ਵਾਤਾਵਰਨ ਦੀ ਸ਼ੁੱਧਤਾ ਲਈ ਕਾਂਟੀਆ ਦਰਬਾਰ ਵਲੋਂ 700 ਬੂਟੇ ਵੰਡੇ

ਹੁਸ਼ਿਆਰਪੁਰ, 28 ਜੁਲਾਈ (ਨਰਿੰਦਰ ਸਿੰਘ ਬੱਡਲਾ)- ਸਰਬ ਸਾਂਝਾ ਦਰਬਾਰ ਕਾਂਟੀਆ ਸ਼ਰੀਫ਼ ਵਿਖੇ ਗੁਰਪੂਰਨਿਮਾ ਮੌਕੇ ਗੁਰੂ ਪੂਜਾ ਦਿਵਸ ਮਾਲਿਕ ਸਾਹਿਬਜੋਤ ਦੀ ਅਗਵਾਈ ‘ਚ ਸਮਾਗਮ ਕਰਵਾਇਆ ਗਿਆ। ਇਸ ਮੌਕੇ ਮਾਲਿਕ ਸਾਹਿਬਜੋਤ ਨੇ ਆਈ ਸੰਗਤ ਨੂੰ ਆਪਣੇ ਪ੍ਰਵਚਨਾਂ ਰਾਹੀਂ ਜੀਵਨ ‘ਚ ਗੁਰੂ ਦੀ ਅਹਿਮੀਅਤ ਬਾਰੇ ਦੱਸਿਆ। ਜੀਵਨ ਦੇ ਮਕਸਦ ਬਾਰੇ ਦੱਸਦਿਆਂ ਉਨ੍ਹਾਂ ਸਮਝਾਇਆ ਕਿ ਸਾਨੂੰ ਸਮਾਜ ਵਿਚ ਰਹਿੰਦਿਆਂ ਸਮਾਜ ਨੂੰ ਸੁੰਦਰ ਬਣਾਉਣ, ਭਾਈਚਾਰਕ ਸਾਂਝ ਬਣਾਈ ਰੱਖਣ, ਵਾਤਾਵਰਨ ਸਾਫ਼ ਰੱਖਣ, ਪਾਣੀ ਦੀ ਸੰਭਾਲ ਕਰਨ, ਔਖੇ ਸਮੇਂ ਲੋੜਵੰਦ ਲੋਕਾਂ ਦੀ ਮਦਦ ਕਰਨ, ਹਵਾ ਨੂੰ ਗੰਧਲਾ ਹੋਣ ਤੋਂ ਬਚਾਉਣ ਲਈ ਯਤਨ ਕਰਨੇ ਚਾਹੀਦੇ ਹਨ, ਵਾਤਾਵਰਨ ਦੀ ਸ਼ੁੱਧਤਾ ਲਈ ਵਧ ਤੋਂ ਵਧ ਬੂਟੇ ਲਗਾਉਣੇ ਚਾਹੀਦੇ ਹਨ। ਇਸ ਮੌਕੇ ਦਰਬਾਰ ਵਲੋਂ ਮਾਲਿਕ ਸਾਹਿਬਜੋਤ ਦੇ ਪੁੱਤਰ ਰੱਬੁਲਜੋਤ ਵਲੋਂ ਸੰਗਤਾਂ ਨੂੰ 700 ਬੂਟੇ ਵੰਡੇ ਗਏ।