ਜਲਾਲਾਬਾਦ, 20 ਜੂਨ (ਜਤਿੰਦਰ ਪਾਲ ਸਿੰਘ)-ਪੀ ਓ ਸਟਾਫ਼ ਵਲ਼ੋਂ ਲਗਾਤਾਰ ਕਾਨੂੰਨ ਦੇ ਭਗੌੜੇ ਦੋਸ਼ੀਆਂ ਨੂੰ ਕਾਬੂ ਕੀਤਾ ਜਾ ਰਿਹਾ ਹੈ, ਹੁਣ ਇੱਕ ਹੋਰ ਦੋਸ਼ੀ ਨੂੰ ਕਾਬੂ ਕਰਨ ਵਿਚ ਪੀ ਓ ਸਟਾਫ਼ ਨੇ ਸਫਲਤਾ ਹਾਸਲ ਕੀਤੀ ਹੈ¢ ਪੀ ਓ ਸਟਾਫ਼ ਦੇ ਇੰਚਾਰਜ ਏ ਐੱਸ ਆਈ ਰਤਨ ਲਾਲ ਨੇ ਦੱਸਿਆ ਕਿ ਮਾਨਯੋਗ ਐੱਸ ਐੱਸ ਪੀ ਫ਼ਾਜ਼ਿਲਕਾ ਗੁਰਮੀਤ ਸਿੰਘ, ਐੱਸ ਪੀ ਡੀ ਪ੍ਰਦੀਪ ਸਿੰਘ ਸੰਧੂ ਅਤੇ ਡੀ ਐੱਸ ਪੀ ਬਲਕਾਰ ਸਿੰਘ ਦੇ ਦਿਸ਼ਾ-ਨਿਰਦੇਸ਼ਾਂ ਹੇਠ ਚੱਲ ਰਹੀ ਮੁਹਿੰਮ ਅਧੀਨ ਇਹ ਕਾਰਵਾਈ ਕੀਤੀ ਗਈ ਹੈ¢ ਕਾਬੂ ਕੀਤਾ ਗਿਆ ਦੋਸ਼ੀ ਹੈਪੀ ਵਾਸੀ ਰੁਕਨਪੁਰਾ, ਥਾਣਾ ਖੂਈ ਖੇੜਾ, ਹਾਲ ਆਬਾਦ ਪਿੰਡ ਸ਼ਾਕੂਰ, ਥਾਣਾ ਘੱਲ ਖ਼ੁਰਦ, ਜ਼ਿਲ੍ਹਾ ਫ਼ਿਰੋਜ਼ਪੁਰ ਵਿਰੁੱਧ ਮੁਕੱਦਮਾ ਨੰਬਰ 133/2022, ਧਾਰਾ 323, 324, 34, 201 ਆਈ ਪੀ ਸੀ ਅਧੀਨ ਥਾਣਾ ਖੂਈਆਂ ਸਰਵਣ ਵਿਚ ਪਰਚਾ ਦਰਜ ਸੀ¢ ਉਹ 1 ਮਈ 2025 ਨੂੰ ਅਦਾਲਤ ਵਿਚ ਪੇਸ਼ ਨਹੀਂ ਹੋਇਆ ਸੀ, ਜਿਸ ਕਾਰਨ ਉਸ ਨੂੰ ਭਗੌੜਾ ਘੋਸ਼ਿਤ ਕੀਤਾ ਗਿਆ ਸੀ¢ ਦੋਸ਼ੀ ਨੂੰ ਗਿ੍ਫ਼ਤਾਰ ਕਰਕੇ ਅਗਲੇਰੀ ਕਾਰਵਾਈ ਲਈ ਪੁਲਿਸ ਹਵਾਲੇ ਕਰ ਦਿੱਤਾ ਗਿਆ ਹੈ¢ ਇਸ ਮੌਕੇ ਏ ਐੱਸ ਆਈ ਰਮੇਸ਼ ਕੁਮਾਰ, ਐੱਚ ਸੀ ਜਸਵਿੰਦਰ ਸਿੰਘ, ਐੱਚ ਸੀ ਜਰਨੈਲ ਸਿੰਘ, ਐੱਚ ਸੀ ਪ੍ਰੇਮ ਸਿੰਘ ਅਤੇ ਸੁਨੀਤਾ ਰਾਣੀ ਹਾਜ਼ਰ ਸਨ¢
