ਮਲੇਰਕੋਟਲਾ, 17 ਜੂਨ (ਪਾਰਸ ਜੈਨ)-ਰੋਟਰੀ ਇੰਟਰਨੈਸ਼ਨਲ ਡਿਸਟ੍ਰੀਕ 3090 ਦੇ ਗਵਰਨਰ ਡਾ: ਸੰਦੀਪ ਚੌਹਾਨ ਵਲੋਂ ਰੋਟਰੀ ਕਲੱਬ ਮਲੇਰਕੋਟਲਾ ਮਿਡਟਾਊਨ ਦਾ ਦੌਰਾ ਕੀਤਾ ਗਿਆ | ਸੀਨੀਅਰ ਰੋਟੇਰੀਅਨ ਸ੍ਰੀ ਰਾਜ ਕੁਮਾਰ ਜਿੰਦਲ ਨੇ ਡਿਸਟ੍ਰੀਕ ਗਵਰਨਰ ਨੂੰ ਜੀ ਆਇਆਂ ਆਖਿਆ | ਪੀ.ਡੀ.ਜੀ ਸ੍ਰੀ ਅਮਜਦ ਅਲੀ ਦੀ ਮੌਜੂਦਗੀ ਵਿਚ ਮਿਡਟਾਊਨ ਦੇ ਪ੍ਰਧਾਨ ਸ: ਮਹਿੰਦਰ ਸਿੰਘ ਪਰੂਥੀ ਅਤੇ ਸਕੱਤਰ ਅਭੇ ਗੁਪਤਾ ਨੇ ਕਲੱਬ ਵਲੋਂ ਸਾਲ ਵਿਚ ਕੀਤੇ ਸਮਾਜ ਸੇਵੀ ਕੰਮਾਂ ਬਾਰੇ ਡਿਸਟ੍ਰੀਕ ਗਵਰਨਰ ਨੂੰ ਜਾਣਕਾਰੀ ਦਿੱਤੀ | ਡਾ: ਸੰਦੀਪ ਚੌਹਾਨ ਨੇ ਕਲੱਬ ਵਲੋਂ ਪ੍ਰਧਾਨ ਮਹਿੰਦਰ ਸਿੰਘ ਪਰੂਥੀ ਦੀ ਅਗਵਾਈ ਹੇਠ ਕੀਤੇ ਜਾ ਰਹੇ ਸਮਾਜ ਅਤੇ ਲੋਕ ਭਲਾਈ ਕੰਮਾਂ ਦੀ ਸ਼ਲਾਘਾ ਕੀਤੀ ਅਤੇ ਕਲੱਬ ਦੇ ਕੰਮਾਂ ਨੂੰ ਦੇਖਦਿਆਂ ਪਬਲਿਕ ਹਿਤ ਲਈ ਆਰ.ਓ ਸਿਸਟਮ ਵਾਲੇ ਦੋ ਵਾਟਰ ਕੂਲਰ ਜਿਨ੍ਹਾਂ ਦੀ ਕੀਮਤ ਇੱਕ ਲੱਖ ਚਾਲੀ ਹਜਾਰ ਦੇ ਕਰੀਬ ਹੈ ਕਲੱਬ ਨੂੰ ਭੇਟ ਕੀਤੇ | ਇਸ ਮੌਕੇ ਕਲੱਬ ਵਲੋਂ ਪ੍ਰਧਾਨ ਮਹਿੰਦਰ ਸਿੰਘ ਪਰੂਥੀ ਨੇ ਡਾ: ਸੰਦੀਪ ਚੌਹਾਨ ਨੂੰ ਪੰਜਾਹ ਹਜਾਰ ਰੂਪੇ ਦਾ ਰੋਟਰੀ ਫਾਊਾਡੇਸ਼ਨ ਦੇ ਨਾਂਅ ਦਾ ਚੈੱਕ ਵੀ ਭੇਟ ਕੀਤਾ | ਇਸ ਮੌਕੇ ਰੋਟੇਰੀਅਨ ਸੁਖਪਾਲ ਗਰਗ, ਹੰਸ ਰਾਜ ਡੁਡੇਜਾ, ਨਿਤੀਨ ਜੈਨ ਅਤੇ ਹੋਰ ਰੋਟੇਰੀਅਨ ਹਾਜ਼ਰ ਸਨ |
