ਸੁਰ-ਸੰਗੀਤ ਸੰਸਥਾ ਦੋਆਬਾ ਵਲੋਂ ਬਲਵੀਰ ਬੈਂਸ ਤੇ ਪਰਮਜੀਤ ਲਾਖਾ ਸਨਮਾਨਿਤ

ਬੰਗਾ, 2 ਮਾਰਚ (ਸੁਰਿੰਦਰ ਸਿੰਘ ਕਰਮ ਲਧਾਣਾ)-ਸੁਰ-ਸੰਗੀਤ ਸੰਸਥਾ ਦੋਆਬਾ ਬੰਗਾ ਵਲੋਂ ਸਥਾਨਕ ਡਿੰਪੀ ਰੈਸਟੋਰੈਂਟ ਵਿਖੇ ਕਰਾਏ ਸਮਾਗਮ ਦੌਰਾਨ ਪ੍ਰਸਿੱਧ ਪ੍ਰਮੋਟਰ ਤੇ ਸਮਾਜ ਸੇਵੀ ਬਲਵੀਰ ਬੈਂਸ ਕੈਨੇਡਾ ਅਤੇ ਪਰਮਜੀਤ ਲਾਖਾ ਦਾ ਵਿਸ਼ੇਸ਼ ਤੌਰ 'ਤੇ ਸਨਮਾਨ ਕੀਤਾ ਗਿਆ | ਇਸ ਮੌਕੇ ਬਲਵੀਰ ਸਿੰਘ ਬੈਂਸ ਨੇ ਦੱਸਿਆ ਕਿ ਅਸੀਂ ਪਿੰਡ ਘੁੰਮਣਾਂ ਵਿਖੇ ਕਬੱਡੀ ਕੱਪ ਕਰਵਾਉਣ ਜਾ ਰਹੇ ਰਹੇ ਹਾਂ | ਜਿਹੜਾ ਕਿ ਕ੍ਰਾਂਤੀਕਾਰੀ ਗੁਰੂ ਰਵਿਦਾਸ ਜੀ ਅਤੇ ਡਾ. ਅੰਬੇਡਕਰ ਨੂੰ ਸਮਰਪਿਤ ਹੁੰਦਾ ਹੈ | ਪ੍ਰਵੀਨ ਬੰਗਾ ਨੇ ਸ਼ਲਾਘਾ ਕਰਦਿਆਂ ਕਿਹਾ ਕਿ ਇਸ ਤਰ੍ਹਾਂ ਦੇ ਸਮਾਜ ਸੇਵੀ ਐਨ.ਆਰ.ਆਈ ਸੱਜਣਾਂ ਕਰਕੇ ਹੀ ਪੰਜਾਬ ਵਿੱਚ ਖੁਸ਼ਹਾਲੀ ਅਤੇ ਖੇਡ ਮੇਲੇ ਹੋ ਰਹੇ ਹਨ | ਸੰਸਥਾ ਦੇ ਪ੍ਰਧਾਨ ਰਾਜ ਦਦਰਾਲ ਨੇ ਪਿਛਲੇ ਸਮੇਂ ਅੰਦਰ ਕੀ ਕੁਝ ਕੀਤਾ ਅਤੇ ਆਉਣ ਵਾਲੇ ਸਮੇਂ ਅੰਦਰ ਕੀ ਕਰਨਾ ਚਾਹੁੰਦੇ ਹਨ ਬਾਰੇ ਦੱਸਿਆ ਅਤੇ ਸੰਸਥਾ ਵਲੋ ਅੱੈਨ.ਆਰ.ਆਈ. ਵੀਰਾਂ ਦੇ ਸਹਿਯੋਗ ਨਾਲ ਜਰੂਰਤਮੰਦ ਪਰਿਵਾਰ ਦੀ ਲੜਕੀ ਦਾ ਵਿਆਹ ਵੀ ਕੀਤਾ ਜਾ ਰਿਹਾ ਹੈ | ਇਸ ਮੌਕੇ ਮਨੋਹਰ ਕਮਾਮ ਬਸਪਾ ਆਗੂ, ਉਪ ਪ੍ਰਧਾਨ ਵਿਜੇ ਗੁਣਾਚੌਰ, ਜਗਦੀਸ਼ ਜਾਡਲਾ, ਮੁੱਖ ਸਲਾਹਕਾਰ ਰਾਣੀ ਅਰਮਾਨ, ਸਹਿ-ਖਜਾਨਚੀ ਦਵਿੰਦਰ ਰੂਹੀ, ਮੁੱਖ ਸਲਾਹਕਾਰ ਕਿ੍ਸ਼ਨ ਹੀਉ, ਸਕੱਤਰ ਹਰਦੀਪ ਦੀਪਾ, ਲੱਕੀ ਮਹਿਰਾ, ਮਹੇਸ਼ ਸਾਜਨ, ਜਗਦੀਸ਼ ਸਿੰਘ ਪਹਿਲਵਾਨ ਤੇ ਹੋਰ ਹਾਜ਼ਰ ਸਨ |
ਇਸ ਮੌਕੇ ਗਾਇਕਾ ਰਾਣੀ ਅਰਮਾਨ ਨੇ ਆਪਣੇ ਗੀਤ ਰਾਹੀਂ ਮਾਹੌਲ ਖ਼ੁਸ਼ਗਵਾਰ ਬਣਾ ਦਿੱਤਾ | ਸਮਾਗਮ 'ਚ ਗੀਤਕਾਰ ਵਿਜੇ ਗੁਣਾਚੌਰ ਨੇ ਸਟੇਜ ਦੀ ਕਾਰਵਾਈ ਬਾਖੂਬੀ ਨਿਭਾਈ |