ਬਟਾਲਾ, 3 ਮਈ (ਸਤਿੰਦਰ ਸਿੰਘ)-ਦਿਵਯ ਜੋਤੀ ਜਾਗ੍ਰਤੀ ਸੰਸਥਾਨ ਦੇ ਵਾਤਾਵਰਣ ਸੁਰੱਖਿਆ ਪ੍ਰਾਜੈਕਟ ਵਲੋਂ ਵਿਸ਼ਵ ਵਾਤਾਵਰਣ ਦਿਵਸ 2026 ਤੋਂ ਪਹਿਲਾਂ ਆਪਣੇ ਮੁੱਖ ਅਭਿਆਨ 'ਇਕ ਚੰਗੀ ਆਦਤ-ਪਲਾਸਟਿਕ ਪ੍ਰਦੂਸ਼ਣ 'ਤੇ ਪ੍ਰਹਾਰ' ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਗਈ ਹੈ | ਇਸ ਮੌਕੇ ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਸ ਦਾ ਉਦੇਸ਼ ਭਾਰਤੀ ਜੀਵਨਸ਼ੈਲੀ ਵਿਚ ਮੌਜੂਦ ਪਰਿਆਵਰਨ-ਮਿਤਰ ਆਦਤਾਂ ਨੂੰ ਦੁਬਾਰਾ ਜੀਵੰਤ ਕਰਕੇ ਸਮਾਜ ਨੂੰ ਪਲਾਸਟਿਕ ਮੁਕਤ ਭਵਿੱਖ ਵੱਲ ਲੈ ਜਾਣਾ ਹੈ | ਇਸ ਮੁਹਿੰਮ ਤਹਿਤ ਸੰਸਥਾਨ ਦੇ ਪ੍ਰਕਿ੍ਤੀ ਸੰਰੱਖਕ-ਦਿਵਯ ਗੁਰੂ ਸ਼੍ਰੀ ਆਸ਼ੂਤੋਸ਼ ਮਹਾਰਾਜ ਦੇ ਨਿਸ਼ਕਾਮ ਸ਼ਿਸ਼ਯ ਬਟਾਲਾ ਦੇ ਵੱਖ-ਵੱਖ ਖੇਤਰਾਂ ਵਿਚ ਵਿਸਥਾਰਤ ਜਾਗਰੂਕਤਾ ਤੇ ਸਫ਼ਾਈ ਮੁਹਿੰਮ ਚਲਾ ਰਹੇ ਹਨ | ਇਸ ਵਿਚ ਸਫਾਈ ਅਭਿਆਨ, ਕਚਰੇ ਦੀ ਛਾਂਟ ਨੂੰ ਉਤਸ਼ਾਹਿਤ ਕਰਨਾ ਤੇ ਪਲਾਸਟਿਕ ਮੁਕਤ ਜੀਵਨਸ਼ੈਲੀ ਅਪਣਾਉਣ ਲਈ ਪ੍ਰੇਰਿਤ ਕਰਨਾ ਸ਼ਾਮਲ ਹੈ | ਇਸ ਅਭਿਆਨ ਤਹਿਤ ਅੱਜ ਅੰਬੇਦਕਰ ਨਗਰ ਗੁਰਦਾਸਪੁਰ ਰੋਡ ਬਟਾਲਾ ਵਿਚ ਪ੍ਰਭਾਵਸ਼ਾਲੀ ਜਨ-ਜਾਗਰੂਕਤਾ ਸਮਾਗਮ ਕਰਵਾਏ ਗਏ | ਇਨ੍ਹਾਂ ਵਿਚ ਨੁੱਕੜ ਨਾਟਕ, ਨਿ੍ਤਯ ਪੇਸਕਾਰੀਆਂ ਤੇ ਜਾਗਰੂਕਤਾ ਰੈਲੀ ਰਾਹੀਂ ਲੋਕਾਂ ਨੂੰ ਪਲਾਸਟਿਕ ਦੇ ਨੁਕਸਾਨਾਂ ਬਾਰੇ ਜਾਣਕਾਰੀ ਦਿੱਤੀ ਗਈ | ਸੰਸਥਾਨ ਦੇ ਪ੍ਰਤੀਨਿਧੀਆਂ ਨੇ ਦੱਸਿਆ ਕਿ ਇਹ ਮੁਹਿੰਮ ਕੇਵਲ ਇਕ ਸਮਾਗਮ ਨਹੀਂ, ਸਗੋਂ ਇਕ ਲਗਾਤਾਰ ਜਨ-ਅੰਦੋਲਨ ਹੈ, ਜਿਸ ਦਾ ਮਕਸਦ ਲੋਕਾਂ ਦੇ ਰੋਜ਼ਾਨਾ ਜੀਵਨ 'ਚ ਛੋਟੀਆਂ, ਪਰ ਪ੍ਰਭਾਵਸ਼ਾਲੀ ਆਦਤਾਂ ਅਪਨਾ ਕੇ ਵੱਡੇ ਬਦਲਾਅ ਲਿਆਉਣਾ ਹੈ |
