ਖਮਾਣੋਂ, 24 ਜੁਲਾਈ (ਮਨਮੋਹਣ ਸਿੰਘ ਕਲੇਰ)-ਪਿੰਡ ਜਟਾਣਾ ਉੱਚਾ ਵਿਖੇ ਖੂਹੀ ਤਪ ਅਸਥਾਨ ਬਾਬਾ ਮਸਤ ਰਾਮ ਜੀ ਦੀ 70ਵੀਂ ਬਰਸੀ ਸ਼ਰਧਾ ਭਾਵਨਾ ਨਾਲ ਮਨਾਈ। ਇਸ ਸੰਬੰਧੀ ਅਸਥਾਨ ਦੇ ਪ੍ਰਧਾਨ ਕੇਵਲ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਤਿੰਨ ਦਿਨ ਪਹਿਲਾਂ ਸ੍ਰੀ ਅਖੰਡ ਪਾਠ ਸਾਹਿਬ ਆਰੰਭ ਕੀਤੇ ਗਏ ਸਨ ਉਪਰੰਤ ਅੱਜ ਭੋਗ ਪਾਏ ਗਏ ਤੇ ਰਾਗੀ ਢਾਡੀ ਜਥਿਆਂ ਨੇ ਸੰਗਤਾਂ ਨੂੰ ਵਾਰਾਂ ਸੁਣਾ ਕੇ ਨਿਹਾਲ ਕੀਤਾ। ਉਪਰੰਤ ਦੁਪਹਿਰ 3 ਵਜੇ ਤੋਂ ਦੇਰ ਸ਼ਾਮ ਤੱਕ ਦੇਸ਼ ਰਾਜ ਲਚਕਾਣੀ ਦੇ ਜਥੇ ਨੇ ਪੰਜਾਬੀ ਵਿਰਸੇ ਰਾਹੀਂ ਨੌਜਵਾਨ ਪੀੜੀ ਨੂੰ ਪੁਰਾਤਨ ਵਿਰਸਾ ਸੁਣਾਇਆ। ਇਸ ਮੌਕੇ ਬਾਬਾ ਮਨਜੀਤ ਗਿਰੀ, ਸਰਪੰਚ ਪਵਨਪ੍ਰੀਤ ਸਿੰਘ, ਜਗੀਰ ਸਿੰਘ, ਫ਼ਕੀਰ ਚੰਦ, ਬਲਵੀਰ ਸਿੰਘ, ਭੀਰਾ ਸਿੰਘ, ਦਲਵੀਰ ਸਿੰਘ, ਮਨਦੀਪ ਕੌਰ ਤੇ ਕੇਸਰ ਸਿੰਘ, ਬਲਵੀਰ ਸਿੰਘ, ਹਰਚੰਦ ਸਿੰਘ, ਸਰਬਜੀਤ ਸਿੰਘ, ਦਿਲਵਰ ਸਿੰਘ, ਸੁਰਜੀਤ ਸਿੰਘ, ਬਾਬਾ ਕਾਲਾ ਸਿੰਘ, ਦੀਪਾ ਤੋਂ ਇਲਾਵਾ ਵੱਡੀ ’ਚ ਪਿੰਡ ਦੀਆਂ ਸੰਗਤਾਂ ਹਾਜ਼ਰ ਸਨ।
