18-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 19-02-2026

ਫ਼ੌਜ 'ਚ ਭਰਤੀ ਹੋਣ ਦੇ ਉਦੇਸ਼ ਨੂੰ ਲੈ ਕੇ ਭਾਰਤੀ ਸੈਨਾ ਦੀ ਜਾਗਰੂਕਤਾ ਮੋਟਰਸਾਈਕਲ ਰੈਲੀ ਫ਼ਾਜ਼ਿਲਕਾ ਪੁੱਜੀ <br/>

ਭਰਤੀ ਜਾਗਰੂਕਤਾ ਮੋਟਰਸਾਈਕਲ ਰੈਲੀ ਦੌਰਾਨ ਸਾਦਕੀ ਚੌਂਕੀ ਪੁੱਜੇ ਅਧਿਕਾਰੀ ਤੇ ਜਵਾਨ ਬੀ.ਐੱਸ.ਐਫ. ਦੇ ਅਧਿਕਾਰੀਆਂ ਤੇ ਜਵਾਨਾਂ ਨਾਲ | ਤਸਵੀਰਾਂ-ਪ੍ਰਦੀਪ ਕੁਮਾਰ <br/> ਫ਼ਾਜ਼ਿਲਕਾ ਤੋਂ ਭਰਤੀ ਜਾਗਰੂਕਤਾ ਮੋਟਰਸਾਈਕਲ ਰੈਲੀ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕਰਦੇ ਹੋਏ ਬੀ.ਐੱਸ.ਐਫ. ਦੇ ਅਧਿਕਾਰੀ | <br/> 19-02-2026
ਫ਼ਾਜ਼ਿਲਕਾ, 18 ਫਰਵਰੀ (ਦਵਿੰਦਰ ਪਾਲ ਸਿੰਘ)-ਨੌਜਵਾਨਾਂ ਨੂੰ ਭਾਰਤੀ ਸੈਨਾ ਵਿਚ ਭਰਤੀ ਹੋਣ ਲਈ ਉਤਸ਼ਾਹਿਤ ਕਰਨ ਦੇ ਉਦੇਸ਼ ਨੂੰ ਲੈ ਕੇ ਦੇਸ਼ ਦੀ ਰਾਜਧਾਨੀ ਦਿੱਲੀ ਤੋਂ ਨਿਕਲੀ ਭਾਰਤੀ ਸੈਨਾ ਦੇ 18 ਰਾਈਡਰਾਂ ਦੀ ਮੋਟਰਸਾਈਕਲ ਰੈਲੀ ਭਾਰਤ-ਪਾਕ ਸਰਹੱਦੀ ਖੇਤਰ ਫ਼ਾਜ਼ਿਲਕਾ ਪਹੁੰਚੀ | ਰੈਲੀ ਵਿਚ ਸ਼ਾਮਿਲ ਅਧਿਕਾਰੀਆਂ ਅਤੇ ਜਵਾਨਾਂ ਨੇ ਸਰਹੱਦ ਸਥਿਤ ਸਾਦਕੀ ਬਾਰਡਰ ਚੌਕੀ 'ਤੇ ਪਹੁੰਚ ਕੇ ਬੀ.ਐੱਸ.ਐਫ ਦੇ ਜਵਾਨਾਂ ਨਾਲ ਮੁਲਾਕਾਤ ਕੀਤੀ ਅਤੇ ਉਨ੍ਹਾਂ ਦਾ ਹੌਸਲਾ ਅਫ਼ਜ਼ਾਈ ਕੀਤੀ | ਇਸ ਮੋਟਰਸਾਈਕਲ ਰੈਲੀ ਦੀ ਅਗਵਾਈ ਦਿੱਲੀ ਤੋਂ ਆਏ ਫ਼ੌਜ ਦੇ ਕਰਨਲ ਰਾਜੀਵ ਕੁਮਾਰ ਕਰ ਰਹੇ ਹਨ | ਫ਼ਾਜ਼ਿਲਕਾ ਮਿਲਟਰੀ ਸਟੇਸ਼ਨ ਦੇ 67 ਕਮਾਂਡਰ ਵਲੋਂ ਰੈਲੀ ਨੂੰ ਹਰੀ ਝੰਡੀ ਦੇ ਕੇ ਅੰਮਿ੍ਤਸਰ ਲਈ ਰਵਾਨਾ ਕੀਤਾ ਗਿਆ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਰਨਲ ਰਾਜੀਵ ਕੁਮਾਰ ਨੇ ਦੱਸਿਆ ਕਿ 16 