ਸਰਕਾਰ ਨੇ ਤੈਅ ਕੀਤੀਆਂ 23 ਦਵਾਈਆਂ ਦੀਆਂ ਕੀਮਤਾਂ

ਅ

ਅਜੀਤ ਡੈਸਕ 02-08-2026

ਨਵੀਂ ਦਿੱਲੀ, 1 ਅਗਸਤ (ਉਪਮਾ ਡਾਗਾ ਪਾਰਥ)- ਕੇਂਦਰ ਸਰਕਾਰ ਨੇ ਸਨਿਚਰਵਾਰ ਨੂੰ 23 ਦਵਾਈਆਂ ਦੀਆਂ ਕੀਮਤਾਂ ਨਿਸਚਿਤ ਕਰ ਦਿੱਤੀਆਂ ਹਨ ਅਤੇ ਹੁਣ ਦੁਕਾਨਦਾਰ ਇਨ੍ਹਾਂ ਦਵਾਈਆਂ ਲਈ ਤੈਅ ਕੀਮਤ ਤੋਂ ਵਧ ਰਕਮ ਨਹੀਂ ਵਸੂਲ ਸਕਣਗੇ। ਕੇਂਦਰ ਸਰਕਾਰ ਨੇ ਇਸ ਸੰਬੰਧ ’ਚ ਗਜ਼ਟ ਨੋਟੀਫਿਕੇਸ਼ਨ ਜਾਰੀ ਕੀਤਾ। ਨੋਟੀਫਿਕੇਸ਼ਨ ਮੁਤਾਬਿਕ ਦਿਲ, ਸ਼ੂਗਰ, ਬਲੱਡ ਪ੍ਰੈਸ਼ਰ, ਪੈਰਾਸਿਟਾਮੋਲ, ਐਂਟੀਬਾਇਓਟਿਕ, ਮੈਟਲ ਹੈਲਥ, ਬੁਖਾਰ, ਐਕਨਾਇਟੀ, ਆਇਰਨ, ਫੋਲਿਕ ਐਸਿਡ, ਪੀ.ਸੀ.ਓ.ਐਸ. ਨਾਲ ਜੁੜੀਆਂ ਦਵਾਈਆਂ ਦੀਆਂ ਕੀਮਤਾਂ ਨਿਸਚਿਤ ਕੀਤੀਆਂ ਗਈਆਂ। ਦਵਾਈ ਦੀ ਕੀਮਤ ’ਚ ਜੀ.ਐਸ.ਟੀ. ਉਸ ਵੇਲੇ ਹੀ ਵੱਖਰੇ ਤੌਰ ’ਤੇ ਜੋੜਿਆ ਜਾ ਸਕਦਾ ਹੈ, ਜਦੋਂ ਦੁਕਾਨਦਾਰ ਨੇ ਸਰਕਾਰ ਨੂੰ ਜੀ.ਐਸ.ਟੀ. ਦਿੱਤਾ ਹੋਏ। ਨੇਮਾਂ ਦੀ ਉਲੰਘਣਾ ਕਰਨ ’ਤੇ ਦੁਕਾਨਦਾਰ ਨੂੰ ਵਸੂਲੀ ਗਈ ਵਾਧੂ ਰਕਮ ਵਿਆਜ ਸਮੇਤ ਵਾਪਿਸ ਕਰਨੀ ਹੋਵੇਗੀ।

ਪਿਛਲੀ ਖ਼ਬਰ ਨੀਟ ਪੀ . ਜੀ .- ਉਮੀਦਵਾਰਾਂ ਨੂੰ ਘਰ ਦੇ ਨੇੜੇ ਕੇਂਦਰ ਮਿਲਣਗੇ , ਜਾਣਕਾਰੀ 3 ਹਫ਼ਤੇ ਪਹਿਲਾਂ ਮਿਲੇਗੀ ਅਗਲੀ ਖ਼ਬਰ ਨੀਟ-ਯੂ.ਜੀ. ਕੌਂਸਲਿੰਗ 4 ਤੋਂ