ਜਲੰਧਰ, 30 ਦਸੰਬਰ (ਸ਼ਿਵ)-ਸ਼ਹਿਰ ਵਿਚ ਰੌਸ਼ਨੀ ਪ੍ਰਬੰਧ ਨੂੰ ਮਜ਼ਬੂਤ ਕਰਨ ਅਤੇ ਨਾਗਰਿਕਾਂ ਦੀ ਸੁਰੱਖਿਆ ਯਕੀਨੀ ਬਣਾਉਣ ਵੱਲ ਇੱਕ ਹੋਰ ਕਦਮ ਚੁੱਕਦਿਆਂ ਅੱਜ ਬਸਤੀ ਨੌਂ ਸਥਿਤ ਫੁੱਟਬਾਲ ਚੌਕ ਤੋਂ ਅੱਡਾ ਬਸਤੀ ਗੁਜਾਂ ਤੱਕ ਨਵੀਆਂ ਸਟਰੀਟ ਲਾਈਟਾਂ ਲਗਾਉਣ ਦੇ ਕੰਮ ਦਾ ਸ਼ੁਭਾਰੰਭ ਮੇਅਰ ਵਨੀਤ ਧੀਰ ਵਲੋਂ ਕੀਤਾ ਗਿਆ | ਇਸ ਮੌਕੇ ਬਸਤੀ ਨੌਂ ਦੀਆਂ ਵੱਖ-ਵੱਖ ਸਪੋਰਟਸ ਐਸੋਸੀਏਸ਼ਨਾਂ ਦੇ ਅਹੁਦੇਦਾਰਾਂ ਵਲੋਂ ਮੇਅਰ ਦਾ ਭਰਪੂਰ ਸਵਾਗਤ ਕੀਤਾ ਗਿਆ | ਇਸ ਸਮਾਗਮ ਦੌਰਾਨ ਖ਼ਾਸ ਤੌਰ 'ਤੇ ਆਮ ਆਦਮੀ ਪਾਰਟੀ ਦੇ ਨੇਤਾ ਅਤੁੱਲ ਭਗਤ ਵੀ ਮੌਜੂਦ ਰਹੇ | ਇਸ ਮੌਕੇ ਕੌਂਸਲਰ ਹਰਜਿੰਦਰ ਲਾਡਾ, ਕੇਸਰੀ ਵਰਮਾ, ਚੇਅਰਮੈਨ ਨਿਤਿਨ ਮਹਾਜਨ, ਵਾਈਸ ਚੇਅਰਮੈਨ ਕਪਿਲ ਕੋਹਲੀ, ਐਗਜ਼ੀਕਿਊਟਿਵ ਮੈਂਬਰ ਵਿਨੀਤ ਵਰਮਾ, ਜੁਬਿਨ ਭਸੀਨ, ਸੰਜੇ ਕੋਹਲੀ, ਅਭਿਸ਼ੇਕ ਗੁਪਤਾ, ਰਾਕੇਸ਼ ਅਰੋੜਾ, ਰਾਜੇਸ਼ ਅਰੋੜਾ ਅਤੇ ਚਰਨਪ੍ਰੀਤ ਸਿੰਘ ਬੇਦੀ ਸਮੇਤ ਹੋਰ ਲੋਕ ਹਾਜ਼ਰ ਸਨ |
