ਜਗਰਾਉਂ, 24 ਮਈ (ਸ਼ਮਸ਼ੇਰ ਸਿੰਘ ਗਾਲਿਬ)-26 ਮਈ ਨੂੰ ਹੋਣ ਵਾਲੀਆਂ ਜਗਰਾਉਂ ਨਗਰ ਕੌਸਲ ਦੀਆਂ ਚੋਣਾਂ ਲਈ ਅੱਚ ਸ਼ਾਮੀ 5 ਵਜੇ ਚੋਣ ਉਮੀਦਵਾਰਾਂ ਵਲੋਂ ਕੀਤਾ ਆਪਣਾ ਪ੍ਰਚਾਰ ਬੰਦ ਕਰ ਦਿੱਤਾ ਗਿਆ ਹੈ | ਹੁਣ ਉਮੀਦਵਾਰ ਘਰ ਘਰ ਜਾ ਕੇ ਵੋਟਰਾਂ ਨਾਲ ਰਾਬਤਾ ਕਰਨਗੇ | 23 ਵਾਰਡਾਂ ਦੇ 100 ਉਮੀਦਵਾਰ ਚੋਣ ਮੈਦਾਨ ਵਿਚ ਹਨ | ਪੁਸਿਲ ਅਤੇ ਸਿਵਲ ਪ੍ਰਸ਼ਾਸਨ ਚੋਣ ਲੜ ਰਹੇ ਉਮੀਦਵਾਰਾਂ 'ਤੇ ਲਗਾਤਾਰ ਨਿਗਰਾਨੀ ਰੱਖ ਰਹੇ ਹਨ | ਪੁਲਿਸ ਅਨੁਸਾਰ 23 ਬੂਥਾਂ 'ਤੇ ਸੁਰੱਖਿਆ ਲਈ ਵੋਟਰਾਂ ਬਾਬਤ ਪੁਖਤਾ ਪ੍ਰਬੰਧ ਕੀਤੇ ਗਏ ਹਨ | 150 ਮੁਲਾਜ਼ਮਾਂ ਨੂੰ ਤਾਇਨਾਤ ਕੀਤਾ ਗਿਆ ਹੈ | 26 ਮਈ ਨੂੰ ਸਵੇਰੇ 8 ਵਜੇ ਤੋਂ 5 ਵਜੇ ਤੱਕ ਬੈਲਟ ਪੇਪਰ ਨਾਲ ਵੋਟਾਂ ਪੈਣਗੀਆਂ | ਅੱਜ ਆਖਰੀ ਦਿਨ ਸਾਰੇ ਉਮੀਦਵਾਰਾਂ ਨੇ ਖੁੱਲ ਕੇ ਆਪਣੇ ਆਪਣੇ ਹੱਕ 'ਚ ਵੋਟਰਾਂ ਨੂੰ ਭੁਗਤਾਉਣ ਲਈ ਰੋਡ ਸ਼ੋਅ ਅਤੇ ਮੁਹੱਲਿਆਂ 'ਚ ਵੱਡੇ ਇਕੱਠ ਕੀਤੇ | ਅੱਜ ਆਖਰੀ ਦਿਨ ਆਟੋ, ਰਿਕਸ਼ਿਆਂ ਤੇ ਹੋਰ ਸਾਧਨਾਂ ਨੇ ਦੁਆਰਾ ਪੁਰਾ ਪ੍ਰਚਾਰ ਪ੍ਰਸਾਰ ਕੀਤਾ ਗਿਆ |
