ਚੋਪੜਾ ਪਰਿਵਾਰ ਵਲੋਂ ਸਵਰਗ ਧਾਮ ਦਸੂਹਾ ਨੂੰ 11000 ਦੀ ਰਾਸ਼ੀ ਦਾਨ ਭੇਟ

ਦਸੂਹਾ, 14 ਜੁਲਾਈ (ਭੁੱਲਰ)- ਆਜ਼ਾਦੀ ਘੁਲਾਟੀਏ ਸਵਰਗਵਾਸੀ ਡਾਕਟਰ ਐੱਸ. ਕੇ. ਸ਼ਾਦ ਦੀ ਯਾਦ ਵਿਚ ਪ੍ਰਸਿੱਧ ਸਮਾਜ ਸੇਵੀ ਸੁਮਿਤ ਚੋਪੜਾ ਸਪੁੱਤਰ ਪ੍ਰਿੰਸੀਪਲ ਸਵਤੰਤਰ ਕੁਮਾਰ ਚੋਪੜਾ ਅਤੇ ਸਮੂਹ ਪਰਿਵਾਰ ਵਲੋਂ ਸਵਰਗ ਧਾਮ ਦਸੂਹਾ ਨੂੰ 11000 ਦੀ ਰਾਸ਼ੀ ਦਾਨ ਦਿੱਤੀ ਗਈ। ਇਸ ਮੌਕੇ ਸੁਮਿਤ ਚੋਪੜਾ ਨੇ ਆਪਣੇ ਸੰਬੋਧਨ ਵਿਚ ਦਾਨੀ ਤੇ ਪਤਵੰਤੇ ਸੱਜਣਾਂ ਨੂੰ ਸਵਰਗ ਧਾਮ ਦਸੂਹਾ ਲਈ ਵੱਧ ਤੋਂ ਵੱਧ ਸਹਿਯੋਗ ਕਰਨ ਦੀ ਅਪੀਲ ਕੀਤੀ। ਇਸ ਨੇਕ ਉਪਰਾਲੇ ਲਈ ਸਵਰਗ ਧਾਮ ਕਮੇਟੀ ਦੇ ਅਹੁਦੇਦਾਰਾਂ ਅਤੇ ਮੈਂਬਰਾਂ ਨੇ ਸਮੂਹ ਚੋਪੜਾ ਪਰਿਵਾਰ ਦਾ ਤਹਿ ਦਿਲ ਤੋਂ ਧੰਨਵਾਦ ਕੀਤਾ। ਇਸ ਮੌਕੇ ਸਵਰਗ ਧਾਮ ਦਸੂਹਾ ਦੇ ਮੈਨੇਜਰ ਪੁਨੀਤ ਬੱਸੀ, ਐਡਵੋਕੇਟ ਪ੍ਰਧਾਨ ਓਮਕਾਰ ਨਾਥ ਰਲਣ, ਸਕੱਤਰ ਰਮੇਸ਼ ਜਸਵਾਲ, ਆਰਿਆ ਸਮਾਜ ਐਜੂਕੇਸ਼ਨਲ ਅਤੇ ਵੈੱਲਫੇਅਰ ਸੁਸਾਇਟੀ ਦਸੂਹਾ ਦੇ ਪ੍ਰਧਾਨ ਵਿਜੇ ਕੁਮਾਰ ਬੱਸੀ ਐਡਵੋਕੇਟ, ਪ੍ਰਿੰਸੀਪਲ ਸਵਤੰਤਰ ਚੋਪੜਾ, ਊਸ਼ਾ ਰੱਲਣ, ਪ੍ਰਿੰਸੀਪਲ ਜੇ.ਪੀ. ਚੌਹਾਨ, ਰਾਮ ਰਤਨ ਸ਼ਰਮਾ, ਪ੍ਰਿੰਸੀਪਲ ਰਜੇਸ਼ ਗੁਪਤਾ ਹਾਜ਼ਰ ਸਨ।