ਬਸੀ ਪਠਾਣਾਂ, 20 ਫਰਵਰੀ (ਪੱਤਰ ਪ੍ਰੇਰਕ)-ਪਾਈਨ ਗਰੋਵ ਸਕੂਲ ਵਿਚ ਸਾਲਾਨਾ ਐਥਲੈਟਿਕ ਮੀਟ ਕਰਵਾਈ ਗਈ, ਜਿਸ ਵਿਚ ਸਾਰੇ ਹੀ ਵਿਦਿਆਰਥੀਆਂ ਨੇ ਬੜੇ ਉਤਸ਼ਾਹ ਨਾਲ ਭਾਗ ਲਿਆ | ਅਥਲੈਟਿਕਸ ਮੀਟ ਵਿਚ ਵੱਖ-ਵੱਖ ਟਰੈਕ, ਫ਼ੀਲਡ ਇਵੈਂਟਸ ਅਤੇ ਫਨੀ ਦੌੜਾਂ ਕਰਵਾਈਆਂ ਗਈਆਂ | ਜਿਨ੍ਹਾਂ 'ਚ ਟਰੈਕ ਇਵੈਂਟਸ ਦੇ 100, 200, 400 ਅਤੇ 800-ਮੀਟਰ ਦੌੜਾਂ, ਫ਼ੀਲਡ ਈਵੈਂਟ ਵਿਚ ਉੱਚੀ ਛਾਲ, ਸ਼ਾਰਟ ਪੁੱਟ, ਜੈਵਲਿਨ ਥਰੋਅ ਗਤੀਵਿਧੀਆਂ ਹੋਈਆਂ | ਫਨੀ ਦੌੜਾਂ ਵਿਚ ਤਿੰਨ ਲੱਤਾਂ, ਲੈਮਨ, ਸਪੂਨ ਦੌੜ, ਬੈੱਕ ਅਤੇ ਸੈਕ ਦੌੜਾਂ ਕਰਵਾਈਆਂ ਗਈਆਂ | ਕਿੰਡਰ ਗਾਰਡਨ ਦੇ ਬੱਚਿਆਂ ਦੀਆਂ ਖੇਡਾਂ 'ਚ ਫਰੋਗ ਦੌੜ, ਰੈਬਿੱਟ, ਥ੍ਰੀ ਲੈੱਗ, ਲੈਮਨ ਸਪੂਨ, ਬੈੱਕ ਅਤੇ ਸੈਕ ਦੌੜ ਆਦਿ ਖੇਡਾਂ ਸ਼ਾਮਿਲ ਸਨ | ਇਸ ਤੋਂ ਇਲਾਵਾ ਅਧਿਆਪਕਾਂ ਦੀਆਂ ਲੈਮਨ ਸਪੂਨ, ਥ੍ਰੀ ਲੈੱਗ ਅਤੇ 100-ਮੀਟਰ ਦੌੜ ਵੀ ਕਰਵਾਈ ਗਈ | ਸਕੂਲ ਵਿਚ ਡਰਾਈਵਰਾਂ ਅਤੇ ਚੌਕੀਦਾਰਾਂ ਲਈ 100-ਮੀਟਰ ਦੀ ਦੌੜ ਕਰਵਾਈ ਗਈ | ਇਸ ਮੌਕੇ ਪ੍ਰਧਾਨ ਵਿਜੇ ਕੌਸ਼ਲ ਅਤੇ ਚੇਅਰਪਰਸਨ ਵੀਨਾ ਕੌਸ਼ਲ ਨੇ ਜੇਤੂ ਵਿਦਿਆਰਥੀਆਂ ਨੂੰ ਇਨਾਮਾਂ ਦੀ ਵੰਡ ਕੀਤੀ ਅਤੇ ਉਨ੍ਹਾਂ ਦੇ ਚੰਗੇ ਭਵਿੱਖ ਦੀ ਕਾਮਨਾ ਕੀਤੀ | ਸਕੂਲ ਪਿ੍ੰਸੀਪਲ ਨੀਤੂ ਕੁਮਾਰ ਨੇ ਵੀ ਵਿਦਿਆਰਥੀਆਂ ਨੂੰ ਜਿੱਤ ਦੀ ਵਧਾਈ ਦਿੱਤੀ | ਸਕੂਲ ਦੇ ਪ੍ਰਧਾਨ ਅਤੇ ਚੇਅਰਪਰਸਨ ਨੇ ਡੀ.ਪੀ. ਹਰਵਿੰਦਰ ਸਿੰਘ ਨੂੰ ਵੀ ਵਧਾਈ ਦਿੱਤੀ, ਜਿਨ੍ਹਾਂ ਦੀ ਮਿਹਨਤ ਸਦਕਾ ਬੱਚੇ ਵੱਖ-ਵੱਖ ਖੇਡਾਂ 'ਚ ਇਨਾਮ ਜਿੱਤ ਸਕੇ |
