ਧਾਰੀਵਾਲ, 14 ਮਈ (ਸਵਰਨ ਸਿੰਘ)-ਸਾਹਿਬਜ਼ਾਦਾ ਜੋਰਾਵਰ ਸਿੰਘ ਫਤਿਹ ਸਿੰਘ ਖਾਲਸਾ ਸੀਨੀਅਰ ਸੈਕੰਡਰੀ ਪਬਲਿਕ ਸਕੂਲ ਧਾਰੀਵਾਲ ਦਾ ਨਤੀਜਾ 100 ਫੀਸਦੀ ਰਿਹਾ | ਪਿ੍ੰਸੀਪਲ ਡਾ. ਗਗਨਜੀਤ ਕੌਰ ਨੇ ਦੱਸਿਆ ਕਿ ਸਾਇੰਸ ਗਰੁੱਪ ਦੇ ਕੱੁਲ 119 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤੀ ਸੀ, ਜਿਨ੍ਹਾਂ ਵਿਚੋਂ ਚਰਨਜੀਤ ਕੌਰ 90 ਫੀਸਦੀ, ਮੇਹਰ ਮਸੀਹ 88 ਫੀਸਦੀ, ਨਵਜੋਤ ਕੌਰ 88 ਫੀਸਦੀ, ਅਨਮੋਲਪ੍ਰੀਤ ਸਿੰਘ 87 ਫੀਸਦੀ, ਹਰਪ੍ਰੀਤ ਕੌਰ 86 ਫੀਸਦੀ ਅੰਕ ਲੈ ਕੇ ਸਕੂਲ ਦਾ ਨਾਂਅ ਰੌਸ਼ਨ ਕੀਤਾ | ਇਨ੍ਹਾਂ ਵਿਚੋਂ 85 ਫੀਸਦੀ ਤੋਂ ਉੱਪਰ 9 ਵਿਦਿਆਰਥੀ, 80 ਫੀਸਦੀ ਤੋਂ ੳੱੁਪਰ 18, 70 ਫੀਸਦੀ ਤੋਂ ਉੱਪਰ 50 ਅਤੇ 60 ਫੀਸਦੀ ਤੋਂ ਉੱਪਰ 42 ਵਿਦਿਆਰਥੀਆਂ ਨੇ ਅੰਕ ਹਾਸਲ ਕੀਤੇ | ਇਸੇ ਤਰ੍ਹਾਂ ਕਾਮਰਸ ਦੇ ਕੁੱਲ 18 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤੀ, ਜਿਨ੍ਹਾਂ ਵਿਚੋਂ ਮਨਪ੍ਰੀਤ ਸਿੰਘ ਚਾਹਲ ਨੇ 84 ਫੀਸਦੀ, ਸੁਹੇਲ ਸਹੋਤਾ 83 ਫੀਸਦੀ ਅੰਕ ਪ੍ਰਾਪਤ ਕੀਤੇ, ਜਿਸ ਵਿਚ 80 ਫੀਸਦੀ ਤੋਂ ਉੱਪਰ 6 ਵਿਦਿਆਰਥੀ, 70 ਫੀਸਦੀ ਤੋਂ ਉੱਪਰ 12 ਵਿਦਿਆਰਥੀ ਰਹੇ | ਹਿਊਮਨਟੀਜ਼ ਦੇ ਕੱੁਲ 9 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤੀ, ਜਿਨ੍ਹਾਂ ਵਿਚੋਂ ਕੰਚਨ 82 ਫੀਸਦੀ, ਗੁਰਜੋਤ ਸਿੰਘ 75 ਫੀਸਦੀ ਅੰਕ ਪ੍ਰਾਪਤ ਕੀਤੇ | ਇਸ ਵਿਚ 80 ਫੀਸਦੀ ਤੋਂ ਉੱਪਰ ਇਕ ਵਿਦਿਆਰਥੀ, 70 ਫੀਸਦੀ ਤੋਂ ਉੱਪਰ 2 ਤੇ 60 ਫੀਸਦੀ ਤੋਂ ਉੱਪਰ 06 ਵਿਦਿਆਰਥੀ ਰਹੇ | ਇਨ੍ਹਾਂ ਸ਼ਾਨਦਾਰ ਨਤੀਜਿਆਂ ਨੂੰ ਲੈ ਕੇ ਪਿ੍ੰਸੀਪਲ ਡਾ. ਗਗਨਜੀਤ ਕੌਰ, ਪ੍ਰਧਾਨ ਗੁਰਦੇਵ ਸਿੰਘ ਸੋਹਲ (ਐਡਵੋਕੇਟ), ਸਕੱਤਰ ਕੁਲਦੀਪ ਸਿੰਘ ਪਟਵਾਰੀ, ਗੁਰਜੀਤ ਸਿੰਘ ਲੇਹਲ ਅਤੇ ਕੁਲਦੀਪ ਸਿੰਘ ਸੋਹਲ ਨੇ ਮਿਹਨਤੀ ਸਟਾਫ ਤੇ ਵਿਦਿਆਰਥੀਆਂ ਦੇ ਮਾਪਿਆਂ ਨੂੰ ਵਧਾਈ ਦਿੱਤੀ |
