ਸੰਯੁਕਤ ਕਿਸਾਨ ਮੋਰਚਾ ਵਲੋਂ ਕੇਂਦਰ ਦੇ ਬਿਜਲੀ ਤੇ ਬੀਜ ਸੋਧ ਬਿੱਲਾਂ ਵਿਰੁੱਧ 1 ਤੋਂ 4 ਜਨਵਰੀ ਤੱਕ ਕੱਢਿਆ ਜਾਵੇਗਾ ਝੰਡਾ ਮਾਰਚ
ਸੰਯੁਕਤ ਕਿਸਾਨ ਮੋਰਚੇ ਦੀ ਪਾਤੜਾਂ ਵਿਖੇ ਹੋਈ ਮੀਟਿੰਗ ਦੌਰਾਨ ਵਿਚਾਰ ਕਰਦੇ ਹੋਏ ਕਿਸਾਨ ਆਗੂ | ਤਸਵੀਰ : ਗੁਰਇਕਬਾਲ ਸਿੰਘ ਖਾਲਸਾ
<br/>
23-12-2025
ਇਸ ਐਕਸ਼ਨ ਦੀ ਸਫਲਤਾ ਲਈ 1 ਜਨਵਰੀ ਤੋਂ 4 ਜਨਵਰੀ ਤੱਕ ਇਲਾਕੇ ਵਿਚ ਮੋਟਰਸਾਈਕਲ ਤੇ ਗੱਡੀਆਂ ਰਾਹੀਂ ਵਿਸ਼ਾਲ 'ਝੰਡਾ ਮਾਰਚ' ਕੱਢੇ ਜਾਣਗੇ | ਮਾਰਚ ਦੌਰਾਨ ਪਿੰਡਾਂ ਵਿਚ ਲੀਫਲੈਟ (ਪਰਚੇ) ਵੰਡ ਕੇ ਲੋਕਾਂ ਨੂੰ ਇਨ੍ਹਾਂ ਬਿੱਲਾਂ ਦੇ ਮਾਰੂ ਪ੍ਰਭਾਵਾਂ ਬਾਰੇ ਜਾਗਰੂਕ ਅਤੇ ਲਾਮਬੰਦ ਕੀਤਾ ਜਾਵੇਗਾ | ਜਨਤਕ ਲਾਮਬੰਦੀ ਲਈ ਮਾਰਚ ਨੂੰ ਚਾਰ ਦਿਨਾਂ ਵਿੱਚ ਵੰਡਿਆ ਗਿਆ ਹੈ ਜਿਸ ਵਿਚ 1 ਜਨਵਰੀ ਨੂੰ ਦੁਗਾਲ ਤੋਂ ਸ਼ੁਰੂ ਹੋ ਕੇ ਬੁਰੜ, ਦਫ਼ਤਰੀਵਾਲਾ, ਧੂਹੜ੍ਹ, ਬਰਾਸ ਹੁੰਦੇ ਹੋਏ ਪਿੰਡ ਦੇਧਨਾ ਤੱਕ | 2 ਜਨਵਰੀ ਨੂੰ ਘੱਗਾ ਤੋਂ ਕਾਲਵਾਣੁ, ਬਾਦਸ਼ਾਹਪੁਰ ਅਤੇ ਆਲੇ-ਦੁਆਲੇ ਦੇ ਪਿੰਡਾਂ ਵਿੱਚ ,3 ਜਨਵਰੀ ਨੂੰ ਘੱਗਾ ਤੋਂ ਆਤਲਾਂ, ਡਰੋਲੀ, ਨਿਆਲ, ਦੁਤਾਲ ਅਤੇ ਸ਼ੁਤਰਾਣਾ ਦੇ ਪਿੰਡਾਂ ਵਿੱਚ, 4 ਜਨਵਰੀ ਨੂੰ ਪਾਤੜਾਂ ਤੋਂ ਚੂਨਾਗਰਾ, ਹਰਿਆਊ, ਭੂਤਗੜ੍ਹ, ਮੌਲਵੀਵਾਲਾ, ਹਮਝੇੜੀ, ਸੈਲਵਾਲਾ ਅਤੇ ਖਾਂਗ ਆਦਿ ਪਿੰਡਾਂ ਵਿੱਚ | ਉਕਤ ਆਗੂਆਂ ਨੇ ਚਿਤਾਵਨੀ ਦਿੱਤੀ ਕਿ ਕੇਂਦਰ ਸਰਕਾਰ ਵਲੋਂ ਲਿਆਂਦੇ ਜਾ ਰਹੇ ਇਹ ਬਿੱਲ ਕਿਸਾਨ, ਮਜ਼ਦੂਰ ਅਤੇ ਆਮ ਲੋਕ ਵਿਰੋਧੀ ਹਨ, ਜਿਨ੍ਹਾਂ ਨੂੰ ਕਿਸੇ ਵੀ ਕੀਮਤ 'ਤੇ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ | ਇਸ ਮੀਟਿੰਗ ਵਿਚ ਹਰਭਜਨ ਸਿੰਘ ਧੂਹੜ੍ਹ, ਸੂਬੇਦਾਰ ਨਰਾਤਾ ਰਾਮ, ਗੁਰਮੁਖ ਸਿੰਘ ਕਾਲਵਾਣੁ, ਬੀਬੀ ਚਰਨਜੀਤ ਕੌਰ, ਬਲਜੀਤ ਸਿੰਘ ਦੇਧਨਾ, ਰਾਮਚੰਦ ਚੂਨਾਗਰਾ ਅਤੇ ਸਾਹਿਬ ਸਿੰਘ ਦੁਤਾਲ ਸਮੇਤ ਵੱਖ-ਵੱਖ ਕਿਸਾਨ ਆਗੂ ਤੇ ਵਰਕਰ ਹਾਜ਼ਰ ਸਨ |
