ਪਟਿਆਲਾ, 9 ਮਈ (ਮਨਦੀਪ ਸਿੰਘ ਖਰੌੜ)-ਇਥੋਂ ਦੇ ਪਿੰਡ ਸਵਾਜਪੁਰ ਦੇ ਗੁਰੂਘਰ ਦੀ ਗੋਲਕ ਵਿਚੋਂ ਕੋਈ 25 ਹਜਾਰ ਰੁਪਏ ਅਤੇ ਕਣਕ ਚੋਰੀ ਕਰਕੇ ਲੈ ਗਿਆ ਹੈ | ਇਸ ਸੰਬੰਧੀ ਹਰਦਮ ਸਿੰਘ ਨੇ ਥਾਣਾ ਪਸਿਆਣਾ ਵਿਚ ਸ਼ਿਕਾਇਤ ਦਰਜ ਕਰਵਾਈ ਹੈ ਕਿ 7 ਮਈ ਨੂੰ ਉਹ ਸਵੇਰੇ ਤਿੰਨ ਵਜੇ ਉਹ ਗੁਰੂਘਰ ਮੱਥਾ ਟੇਕਣ ਆਇਆ ਤਾਂ ਉਸ ਨੇ ਦੇਖਿਆ ਕਿ ਦਰਬਾਰ ਸਾਹਿਬ ਦਾ ਦਰਵਾਜੇ ਦਾ ਜਿੰਦਰਾ ਟੁੱਟਿਆ ਹੋਇਆ ਸੀ ਅਤੇ ਗੋਲਕ ਵਿਚੋਂ 25 ਹਜਾਰ ਰੁਪਏ ਅਤੇ ਗੁਰੂਘਰ ਵਿਚ ਪਏ ਕਣਕ ਦੇ 13 ਥੈਲੇ ਗ਼ਾਇਬ ਸਨ | ਜਿਸ ਆਧਾਰ ਉੱਤੇ ਪੁਲਿਸ ਨੇ ਮੁਲਜਮ ਸੁਰਪ੍ਰੀਤ ਸਿੰਘ, ਕੁਲਵੰਤ ਸਿੰਘ ਵਾਸੀਅਨ ਜਿਲ੍ਹਾ ਪਟਿਆਲਾ ਖਿਲਾਫ ਕੇਸ ਦਰਜ ਕਰ ਲਿਆ ਹੈ |
