ਕਟਾਰੀਆਂ, 25 ਜਨਵਰੀ (ਪ੍ਰੇਮੀ ਸੰਧਵਾਂ) - ਫੱਕਰਾਂ ਦੀ ਜਨਮ ਨਗਰੀ ਵਜੋਂ ਜਾਣੇ ਜਾਂਦੇ ਪਿੰਡ ਕਟਾਰੀਆਂ ਵਿਖੇ ਪੀਰ ਲੱਖ ਦਾਤਾ ਕਾਦਰੀ ਦੇ ਦਰਬਾਰ 'ਤੇ 26 ਤੇ 27 ਜਨਵਰੀ ਨੂੰ ਦਰਬਾਰ ਦੇ ਗੱਦੀ ਨਸ਼ੀਨ ਤੇ ਮਹਾਨ ਤਪੱਸਵੀ ਸਾਈਾ ਲਖਵੀਰ ਸ਼ਾਹ ਕਾਦਰੀ ਦੀ ਰਹਿਨੁਮਾਈ ਹੇਠ ਪੀਰ ਬਾਬਾ ਹਾਕਮ ਸ਼ਾਹ ਨੌਸ਼ਾਹੀ ਕਾਦਰੀ, ਪੀਰ ਬਾਬਾ ਬੂੜ ਸ਼ਾਹ ਚਿਸ਼ਤੀ, ਪੀਰ ਬਾਬਾ ਊਧੋ ਸ਼ਾਹ ਚਿਸ਼ਤੀ, ਸੰਤ ਬਾਬਾ ਗਰੀਬ ਦਾਸ ਆਦਿ ਮਹਾਂਪੁਰਸ਼ਾਂ ਦੇ ਪੂਰਨ ਸਹਿਯੋਗ ਨਾਲ ਸਲਾਨਾ ਸੱ ਭਿਆਚਾਰਕ ਮੇਲਾ ਸ਼ਰਧਾ ਪੂਰਵਕ ਮਨਾਇਆ ਜਾ ਰਿਹਾ ਹੈ | ਮੇਲੇ ਦੇ ਦੋਵੇਂ ਦਿਨ ਦੁਰਗਾ ਰੰਗੀਲਾ, ਕਮਲ ਖਾਨ, ਕੌਰ ਭੈਣਾਂ, ਸੱਤੀ ਖੋਖੇਵਾਲੀਆ ਆਦਿ ਕਲਾਕਾਰ ਆਪਣਾ ਨਿਰੋਲ ਧਾਰਮਿਕ ਪ੍ਰੋਗਰਾਮ ਪੇਸ਼ ਕਰਨਗੇ ਤੇ ਮੇਲੇ 'ਚ ਵੱਖ-ਵੱਖ ਦਰਬਾਰਾਂ ਤੋਂ ਫੱਕਰ ਰੂਹਾਂ ਸ਼ਿਰਕਤ ਕਰਨਗੀਆਂ | ਸਾਈਾ ਲਖਵੀਰ ਸ਼ਾਹ ਕਾਦਰੀ ਨੇ ਦੱਸਿਆ ਕਿ ਪੀਰ ਲੱਖਦਾਤਾ ਦੀ ਯਾਦ 'ਚ ਕਰਵਾਏ ਜਾ ਰਹੇ ਮੇਲੇ ਦੀਆਂ ਤਿਆਰੀਆਂ ਮੁਕੰਮਲ ਹੋ ਚੁੱਕੀਆਂ ਹਨ | ਉਨ੍ਹਾਂ ਕਿਹਾ ਕਿ ਕੋਈ ਸੱਜਣ ਮੇਲੇ 'ਚ ਨਸ਼ਾ ਕਰਕੇ ਆਉਣ ਦੀ ਕ੍ਰਿਪਾਲਤਾ ਨਾ ਕਰੇ | ਮੇਲੇ ਦੌਰਾਨ ਬਾਬਾ ਜੀ ਦਾ ਲੰਗਰ ਅਤੁੱਟ ਵਰਤੇਗਾ | ਇਸ ਮੌਕੇ ਬੀਬੀ ਸ਼ਾਤੀ ਚੋਪੜਾ, ਰਾਮ ਸਰੂਪ, ਪ੍ਰਧਾਨ ਰਾਮ ਲਾਲ ਬਬਲੀ, ਗੋਪੀ, ਬੀਬੀ ਸੁਰਿੰਦਰ ਕੌਰ, ਪਰਮਜੀਤ ਪੰਮੀ, ਗੁਰਬਖਸ਼ ਕੌਰ, ਬੂਟਾ ਰਾਮ, ਹਰਮੇਸ਼ ਲਾਲ, ਗਿਆਨ ਸਿੰਘ, ਸੰਤੋਖ ਸਿੰਘ, ਫਕੀਰ ਚੰਦ ਆਦਿ ਹਾਜ਼ਰ ਸਨ |
