ਨਵਾਂਸ਼ਹਿਰ/ਟੱਪਰੀਆਂ ਖੁਰਦ, 18 ਮਈ (ਨੂਰਪੁਰ, ਬੂਥਗੜ੍ਹੀਆ)-ਪੀ. ਡਬਲਿਊ. ਡੀ. ਇਲੈਕਟਰੀਕਲ ਆਊਟ ਸੋਰਸਿੰਗ ਯੂਨੀਅਨ ਪੰਜਾਬ ਦੀ ਮੀਟਿੰਗ ਪੰਜਾਬ ਦੇ ਸੂਬਾ ਪ੍ਰਧਾਨ ਜਸਪ੍ਰੀਤ ਗਗਨ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਜ਼ਿਲ੍ਹਾ ਪ੍ਰਧਾਨ ਨਵਾਂਸ਼ਹਿਰ ਲਖਵਿੰਦਰ ਕੁਮਾਰ ਦੀ ਅਗਵਾਈ ਵਿਖੇ ਹੋਈ ਸੀ | ਜਿਸ ਵਿਚ ਦਿੜਬਾ ਵਿਖੇ ਦਿੱਤੇ ਜਾਣ ਵਾਲੇ ਸੂਬਾ ਪੱਧਰੀ ਧਰਨੇ ਦੇ ਸੰਬੰਧ ਵਿਚ ਆਗੂਆਂ ਦੇ ਨਾਲ ਵਿਚਾਰ ਵਟਾਂਦਰਾ ਕਰਕੇ ਤੇ ਜ਼ਿਲਿ੍ਹਆਂ ਦੀਆਂ ਤਿਆਰੀਆਂ ਕਰਵਾਉਣ ਲਈ ਫੈਸਲਾ ਕੀਤਾ ਗਿਆ ਸੀ ਤੇ ਉਸ 'ਚ ਸਾਰੇ ਹੀ ਜ਼ਿਲਿ੍ਹਆਂ ਤੇ ਆਗੂਆਂ ਨੇ ਵਿਸ਼ਵਾਸ ਦਿਵਾਇਆ ਕਿ ਵੱਡੀ ਗਿਣਤੀ ਵਿਚ ਦਿੜਬਾ ਧਰਨੇ 'ਚ ਉਹ ਸ਼ਾਮਿਲ ਹੋਣਗੇ | ਜੇਕਰ ਸਰਕਾਰ ਨੇ 19 ਤਰੀਕ ਦੀ ਮੀਟਿੰਗ 'ਚ ਮੁਲਾਜ਼ਮਾਂ ਦੀਆਂ ਮੰਗਾਂ ਦਾ ਕੋਈ ਫੈਸਲਾ ਨਾ ਕੀਤਾ ਗਿਆ ਤਾਂ ਵੱਡੀ ਗਿਣਤੀ ਵਿਚ ਸਾਰੇ ਸਾਥੀ ਦਿੜਬਾ ਰੈਲੀ ਵਿਚ ਸ਼ਾਮਿਲ ਹੋਣਗੇ | ਉਨ੍ਹਾਂ ਕਿਹਾ ਕਿ ਇਸ ਬੈਠਕ ਦੇ ਦੌਰਾਨ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਤੋਂ ਹੀ ਨਹੀਂ ਸਗੋਂ ਪੂਰੇ ਪੰਜਾਬ ਸੂਬੇ ਦੇ ਸਮੂਹ ਪੀ. ਡਬਲਿਊ. ਡੀ ਦੇ ਇਲੈਕਟਰੀਕਲ ਰੈਲੀ 'ਚ ਸ਼ਮੂਲੀਅਤ ਕਰਨ ਜਾਣਗੇ |
