ਭਾਦਸੋਂ, 3 ਦਸੰਬਰ (ਪ੍ਰਦੀਪ ਦੰਦਰਾਲਾ)-ਦਫ਼ਤਰ ਬਲਾਕ ਸਿੱਖਿਆ ਅਫ਼ਸਰ ਭਾਦਸੋਂ -2 ਅਧੀਨ ਆਉਂਦੇ ਕਲੱਸਟਰ ਲੌਟ ਤੇ ਮਟੋਰੜਾ ਦੀ ਮਹੀਨਾਵਾਰ ਅਕਾਦਮਿਕ ਮੀਟਿੰਗ ਕੀਤੀ ਗਈ | ਮੀਟਿੰਗ 'ਚ ਸਤਵੀਰ ਸਿੰਘ ਬੀ.ਆਰ.ਸੀ. ਭਾਦਸੋਂ-2 ਵਲੋਂ ਪ੍ਰੀ-ਪ੍ਰਾਇਮਰੀ ਜਮਾਤਾਂ ਦੇ ਅਧਿਆਪਕਾਂ ਨੂੰ ਕਮਰਿਆਂ ਨੂੰ ਤਰਤੀਬ ਨਾਲ ਸਜਾਉਣ, ਬੱਚਿਆਂ ਦੀਆਂ ਰੋਜਾਨਾ ਸਲਾਈਡ ਗਤੀਵਿਧੀਆਂ ਤੇ ਵਰਕਸ਼ੀਟਾਂ ਨਾਲ ਸੰਬੰਧਿਤ ਵਿਚਾਰ ਚਰਚਾ ਕੀਤੀ ਗਈ ਅਤੇ ਇਸ ਨੂੰ ਹੋਰ ਵਧੀਆ ਬਣਾਉਣ ਲਈ ਸੁਝਾਅ ਵੀ ਲਏ ਗਏ | ਬੀ.ਪੀ.ਈ.ਓ. ਜਗਜੀਤ ਸਿੰਘ ਨੌਹਰਾ ਨੇ ਅਧਿਆਪਕਾਂ ਨੂੰ ਰੋਚਕਤਾ ਨਾਲ ਪੜਾਉਣ ਅਤੇ ਸਹਿ-ਗਤੀਵਿਧੀਆਂ ਨਾਲ ਕੰਮ ਕਰਾਉਣ ਲਈ ਪ੍ਰੇਰਿਤ ਕੀਤਾ ਅਤੇ ਸਕੂਲ ਸਿੱਖਿਆ ਵਿਭਾਗ ਦੀਆਂ ਗਤੀਵਿਧੀਆਂ ਬਾਰੇ ਵੀ ਜਾਣਕਾਰੀ ਦਿੱਤੀ | ਇਸ ਮੌਕੇ ਮੱਖਣ ਸਿੰਘ ਧਾਲੀਵਾਲ, ਗੀਤਾ ਕੌਰ, ਰੁਪਿੰਦਰ ਪਾਲ ਸਿੰਘ, ਸੁਨੀਤਾ ਰਾਣੀ, ਨਵਜੋਤ ਕੌਰ, ਬਿਕਰਮਜੀਤ ਸਿੰਘ, ਗੁਰਮੀਤ ਸਿੰਘ ਨਿਰਮਾਣ, ਬੀਰਪਾਲ ਕੌਰ, ਸ਼ਿਵਾਨੀ ਜਲੋਟਾ, ਸਪਨਾ ਰਾਣੀ, ਨਵਨੀਤ ਕੌਰ, ਦੀਪਕ, ਹੇਮ ਸਿੰਘ ਆਦਿ ਹਾਜ਼ਰ ਸਨ |