ਸਮਾਣਾ, 19 ਮਈ (ਪ੍ਰੀਤਮ ਸਿੰਘ ਨਾਗੀ)-ਆਮ ਆਦਮੀ ਪਾਰਟੀ ਨੂੰ ਅੱਜ ਉਸ ਸਮੇਂ ਵੱਡਾ ਝਟਕਾ ਲੱਗਾ ਜਦੋਂ ਦਰਜਨਾਂ ਸਰਗਰਮ ਮੈਂਬਰ ਸ਼ੋ੍ਰਮਣੀ ਅਕਾਲੀ ਦਲ ਜ਼ਿਲਾ ਪਟਿਆਲਾ ਦੇ ਪ੍ਰਧਾਨ ਜਗਮੀਤ ਸਿੰਘ ਹਰਿਆਊ ਦੀ ਅਗਵਾਈ ਹੇਠ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੀ ਹਾਜ਼ਰੀ ਵਿਚ ਉਨਾਂ ਦੀ ਚੰਡੀਗੜ ਰਿਹਾਇਸ਼ 'ਤੇ ਸ਼ੋ੍ਰਮਣੀ ਅਕਾਲੀ ਦਲ 'ਚ ਸ਼ਾਮਿਲ ਹੋ ਗਏ | ਇਨਾਂ ਨੂੰ ਸੁਖਬੀਰ ਸਿੰਘ ਬਾਦਲ ਨੇ ਸਿਰੋਪਾਉ ਭੇਟ ਕੀਤੇ ਅਤੇ ਪਾਰਟੀ ਵਿਚ ਸ਼ਾਮਲ ਕੀਤਾ | ਇਸ ਮੌਕੇ ਜਥੇਦਾਰ ਕੁਲਦੀਪ ਸਿੰਘ ਨੱਸੂਪੁਰ, ਗੁਲਾਬ ਸਿੰਘ, ਨਿਸ਼ਾਨ ਸਿੰਘ ਸੰਧੂ, ਅਮਰਜੀਤ ਸਿੰਘ ਟੋਡਰਪੁਰ, ਗੁਰਧਿਆਨ ਸਿੰਘ ਭਾਨਰੀ, ਸੁਖਵਿੰਦਰ ਸਿੰਘ ਦਾਨੀਪੁਰ ਆਦਿ ਹਾਜ਼ਰ ਸਨ | ਜੋ ਮੈਂਬਰ ਸ਼ਾਮਲ ਹੋਏ ਉਨਾਂ 'ਚ ਵਿਸ਼ੇਸ਼ ਤੌਰ 'ਤੇ ਸੁਨੈਨਾ ਮਿੱਤਲ ਪ੍ਰਧਾਨ ਇਸਤਰੀ ਵਿੰਗ, ਕੁਲਦੀਪ ਸਿੰਘ ਵਿਰਕ, ਹਰਸ਼ ਵਿਰਕ, ਦੀਪਕ ਬਾਜ਼ੀਗਰ, ਕੋਮਲ ਮਹੰਤ, ਗੁਰਵਿੰਦਰ ਵਿਰਕ, ਡੀ.ਐਸ. ਗਿੱਲ, ਅਰਸ਼ਦੀਪ, ਦੇਸ਼ ਰਾਜ, ਜੋਗਿੰਦਰ ਤੇ ਕਿਰਨਾ ਦੇਵੀ ਪ੍ਰਮੁੱਖ ਹਨ |
