ਦਿੱਲੀ ਪੁਲਿਸ ਵਲੋਂ 4 ਸ਼ੱਕੀ ਅੱਤਵਾਦੀ ਗਿ੍ਫ਼ਤਾਰ

ਆਈ.ਈ.ਡੀ. ਜ਼ਬਤ, ਖਿਡÏਣਾ ਕਾਰ ਦੀ ਵਰਤੋਂ ਕਰਕੇ ਹਮਲੇ ਦੀ ਸੀ ਯੋਜਨਾ
ਨਵੀਂ ਦਿੱਲੀ, 18 ਅਪ੍ਰੈਲ (ਪੀ. ਟੀ. ਆਈ.)-ਦਿੱਲੀ ਪੁਲਿਸ ਨੇ ਮਹਾਰਾਸ਼ਟਰ, ਓਡੀਸ਼ਾ ਅਤੇ ਬਿਹਾਰ ਤੋਂ ਚਾਰ ਸ਼ੱਕੀ ਅੱਤਵਾਦੀਆਂ ਨੂੰ ਗਿ੍ਫ਼ਤਾਰ ਕੀਤਾ ਹੈ¢ ਅਧਿਕਾਰੀਆਂ ਨੇ ਦੱਸਿਆ ਕਿ ਇਨ੍ਹਾਂ ਵਿਅਕਤੀਆਂ 'ਤੇ ਕਥਿਤ ਤÏਰ 'ਤੇ ਅੱਤਵਾਦੀ ਸਰਗਰਮੀਆਂ ਦੀ ਯੋਜਨਾ ਬਣਾਉਣ, ਜਾਸੂਸੀ ਕਰਨ ਅਤੇ ਸੰਵੇਦਨਸ਼ੀਲ ਸਥਾਨਾਂ ਨੂੰ ਨਿਸ਼ਾਨਾ ਬਣਾਉਣ ਅਤੇ ਐਨਕ੍ਰਿਪਟਡ ਆਨਲਾਈਨ ਪਲੇਟਫਾਰਮਾਂ ਰਾਹੀਂ ਦੂਜਿਆਂ ਨੂੰ ਭਰਤੀ ਕਰਨ ਦੀ ਕੋਸ਼ਿਸ਼ ਕਰਨ ਦਾ ਦੋਸ਼ ਹੈ¢ ਪੁਲਿਸ ਨੇ ਕਿਹਾ ਕਿ ਕਾਰਵਾਈ ਦÏਰਾਨ ਇਕ ਆਈ.ਈ.ਡੀ ਅਤੇ ਸੰਬੰਧਿਤ ਸਮੱਗਰੀ ਜ਼ਬਤ ਕੀਤੀ ਗਈ ਹੈ¢ ਪੁਲਿਸ ਨੇ ਦੱਸਿਆ ਕਿ ਦੋ ਦੋਸ਼ੀ ਭੀੜ-ਭੜੱਕੇ ਵਾਲੀਆਂ ਥਾਵਾਂ ਨੂੰ ਨਿਸ਼ਾਨਾ ਬਣਾਉਣ ਲਈ ਆਈ.ਈ.ਡੀ. ਨਾਲ ਲੈਸ ਇੱਕ ਰਿਮੋਟ-ਨਿਯੰਤਰਿਤ ਖਿਡÏਣਾ ਕਾਰ ਤਿਆਰ ਕਰ ਰਹੇ ਸਨ | ਸਪੈਸ਼ਲ ਸੈੱਲ ਨੇ ਕਾਰਵਾਈ ਦੌਰਾਨ ਮਹਾਰਾਸ਼ਟਰ ਤੋਂ ਦੋ ਮੁਲਜ਼ਮਾਂ ਅਤੇ ਓਡੀਸ਼ਾ ਅਤੇ ਬਿਹਾਰ ਤੋਂ ਇੱਕ-ਇੱਕ ਮੁਲਜ਼ਮ ਨੂੰ ਗਿ੍ਫ਼ਤਾਰ ਕੀਤਾ ਹੈ¢ ਪੁਲਿਸ ਦਾ ਦੋਸ਼ ਹੈ ਕਿ ਇਹ ਚਾਰੇ ਖ਼ਲੀਫ਼ਾ ਸ਼ਾਸਨ ਸਥਾਪਤ ਕਰਨ ਦੇ ਵਿਚਾਰ 'ਤੇ ਆਧਾਰਿਤ ਕੱਟੜਪੰਥੀ ਵਿਚਾਰਧਾਰਾ ਤੋਂ ਪ੍ਰਭਾਵਿਤ ਸਨ ਅਤੇ 'ਗ਼ਜ਼ਵਾ-ਏ-ਹਿੰਦ' ਵਰਗੇ ਵਿਚਾਰਾਂ ਨੂੰ ਉਤਸ਼ਾਹਿਤ ਕਰ ਰਹੇ ਸਨ¢ ਉਹ ਕਥਿਤ ਤÏਰ 'ਤੇ 'ਖੋਰਾਸਨ ਦੇ ਲਸ਼ਕਰ' ਦੇ ਸੰਕਲਪ ਤੋਂ ਵੀ ਪ੍ਰੇਰਿਤ ਸਨ, ਜੋ ਕਾਲੇ ਝੰਡੇ ਲੈ ਕੇ ਚੱਲਦੇ ਸਨ, ਉਹ ਦੂਜਿਆਂ ਨੂੰ ਕੱਟੜਪੰਥੀ ਬਣਾਉਣ ਲਈ ਆਪਣੇ ਪ੍ਰਚਾਰ ਦੇ ਹਿੱਸੇ ਵਜੋਂ ਵਰਤਦੇ ਸਨ | ਦੋਸ਼ੀ ਸੋਸ਼ਲ ਮੀਡੀਆ ਸਮੂਹਾਂ 'ਤੇ ਸਰਗਰਮ ਸਨ, ਜਿੱਥੇ ਜੇਹਾਦ, ਕੱਟੜਪੰਥੀ ਵਿਚਾਰਧਾਰਾ ਅਤੇ ਹਥਿਆਰਾਂ ਨਾਲ ਸਬੰਧਤ ਸਮੱਗਰੀ ਸਾਂਝੀ ਕੀਤੀ ਜਾਂਦੀ ਸੀ¢