ਬਟਾਲਾ, 30 ਜੁਲਾਈ (ਸਤਿੰਦਰ ਸਿੰਘ)- ਗੁੱਡਵਿਲ ਇੰਟਰਨੈਸ਼ਨਲ ਸਕੂਲ ਢਡਿਆਲਾ ਨੱਤ (ਸੀ.ਬੀ.ਐਸ.ਈ.) ਵਲੋਂ ਉੱਤਮ ਤੇ ਗੁਣਵਤਾ ਸਿੱਖਿਆ ਦੀ ਇਕ ਹੋਰ ਮਿਸਾਲ ਪੈਦਾ ਕੀਤੀ ਹੈ, ਨੌਵੀ ਜਮਾਤ ਦੀ ਵਿਦਿਆਰਥਣ ਗਰਨੂਰਪ੍ਰੀਤ ਕੌਰ ਨੇ ਕੌਮੀ ਨਵੋਧਿਆ ਪ੍ਰੀਖਿਆ ’ਚੋਂ ਮੈਰਿਟ ਹਾਸਲ ਕੀਤੀ ਹੈ। ਪ੍ਰਿੰ. ਜਸਬਿੰਦਰ ਕੌਰ ਨੇ ਦੱਸਿਆ ਕਿ ਸਕੂਲ ਦੇ ਪਹਿਲਾਂ ਵੀ ਕਈ ਵਿਦਿਆਰਥੀਆਂ ਨੇ ਐਨ.ਡੀ.ਏ., ਭਾਈ ਜੈਤਾ ਜੀ ਤੇ ਉਲੋਂਪਿਆਡ ਦੀ ਪ੍ਰੀਖਿਆਂ ’ਚੋਂ ਮੈਰਿਟ ਹਾਸਿਲ ਕਰ ਚੁੱਕੇ ਹਨ। ਪ੍ਰਿੰ. ਜਸਬਿੰਦਰ ਕੌਰ ਵਲੋਂ ਗਰਨੂਰਪ੍ਰੀਤ ਕੌਰ ਨੂੰ ਤੇ ਉਸਦੇ ਮਾਪਿਆਂ ਨੂੰ ਵਧਾਈ ਤੇ ਭਵਿੱਖ ਲਈ ਸ਼ੁਭਕਾਮਨਾਵਾਂ ਭੇਟ ਕੀਤੀਆਂ। ਚੇਅਰਮੈਨ ਗੁਰਦਿਆਲ ਸਿੰਘ ਨੇ ਸਾਰੇ ਵਿਦਿਆਰਥੀਆਂ ਨੂੰ ਲਗਨ ਤੇ ਤਨਦੇਹੀ ਨਾਲ ਕੰਮ ਰਨ ਲਈ ਪ੍ਰੇਰਿਤ ਕੀਤਾ।
