ਦਿੱਲੀ ’ਚ 2 ਨਿਹੰਗ ਭਰਾਵਾਂ ਵਲੋਂ ਦੁਕਾਨਦਾਰ ’ਤੇ ਹਮਲਾ, ਗ੍ਰਿਫ਼ਤਾਰ

ਨਵੀਂ ਦਿੱਲੀ, 10 ਸਤੰਬਰ (ਪੀ.ਟੀ.ਆਈ.)-ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ ’ਤੇ ਬਿੱਲ ਦੀ ਅਦਾਇਗੀ ਨੂੰ ਲੈ ਕੇ ਹੋਏ ਝਗੜੇ ਤੋਂ ਬਾਅਦ ਗੰਨੇ ਦੇ ਜੂਸ ਦੀ ਦੁਕਾਨ ਦੇ ਕਰਮਚਾਰੀ ’ਤੇ ਹਮਲਾ ਕਰਨ ਦੇ ਦੋਸ਼ ’ਚ 2 ਨਿਹੰਗ ਸਿੱਖ ਭਰਾਵਾਂ ਨੂੰ ਗ੍ਰਿਫ਼ਤਾਰ ਕੀਤਾ। ਇਹ ਘਟਨਾ ਸਵੇਰੇ ਕਰੀਬ 10 ਵਜੇ ਰੇਲਵੇ ਸਟੇਸ਼ਨ ਦੇ ਬਾਹਰੀ ਗੇਟ ਨੇੜੇ ਸਥਿਤ ਗੰਨੇ ਦੇ ਜੂਸ ਦੀ ਦੁਕਾਨ ਕੋਲ ਵਾਪਰੀ। ਪੁਲਿਸ ਨੇ ਦੱਸਿਆ ਕਿ ਦੋਵਾਂ ਮੁਲਜ਼ਮਾਂ, ਜਿਨ੍ਹਾਂ ਦੀ ਪਛਾਣ ਗਗਨਦੀਪ ਸਿੰਘ (21) ਤੇ ਉਸਦੇ ਭਰਾ ਬਲਜੀਤ ਸਿੰਘ (30) ਵਜੋਂ ਹੋਈ ਹੈ, ਦੋਵੇਂ ਜਲੰਧਰ ਦੇ ਰਹਿਣ ਵਾਲੇ ਹਨ। ਮੁੱਢਲੀ ਜਾਂਚ ਅਨੁਸਾਰ, ਦੋਵੇਂ ਭਰਾ ਗੰਨੇ ਦੇ ਜੂਸ ਦੀ ਦੁਕਾਨ ’ਤੇ ਰੁਕੇ ਤੇ 2 ਗਲਾਸ ਜੂਸ ਪੀਤਾ। ਝਗੜਾ ਉਦੋਂ ਸ਼ੁਰੂ ਹੋਇਆ ਜਦੋਂ ਦੁਕਾਨ ਦੇ ਕਰਮਚਾਰੀ ਨੇ ਉਨ੍ਹਾਂ ਨੂੰ 60 ਰੁਪਏ ਦੇਣ ਲਈ ਕਿਹਾ, ਜਦਕਿ ਉਹ 50 ਰੁਪਏ ਦੇਣ ’ਤੇ ਅੜੇ ਹੋਏ ਸਨ। ਇਹ ਮਾਮਲਾ ਵਧ ਕੇ ਲੜਾਈ ’ਚ ਬਦਲ ਗਿਆ।