ਫ਼ਰਵਰੀ ਨੂੰ 18 ਰਾਈਡਰ ਦਿੱਲੀ ਤੋਂ ਬੁਲੇਟ ਮੋਟਰਸਾਈਕਲਾਂ 'ਤੇ ਇਸ ਜਾਗਰੂਕਤਾ ਰੈਲੀ ਵਜੋਂ ਨਿਕਲੇ ਹਨ | ਰੈਲੀ ਦਾ ਮੁੱਖ ਮਕਸਦ ਸਟੇਸ਼ਨ-ਟੂ-ਸਟੇਸ਼ਨ ਪਹੁੰਚ ਕੇ ਸਾਬਕਾ ਸੈਨਿਕਾਂ ਨਾਲ ਮੁਲਾਕਾਤ ਕਰਨੀ ਅਤੇ ਸਕੂਲੀ ਬੱਚਿਆਂ 'ਤੇ ਨੌਜਵਾਨਾਂ ਨੂੰ ਭਾਰਤੀ ਸੈਨਾ ਵਿਚ ਸ਼ਾਮਲ ਹੋਣ ਲਈ ਉਤਸ਼ਾਹਿਤ ਕਰਨਾ ਹੈ | ਉਨ੍ਹਾਂ ਦੱਸਿਆ ਕਿ ਰੈਲੀ ਦਿੱਲੀ ਤੋਂ ਨਿਕਲ ਕੇ ਹਿਸਾਰ, ਮੰਡੀ ਡੱਬਵਾਲੀ ਅਤੇ ਅਬੋਹਰ ਰਾਹੀਂ ਫ਼ਾਜ਼ਿਲਕਾ ਪਹੁੰਚੀ ਹੈ ਅਤੇ ਸ਼ਾਮ ਤੱਕ ਅੰਮਿ੍ਤਸਰ ਪਹੁੰਚੇਗੀ | ਇਸ ਤੋਂ ਬਾਅਦ ਚੰਡੀਗੜ੍ਹ, ਦੇਹਰਾਦੂਨ ਅਤੇ ਮੇਰਠ ਲਈ ਰਵਾਨਾ ਹੋਵੇਗੀ | ਰੈਲੀ ਦਾ ਉਦੇਸ਼ ਇਕ ਹਜ਼ਾਰ ਕਿੱਲੋਮੀਟਰ ਤੋਂ ਵੱਧ ਦਾ ਸਫ਼ਰ ਤੈਅ ਕਰਨਾ ਹੈ | ਕਰਨਲ ਰਾਜੀਵ ਕੁਮਾਰ ਨੇ ਕਿਹਾ ਕਿ ਪੰਜਾਬ ਦੇ ਨੌਜਵਾਨਾਂ ਦਾ ਭਾਰਤੀ ਸੈਨਾ ਵਿਚ ਮਹੱਤਵਪੂਰਨ ਯੋਗਦਾਨ ਹੈ | ਸਿੱਖ ਬਟਾਲੀਅਨ ਸਮੇਤ ਕਈ ਯੂਨਿਟਾਂ ਦੇਸ਼ ਸੇਵਾ ਵਿਚ ਸ਼ਾਨਦਾਰ ਭੂਮਿਕਾ ਨਿਭਾ ਰਹੀਆਂ ਹਨ, ਜੋ ਨੌਜਵਾਨਾਂ ਲਈ ਪੇ੍ਰਰਨਾ ਸਰੋਤ ਹਨ | ਉਨ੍ਹਾਂ ਕਿਹਾ ਕਿ ਸਰਹੱਦ 'ਤੇ ਤਾਇਨਾਤ ਬੀ.ਐੱਸ.ਐਫ ਜਵਾਨ ਦੇਸ਼ ਦੀ ਸੁਰੱਖਿਆ ਵਿਚ ਕਾਬਿਲ-ਏ-ਤਾਰੀਫ਼ ਸੇਵਾ ਦੇ ਰਹੇ ਹਨ ਅਤੇ ਉਨ੍ਹਾਂ ਦਾ ਮਨੋਬਲ ਵਧਾਉਣਾ ਵੀ ਇਸ ਰੈਲੀ ਦਾ ਮਕਸਦ ਹੈ |

ਪਿਛਲੀ ਖ਼ਬਰ ਸਰਬਸੰਮਤੀ ਨਾਲ ਚੁਣੀਆਂ ਗਈਆਂ ਗਰਾਮ ਪੰਚਾਇਤਾਂ ਨੂੰ ਵਿਧਾਇਕ ਗੋਲਡੀ ਕੰਬੋਜ ਨੇ 5-5 ਲੱਖ ਰੁਪਏ ਦੇ ਚੈੱਕ ਵੰਡੇ <br/> ਅਗਲੀ ਖ਼ਬਰ ਫ਼ਰਿਜਾਂ ਅਤੇ ਚਾਈਨਾ ਦੇ ਦੀਵਿਆਂ ਨੇ ਘੁਮਿਆਰਾਂ ਦੀ ਸਦੀਆਂ ਪੁਰਾਣੀ ਰੋਜ਼ੀ-ਰੋਟੀ 'ਤੇ ਮਾਰੀ ਚੋਟ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।