ਗੁਰਦਾਸਪੁਰ, 2 ਮਈ (ਅਸ਼ੋਕ ਸ਼ਰਮਾ)-ਲੋਕ ਸ਼ਕਤੀ ਮਸੀਹ ਦਲ ਵਲੋਂ ਪਿੰਡ ਚਾਵਾ ਵਿਖੇ ਮਜ਼ਦੂਰ ਦਿਵਸ ਮੌਕੇ ਪ੍ਰਭਾਵਸ਼ਾਲੀ ਸਮਾਗਮ ਕਰਵਾਇਆ ਗਿਆ | ਇਸ ਮੌਕੇ ਦਲ ਦੇ ਆਗੂ ਖਜਾਨ ਮਸੀਹ ਤੇ ਉਸ ਦੇ ਸਾਥੀਆਂ ਦੀ ਰਹਿਨੁਮਾਈ ਹੇਠ ਮਨਾਏ ਇਸ ਦਿਵਸ ਮੌਕੇ ਮਜ਼ਦੂਰਾਂ ਤੇ ਔਰਤਾਂ ਨੇ ਵਿਸ਼ੇਸ਼ ਤੌਰ 'ਤੇ ਹਿੱਸਾ ਲੈ ਕੇ ਸ਼ਿਕਾਗੋ ਦੇ ਸ਼ਹੀਦਾਂ ਨੰੂ ਯਾਦ ਕਰਦਿਆਂ ਸ਼ਰਧਾਂਜਲੀਆਂ ਭੇਟ ਕੀਤੀਆਂ ਗਈਆਂ | ਇਸ ਮੌਕੇ ਸੂਰਜ ਮਸੀਹ, ਅਜੇ ਮਸੀਹ, ਪਾਸਟਰ ਡੈਨੀਅਲ ਮਸੀਹ, ਸੁਭਾਸ਼ ਮਸੀਹ, ਜੀਤਪਾਲ ਸਿੰਘ, ਸਾਂਸੀ ਮਸੀਹ ਆਦਿ ਨੇ ਕਿਹਾ ਕਿ 1986 ਵਿਚ ਅਮਰੀਕਾ ਦੇ ਸ਼ਿਕਾਗੋ ਸ਼ਹਿਰ ਵਿਚ ਅੱਠ ਘੰਟੇ ਦਿਹਾੜੀ ਕਰਨ ਵਾਲੇ ਮਜ਼ਦੂਰਾਂ ਤੇ ਸਰਮਾਏਦਾਰਾਂ ਨੇ ਤਸ਼ੱਦਦ ਕੀਤਾ | ਜਿਸ ਦੇ ਚੱਲਦਿਆਂ ਕੀਤੇ ਸੰਘਰਸ਼ ਤੋਂ ਬਾਅਦ ਡਿਊਟੀ ਦਾ ਸਮਾਂ 8 ਘੰਟੇ ਲਾਗੂ ਕਰਵਾਇਆ ਗਿਆ | ਇਸ ਮੌਕੇ ਆਗੂਆਂ ਨੇ ਝੰਡਾ ਲਹਿਰਾਉਣ ਦੀ ਰਸਮ ਅਦਾ ਕੀਤੀ |
