ਕੱਥੂਨੰਗਲ, 2 ਸਤੰਬਰ (ਦਲਵਿੰਦਰ ਸਿੰਘ ਰੰਧਾਵਾ)-ਆਮ ਆਦਮੀ ਪਾਰਟੀ ਹਲਕਾ ਮਜੀਠਾ ਦੇ ਇੰਚਾਰਜ ਤਲਬੀਰ ਸਿੰਘ ਗਿੱਲ ਵਲੋਂ ਡੇਰਾ ਜਨਮ ਅਸਥਾਨ ਬਾਬਾ ਬੁੱਢਾ ਸਾਹਿਬ ਕੱਥੂਨੰਗਲ ਅੱਡਾ ਕੱਥੂਨੰਗਲ ਵਲੋਂ ਡੇਰਾ ਜਨਮ ਅਸਥਾਨ ਨੂੰ ਜਾਂਦੀ ਸੜਕ 'ਤੇ ਲਾਈਟਾਂ ਲਵਾਉਣ ਦੀ ਸੇਵਾ ਕਰਵਾਈ ਗਈ, ਪਿਛਲੇ ਕੁਝ ਸਮੇਂ ਤੋਂ ਗੁਰਦੁਆਰਾ ਸਾਹਿਬ ਨੂੰ ਜਾਂਦੀ ਸੜਕ 'ਤੇ ਲਾਈਟਾਂ ਨਾ ਹੋਣ ਕਰਕੇ ਅੱਡਾ ਕੱਥੂਨੰਗਲ ਤੋਂ ਤੜਕਸਾਰ ਆਉਣ ਵਾਲੀਆਂ ਸੰਗਤਾਂ ਨੂੰ ਗੁਰਦੁਆਰਾ ਸਾਹਿਬ ਦਰਸ਼ਨ ਕਰਨ ਜਾਣ ਲਈ ਵੱਡੀ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪੈਂਦਾ ਸੀ ਅਤੇ ਤੜਕਸਾਰ ਜਾਣ ਵਾਲੀ ਸੰਗਤ ਨਾਲ ਕਈ ਤਰ੍ਹਾਂ ਦੇ ਹਾਦਸੇ ਵੀ ਵਾਪਰ ਚੁੱਕੇ ਸਨ | ਇਹ ਗੱਲ ਸੰਗਤਾਂ ਵਲੋਂ ਤਲਬੀਰ ਸਿੰਘ ਗਿੱਲ ਦੇ ਅੱਗੇ ਰੱਖੀ ਗਈ ਜਿਨ੍ਹਾਂ ਵਲੋਂ ਆਪਣੇ ਨਿੱਜੀ ਖਾਤੇ ਵਿਚੋਂ ਗੁਰਦੁਆਰਾ ਸਾਹਿਬ ਨੂੰ ਜਾਂਦੀ ਸੜਕ 'ਤੇ ਦੋਵਾਂ ਪਾਸਿਆਂ 'ਤੇ ਲਾਈਟਾਂ ਦੀ ਸੇਵਾ ਕਰਵਾਈ ਗਈ | ਇਸ ਮੌਕੇ ਉਨ੍ਹਾਂ ਨਾਲ ਸਾਬਕਾ ਸਰਪੰਚ ਪ੍ਰੇਮ ਸਿੰਘ ਸੋਨੀ ਕੱਥੂਨੰਗਲ, ਸਰਪੰਚ ਰਵਿੰਦਰਪਾਲ ਸਿੰਘ ਹਦਾਇਤਪੁਰ, ਗੁਰਜੰਟ ਸਿੰਘ ਭਿੱਟੇਵਿਡ, ਇੰਸਪੈਕਟਰ ਮਹਿੰਦਰ ਸਿੰਘ ਰੰਧਾਵਾ, ਸੋਨੀ ਸਰੀਨ ਅੱਡਾ ਕੱਥੂਨੰਗਲ, ਜਗੀਰ ਸਿੰਘ ਭਿੱਟੇਵਿੱਡ, ਕੁਲਵਿੰਦਰ ਸਿੰਘ ਭਿੱਟੇਵਿਡ, ਨਿਸ਼ਾਨ ਸਿੰਘ ਭਿੱਟੇਵਿਡ, ਹਰਜਿੰਦਰ ਸਿੰਘ ਕੱਥੂਨੰਗਲ ਖੁਰਦ, ਬਾਊ ਕੰਬਾਈਨਾਂ ਵਾਲੇ, ਲਖਵਿੰਦਰ ਸਿੰਘ ਲਵਲੀ, ਹਰਵਿੰਦਰ ਸਿੰਘ ਟੀਨਾ ਆਦਿ ਹਾਜ਼ਰ ਸਨ |
