ਧੂਰੀ, 17 ਜੂਨ (ਲਖਵੀਰ ਸਿੰਘ ਧਾਂਦਰਾ)-ਸਟੈਪ ਆਨ ਸੁਸਾਇਟੀ ਗਊ ਧਾਮ ਹਸਪਤਾਲ ਸੇਵਾ ਸੁਸਾਇਟੀ (ਰਜਿ:) ਧੂਰੀ ਵਲੋਂ ਸਮਾਜ ਸੇਵੀ ਅਸ਼ਵਨੀ ਗੋਇਲ ਦੇ ਸਹਿਯੋਗ ਨਾਲ ਕੱਕੜਵਾਲ ਪੁਲ ਦੇ ਨੇੜੇ ਤੁਲਸੀ ਦੇ ਬੂਟੇ ਅਤੇ ਪੰਛੀਆਂ ਦੇ ਪੀਣ ਵਾਲੇ ਪਾਣੀ ਦੇ ਬਰਤਨ ਵੰਡੇ ਗਏ | ਇਹ ਮੁਹਿੰਮ ਧਰਤੀ ਮਾਂ ਦੀ ਸੰਭਾਲ, ਹਰੇ ਭਰੇ ਵਾਤਾਵਰਣ ਅਤੇ ਪੰਛੀਆਂ ਦੀ ਰੱਖਿਆ ਵੱਲ ਇੱਕ ਉੱਤਮ ਕਦਮ ਹੈ | ਇਸ ਮੌਕੇ ਅਸ਼ਵਨੀ ਗੋਇਲ ਨੇ ਕਿਹਾ ਕੁਦਰਤ ਨੂੰ ਸੰਭਾਲਣ ਅਤੇ ਪ੍ਰਾਣੀ-ਮਾਤਰ ਦੀ ਸੇਵਾ ਹੀ ਅਸਲੀ ਧਰਮ ਹੈ | ਅਸੀਂ ਹਮੇਸ਼ਾ ਕੋਸ਼ਿਸ਼ ਕਰਾਂਗੇ ਕਿ ਸਮਾਜ ਵਿਚ ਚੰਗੇ ਕੰਮ ਕੀਤੇ ਜਾਣ ਅਤੇ ਵਾਤਾਵਰਣ ਪੱਧਰ 'ਤੇ ਲੋਕਾਂ ਜਾਗਰੂਕ ਕਰੀਏ | ਇਸ ਸਮੇਂ ਸੁਸਾਇਟੀ ਦੇ ਪ੍ਰਧਾਨ ਰੋਮੀ ਢੰਡ ਨੇ ਕਿਹਾ ਅਸੀਂ ਹਰ ਵਰਗ ਦੇ ਸਹਿਯੋਗ ਨਾਲ ਲਗਾਤਾਰ ਸੇਵਾ ਕੰਮ ਕਰ ਰਹੇ ਹਾਂ | ਇਸ ਮੌਕੇ ਸਕੱਤਰ ਹਰਿੰਦਰ ਸ਼ਰਮਾ, ਸਕੱਤਰ ਰਿੰਕੂ ਬਾਂਸਲ, ਅਮਨਪ੍ਰੀਤ ਬਾਵਾ, ਤਰੁਣ ਗਰਗ, ਸਮਾਜ ਸੇਵੀ ਪ੍ਰਵੀਨ ਕਾਂਝਲਾ, ਰਾਘਵ ਅਤੇ ਹੋਰ ਮੈਂਬਰ ਮੌਜੂਦ ਸਨ |
