ਪਾਣੀ ਪੀਣ ਦੇ ਬਹਾਨੇ ਘਰ ’ਚ ਦਾਖਲ ਹੋਏ ਲੁਟੇਰੇ ਬਜ਼ੁਰਗ ਔਰਤ ਦੀਆਂ ਵਾਲੀਆਂ ਲਾਹ ਕੇ ਫਰਾਰ

ਦੀਨਾਨਗਰ, 9 ਸਤੰਬਰ (ਸ਼ਾਮ ਸਿੰਘ ਘੁੰਮਣ/ਸੋਢੀ/ਸ਼ਰਮਾ)-ਦੀਨਾਨਗਰ ਦੇ ਨਾਲ ਲੱਗਦੇ ਪਿੰਡ ਅਵਾਂਖਾ ਦੀ ਦਇਆ ਰਾਮ ਕਾਲੋਨੀ ਵਿਖੇ ਦਿਨ ਦਿਹਾੜੇ ਵਾਪਰੀ ਇਕ ਖੋਹ ਦੀ ਘਟਨਾ ’ਚ ਪਾਣੀ ਪੀਣ ਦੇ ਬਹਾਨੇ ਘਰ ਵਿਚ ਦਾਖ਼ਲ ਹੋਏ ਲੁਟੇਰੇ ਬਜ਼ਰਗ ਔਰਤ ਦੇ ਕੰਨਾਂ ’ਚੋਂ ਸੋਨੇ ਦੀਆਂ ਵਾਲੀਆਂ ਲਾਹ ਕੇ ਫਰਾਰ ਹੋ ਗਏ। ਘਟਨਾ ਦੀ ਸ਼ਿਕਾਰ ਬਜੁਰਗ ਔਰਤ ਕੌਸ਼ਲਿਆ ਦੇਵੀ ਵਾਸੀ ਰੱਤੜਵਾਂ ਜ਼ਿਲ੍ਹਾ ਪਠਾਨਕੋਟ ਨੇ ਦੱਸਿਆ ਕਿ ਉਹ ਅਪਣੀ ਧੀ ਨੂੰ ਮਿਲਣ ਲਈ ਪਿੰਡ ਅਵਾਂਖਾ ਦੀ ਦਿਆ ਰਾਮ ਕਾਲੋਨੀ ਵਿਖੇ ਆਈ ਸੀ ਕਿ ਦੁਪਹਿਰ 3 ਵਜੇ ਦੇ ਕਰੀਬ ਦੋ ਮੋਟਰਸਾਈਕਲ ਸਵਾਰ ਨੌਜਵਾਨ ਪਾਣੀ ਪੀਣ ਦੇ ਬਹਾਨੇ ਘਰ ’ਚ ਦਾਖ਼ਲ ਹੋਏ, ਉਸ ਵੇਲੇ ਉਹ ਘਰ ਦੇ ਦਰਵਾਜੇ ’ਚ ਖੜ੍ਹੀ ਸੀ ਕਿ ਪਾਣੀ ਪੀ ਕੇ ਵਾਪਸ ਜਾਂਦੇ ਹੋਏ ਲੁਟੇਰੇ ਅਚਾਨਕ ਉਸ ਦੇ ਕੰਨਾਂ ਵਿਚ ਪਈਆਂ ਸੋਨੇ ਦੀਆਂ ਦੋਵੇਂ ਵਾਲੀਆਂ ਲਾਹ ਕੇ ਫਰਾਰ ਹੋ ਗਏ।