ਮੱਖੂ, 22 ਅਕਤੂਬਰ (ਵਰਿੰਦਰ ਮਨਚੰਦਾ)- ਪ੍ਰਜਾਪਿਤਾ ਬ੍ਰਹਮਾ ਕੁਮਾਰੀ ਈਸ਼ਵਰੀਆ ਵਿਸ਼ਵ ਵਿਦਿਆਲਿਆ ਆਸ਼ਰਮ ਮੱਖੂ ਵਿਖੇ ਦੀਵਾਲੀ ਦਾ ਤਿਉਹਾਰ ਆਸ਼ਰਮ ਦੇ ਇੰਚਾਰਜ ਬੀ.ਕੇ. ਦੀਵਿਆਂ ਦੀਦੀ ਦੀ ਅਗਵਾਈ 'ਚ ਬਹੁਤ ਹੀ ਸ਼ਰਧਾ ਨਾਲ ਮਨਾਇਆ ਗਿਆ | ਕੋਟਕਪੂਰਾ ਤੋਂ ਬੀ.ਕੇ. ਸੰਗੀਤਾ ਦੀਦੀ, ਬੀ.ਕੇ. ਸੀਮੀ ਦੀਦੀ, ਨਗਰ ਪੰਚਾਇਤ ਮੱਖੂ ਦੇ ਪ੍ਰਧਾਨ ਨਰਿੰਦਰ ਕਟਾਰੀਆ, ਸਰਬੱਤ ਦਾ ਭਲਾ ਚੈਰੀਟੇਬਲ ਟਰੱਸਟ ਜ਼ਿਲ੍ਹਾ ਫ਼ਿਰੋਜ਼ਪੁਰ ਦੇ ਪ੍ਰਧਾਨ ਅਮਰਜੀਤ ਕੌਰ ਛਾਬੜਾ, ਡਾ: ਸਤੀਸ਼ ਠੁਕਰਾਲ ਵਲੋਂ ਜੋਤੀ ਪ੍ਰਚੰਡ ਕਰਨ ਦੀ ਰਸਮ ਨਿਭਾਈ ਗਈ | ਬੀ.ਕੇ. ਸੰਗੀਤਾ ਦੀਦੀ ਵਲੋਂ ਦੀਵਾਲੀ ਦਾ ਤਿਉਹਾਰ ਕਿਉਂ ਮਨਾਇਆ ਜਾਂਦਾ ਹੈ, ਬਾਰੇ ਦੱਸਿਆ ਗਿਆ | ਇਸ ਮੌਕੇ ਨਗਰ ਪੰਚਾਇਤ ਮੱਖੂ ਦੇ ਪ੍ਰਧਾਨ ਨਰਿੰਦਰ ਕਟਾਰੀਆ, ਸਰਬੱਤ ਦਾ ਭਲਾ ਚੈਰੀਟੇਬਲ ਟਰੱਸਟ ਜ਼ਿਲ੍ਹਾ ਫ਼ਿਰੋਜ਼ਪੁਰ ਦੇ ਪ੍ਰਧਾਨ ਅਮਰਜੀਤ ਕੌਰ ਛਾਬੜਾ, ਡਾ: ਸਤੀਸ਼ ਠੁਕਰਾਲ ਵਲੋਂ ਸੰਗਤ ਨੂੰ ਦੀਵਾਲੀ ਦੀਆਂ ਵਧਾਈਆਂ ਦਿੱਤੀਆਂ | ਇਸ ਮੌਕੇ ਕੀਮਤੀ ਨਰੂਲਾ, ਸੁਰਿੰਦਰ ਮਾਨਕਟਾਲਾ, ਰਾਕੇਸ਼ ਬਜਾਜ, ਪ੍ਰੇਮ ਗਰੋਵਰ, ਰਾਜੀਵ ਕਪੂਰ, ਲਕਸ਼ੇ ਕਪੂਰ ਆਦਿ ਹਾਜ਼ਰ ਸਨ |
