿਆਂ 'ਤੇ ਲਾਗੂ ਕਰਨ ਲਈ ਕਿਹਾ | ਧਰਮ ਚੰਦ ਕਸਾਣਾ ਨੇ ਆਏ ਲੋਕਾਂ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਸਕੂਲ ਮੈਨੇਜਮੈਂਟ ਕਮੇਟੀ ਦੇ ਚੇਅਰਮੈਨ ਮਾਇਆ ਦੇਵੀ, ਪੰਚ ਸ਼ਾਲੂ ਦੇਵੀ, ਮੈਡਮ ਰੇਖਾ ਰਾਣੀ, ਜਸਬੀਰ ਕਸਾਣਾ, ਹਰਪ੍ਰੀਤ ਹੈਪੀ, ਮਦਨ ਲਾਲ, ਦੇਸ ਰਾਜ, ਪਵਨ ਕੁਮਾਰ ਆਦਿ ਹਾਜ਼ਰ ਸਨ |
