ਧਾਰਕਲਾਂ, 31 ਦਸੰਬਰ (ਨਰੇਸ਼ ਪਠਾਨੀਆ)- ਰਾਜਪੂਤ ਭਲਾਈ ਬੋਰਡ ਦੇ ਜ਼ਿਲ੍ਹਾ ਪ੍ਰਧਾਨ ਠਾਕੁਰ ਜਸਬੀਰ ਸਿੰਘ ਦੀ ਅਗਵਾਈ ਹੇਠ ਪਿੰਡ ਦੁਨੇਰਾ ਵਿਖੇ ਇਕ ਵਿਸ਼ੇਸ਼ ਸਮਾਗਮ ਕਰਵਾਇਆ ਗਿਆ | ਪੰਜਾਬ ਪ੍ਰਦੇਸ਼ ਰਾਜਪੂਤ ਭਲਾਈ ਬੋਰਡ ਦੇ ਚੇਅਰਮੈਨ ਸਵਰਨ ਸਿੰਘ ਸਲਾਰੀਆ ਨੇ ਇਸ ਸਮਾਗਮ ਵਿਚ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ | ਇਸ ਮੌਕੇ ਰਾਜਪੂਤ ਭਲਾਈ ਬੋਰਡ ਵਲੋਂ ਕੁਝ ਨਵੀਆਂ ਨਿਯੁਕਤੀਆਂ ਕੀਤੀਆਂ ਗਈਆਂ | ਧਾਰ ਬਲਾਕ ਦੇ ਸਮਾਜ ਸੇਵਕ ਠਾਕੁਰ ਸਾਜਨ ਬਲੌਰੀਆ ਨੰੂ ਰਾਜਪੂਤ ਭਲਾਈ ਬੋਰਡ ਦਾ ਬਲਾਕ ਪ੍ਰਧਾਨ ਥਾਪਿਆ ਗਿਆ | ਚੇਅਰਮੈਨ ਸਵਰਨ ਸਲਾਰੀਆ ਨੇ ਸਾਜਨ ਬਲੌਰੀਆ ਨੰੂ ਸਨਮਾਨਿਤ ਕੀਤਾ | ਨਵ ਨਿਯੁਕਤ ਬਲਾਕ ਪ੍ਰਧਾਨ ਨੇ ਆਪਣੇ ਸੰਬੋਧਨ ਵਿਚ ਚੇਅਰਮੈਨ ਸਵਰਨ ਸਲਾਰੀਆ ਤੇ ਬੋਰਡ ਦੇ ਹੋਰ ਮੌਜੂਦ ਅਧਿਕਾਰੀਆਂ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਕਿਸ਼ਨ ਗੋਸਵਾਮੀ, ਕੁਲਜੀਤ ਸਿੰਘ, ਰਾਜੇਸ਼ ਬਲੌਰੀਆ, ਅਮਨ ਤਨਵਾਲ, ਕੁਲਜੀਤ ਸਿੰਘ, ਸ਼ਮਸ਼ੇਰ, ਵਿਸ਼ਾਲ ਬਲੌਰੀਆ, ਕੋਮਲ ਸ਼ਰਮਾ, ਰਵੀਕਾਂਤ ਸ਼ਰਮਾ ਅਤੇ ਹੋਰ ਕਈ ਪਤਵੰਤੇ ਵੀ ਮੌਜੂਦ ਸਨ |
