ਧਾਰੀਵਾਲ, 24 ਜੂਨ (ਸਵਰਨ ਸਿੰਘ)-ਪਿੰਡ ਅਹਿਮਦਾਬਾਦ ਦੇ ਇਕ ਘਰ ਵਿਚ ਚੋਰੀ ਹੋਈ ਹੈ। ਪੀੜਤ ਪਲਵਿੰਦਰ ਕੌਰ ਧਰਮਪਤਨੀ ਸ੍ਰੀ ਕੀਮਤੀ ਲਾਲ ਨੇ ਦੱਸਿਆ ਕਿ ਉਹ ਆਪਣੇ ਪਰਿਵਾਰ ਸਮੇਤ ਰਿਸ਼ਤੇਦਾਰਾਂ ਦੇ ਗਏ ਹੋਏ ਸਨ, ਪਰ ਜਦੋਂ ਵਾਪਸ ਆਏ ਤਾਂ ਦੇਖਿਆ ਕਿ ਕਮਰਿਆਂ ਦੇ ਤਾਲੇ ਟੁੱਟੇ ਹੋਏ ਸਨ। ਉਨ੍ਹਾਂ ਦੱਸਿਆ ਕਿ ਅੰਦਰ ਜਾ ਕੇ ਦੇਖਿਆ ਕਿ ਅਲਮਾਰੀ ਵਿਚਲਾ ਸਾਮਾਨ ਸਾਰਾ ਖਿੱਲਰਿਆ ਹੋਇਆ ਸੀ। ਉਨ੍ਹਾਂ ਦੱਸਿਆ ਕਿ ਚੋਰਾਂ ਨੇ 50 ਹਜ਼ਾਰ ਰੁਪਏ ਨਕਦੀ, 4 ਤੋਲੇ ਸੋਨੇ ਦੇ ਗਹਿਣੇ, ਇਨਵਰਟਰ ਬੈਟਰਾ, 3 ਗੈਸ ਸਿਲੰਡਰ, 5 ਕੁਇੰਟਲ ਕਣਕ ਤੇ ਹੋਰ ਸਾਮਾਨ ਚੋਰੀ ਕਰਕੇ ਲੈ ਗਏ ਸਨ, ਜਿਸ ਦੀ ਸੂਚਨਾ ਪੁਲਿਸ ਥਾਣਾ ਧਾਰੀਵਾਲ ਨੂੰ ਦੇ ਦਿੱਤੀ ਗਈ ਹੈ।
