ਸ਼ਾਹਕੋਟ, 17 ਜੂਨ (ਬਾਂਸਲ)-ਪੰਜਾਬ ਮੰਡੀ ਬੋਰਡ ਵਲੋਂ ਖੇਤੀ ਕੰਮਾਂ ਦੌਰਾਨ ਹਾਦਸੇ ਦੇ ਪੀੜਤ ਕਿਸਾਨਾਂ ਤੇ ਮਜ਼ਦੂਰਾਂ ਦੀ ਮਾਲੀ ਸਹਾਇਤਾ ਦੇਣ ਦੀ ਯੋਜਨਾ ਤਹਿਤ ਮਾਰਕੀਟ ਕਮੇਟੀ ਸ਼ਾਹਕੋਟ ਦੇ ਚੇਅਰਮੈਨ ਬਲਵੀਰ ਸਿੰਘ ਢੰਡੋਵਾਲ ਤੇ ਸਕੱਤਰ ਤਜਿੰਦਰ ਕੁਮਾਰ ਵਲੋਂ ਪਿਛਲੇ ਮੱਕੀ ਦੇ ਸੀਜ਼ਨ ਦੌਰਾਨ ਹਾਦਸੇ ਦੇ ਪੀੜਤ ਇਕ ਮਜ਼ਦੂਰ ਨੂੰ ਮਾਲੀ ਸਹਾਇਤਾ ਦਾ ਚੈੱਕ ਭੇਟ ਕੀਤਾ ਗਿਆ | ਇਸ ਮੌਕੇ ਚੇਅਰਮੈਨ ਢੰਡੋਵਾਲ ਨੇ ਦੱਸਿਆ ਕਿ ਜਗਪ੍ਰੀਤ ਸਿੰਘ ਪੁੱਤਰ ਸ਼ਿੰਗਾਰਾ ਸਿੰਘ ਵਾਸੀ ਕੋਹਾੜ ਕਲਾਂ ਦੀਆਂ ਪਿਛਲੇ ਮੱਕੀ ਦੇ ਸ਼ੀਜਨ ਦੌਰਾਨ ਮਜ਼ਦੂਰੀ ਕਰਦਿਆਂ ਕੰਬਾਇਨ 'ਚ ਆਉਣ ਨਾਲ ਨਾਲ ਦੋਵੇਂ ਲੱਤਾਂ ਕੱਟੀਆਂ ਗਈਆਂ ਸਨ, ਨੂੰ ਮੰਡੀ ਬੋਰਡ ਵਲੋਂ ਆਰਥਿਕ ਮਦਦ ਦੇ ਤੌਰ 'ਤੇ ਚੈੱਕ ਦਿੱਤਾ ਗਿਆ ਹੈ | ਇਸ ਮੌਕੇ ਚੇਅਰਮੈਨ ਬਲਵੀਰ ਸਿੰਘ ਢੰਡੋਵਾਲ, ਸਕੱਤਰ ਤਜਿੰਦਰ ਕੁਮਾਰ, ਰਾਖੀ ਮੱਟੂ ਐਮ.ਸੀ., ਸ਼ਾਮ ਲਾਲ ਮੰਡੀ ਸੁਪਰਵਾਈਜ਼ਰ, ਅਮਨਦੀਪ ਸਿੰਘ ਟੁਰਨਾ ਮੰਡੀ ਸੁਪਰਵਾਈਜ਼ਰ, ਪਰਮਵੀਰ ਪੰਮਾ ਪ੍ਰਧਾਨ, ਸਰਬਜੀਤ ਮੱਟੂ, ਗੁਰਸ਼ਰਨਜੀਤ ਸਿੰਘ ਬਦੇਸ਼ਾ ਆਦਿ ਹਾਜ਼ਰ ਸਨ |
