ਮੋਗਾ, 30 ਦਸੰਬਰ (ਗੁਰਤੇਜ ਸਿੰਘ ਬੱਬੀ)-ਸੀਨੀਅਰ ਅਕਾਲੀ ਆਗੂ ਤੇ ਮੈਂਬਰ ਸ਼੍ਰੋਮਣੀ ਕਮੇਟੀ ਸਵਰਗੀ ਹਰਿੰਦਰ ਸਿੰਘ ਰਣੀਆਂ ਦੀ ਬਰਸੀ 'ਤੇ ਉਨ੍ਹਾਂ ਦੀ ਯਾਦ ਵਿਚ ਪਵਨ ਮੋਦਗਿਲ, ਰਾਜਨ ਗੁਪਤਾ, ਬਲਦੇਵ ਭੰਗੂ, ਸ਼ੇਰ ਸਿੰਘ, ਸੁਰਿੰਦਰ ਕੁਮਾਰ ਕੋਛੜ, ਮਨੋਜ ਭੱਲਾ, ਅਸ਼ੋਕ ਕੋਛੜ, ਬਲਰਾਜ ਸ਼ਰਮਾ ਆਦਿ ਵਲੋਂ ਸ਼ਰਧਾਂਜਲੀਆਂ ਦਿੱਤੀਆਂ ਗਈਆਂ ਤੇ ਮਰਹੂਮ ਹਰਿੰਦਰ ਸਿੰਘ ਰਣੀਆਂ ਨੂੰ ਯਾਦ ਕਰਦਿਆਂ ਉਨ੍ਹਾਂ ਦੀ ਫੋਟੋ 'ਤੇ ਸ਼ਰਧਾ ਦੇ ਫੁਲ ਭੇਟ ਕੀਤੇ ਗਏ | ਸਵਰਗੀ ਰਣੀਆਂ ਦੇ ਪਰਿਵਾਰਕ ਮੈਂਬਰਾਂ ਬੀਬੀ ਨਰਿੰਦਰ ਕੌਰ ਰਣੀਆਂ ਮੈਂਬਰ ਸ਼੍ਰੋਮਣੀ ਕਮੇਟੀ, ਜਸਪਿੰਦਰ ਕੌਰ ਰਣੀਆਂ, ਅਮਨਿੰਦਰ ਸਿੰਘ ਵਿਕੀ ਧਾਲੀਵਾਲ, ਗੁਰਪਿੰਦਰ ਕੌਰ ਅਤੇ ਫਤਿਹ ਸਿੰਘ ਵਲੋਂ ਇਹ ਸ਼ਰਧਾਂਜਲੀ ਸਮਾਗਮ ਕਰਵਾਉਣ 'ਤੇ ਸਾਰਿਆਂ ਦਾ ਧੰਨਵਾਦ ਕੀਤਾ ਗਿਆ | ਇਸ ਮੌਕੇ ਰਤੀਸ਼ ਕੁਮਾਰ ਰਣੀਆਂ, ਮਨਜੀਤ ਸਿੰਘ ਰਣੀਆਂ, ਬੂਟਾ ਸਿੰਘ ਰਣੀਆਂ ਅਤੇ ਸਤਨਾਮ ਸਿੰਘ ਰਣੀਆਂ ਆਦਿ ਹਾਜ਼ਰ ਸਨ |
