ਰਾਮਾਂ ਮੰਡੀ, 18 ਜੂਨ (ਤਰਸੇਮ ਸਿੰਗਲਾ): ਅੱਜ ਦੇਰ ਸ਼ਾਮ ਸਥਾਨਕ ਸ਼੍ਰੀ ਗਊਸ਼ਾਲਾ ਰੋਡ 'ਤੇ ਸਥਿਤ ਗਰਗ ਸਵੀਟ ਕਾਰਨਰ ਦੀ ਦੁਕਾਨ ਦੇ ਅੱਗਿਓਾ ਇੱਕ ਮੋਟਰਸਾਈਕਲ 'ਤੇ ਸਵਾਰ ਦੋ ਨੌਜਵਾਨ ਸ਼ਰੇਆਮ ਬਿਨਾਂ ਕਿਸੇ ਖ਼ੌਫ਼ ਰਿਫਾਇੰਡ ਗਿੰਨੀ ਕਾਟਨ ਸੀਡ ਤੇਲ ਦਾ ਭਰਿਆ ਟੀਨ ਸਕਿੰਟਾਂ ਵਿਚ ਚੁੱਕ ਕੇ ਫ਼ਰਾਰ ਹੋ ਗਏ | ਜਿਨ੍ਹਾਂ ਦੀ ਤਸਵੀਰ ਦੁਕਾਨ 'ਚ ਲੱਗੇ ਸੀਸੀਟੀਵੀ ਕੈਮਰਿਆਂ ਵਿਚ ਕੈਦ ਹੋ ਗਈ ਹੈ | ਦੁਕਾਨਾਂ 'ਤੇ ਲਗਾਤਾਰ ਹੋ ਰਹੀਆਂ ਚੋਰੀਆਂ ਕਾਰਨ ਦੁਕਾਨਦਾਰ ਪ੍ਰੇਸ਼ਾਨ ਹੋ ਚੁੱਕੇ ਹਨ | ਦੁਕਾਨ ਦੇ ਮਾਲਕ ਕਾਕਾ ਗਰਗ ਨੇ ਕਿਹਾ ਕਿ ਸੀਸੀਟੀਵੀ ਵਿਚ ਤਸਵੀਰਾਂ ਕੈਦ ਹੋਣ ਤੋਂ ਬਾਅਦ ਵੀ ਚੋਰਾਂ ਦੀ ਪਛਾਣ ਹੀ ਨਹੀਂ ਹੁੰਦੀ ਤਾਂ ਇੱਕ ਆਦਮੀ ਦੇ ਦਰਜਨਾਂ ਪਹਿਚਾਣ ਪੱਤਰ ਬਣਾਉਣਾ ਨਿਰੀ ਡਰਾਮੇਬਾਜ਼ੀ ਤੋਂ ਸਿਵਾਏ ਕੀ ਮਤਲਬ ਰਹਿ ਗਿਆ ਹੈ |
