ਅੰਮਿ੍ਤਸਰ, 21 ਫਰਵਰੀ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਹਲਕਾ ਪੂਰਬੀ ਵਿਖੇ ਵਿਧਾਇਕਾ ਜੀਵਨਜੋਤ ਕੌਰ ਦੀ ਅਗਵਾਈ ਹੇਠ ਅੱਜ ਕੈਂਪ ਦਫ਼ਤਰ ਵੇਰਕਾ ਵਿਖੇ 'ਮੁੱਖ ਮੰਤਰੀ ਸਿਹਤ ਯੋਜਨਾ' ਅਧੀਨ ਵਿਸ਼ੇਸ਼ ਕੈਂਪ ਲਗਾਇਆ ਗਿਆ | ਇਸ ਦੌਰਾਨ ਇਲਾਕਾ ਨਿਵਾਸੀਆਂ ਦੇ 10 ਲੱਖ ਰੁਪਏ ਦੀ ਸਹੂਲਤ ਵਾਲੇ ਹੈਲਥ ਕਾਰਡ ਬਣਾਏ ਗਏ, ਤਾਂ ਜੋ ਹਰ ਲੋੜਵੰਦ ਪਰਿਵਾਰ ਨੂੰ ਮੁਫ਼ਤ ਅਤੇ ਮਿਆਰੀ ਇਲਾਜ ਦੀ ਸਹੂਲਤ ਮਿਲ ਸਕੇ | ਇਸ ਮੌਕੇ ਵਿਧਾਇਕਾ ਜੀਵਨਜੋਤ ਕੌਰ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਲੋਕਾਂ ਦੀ ਸਿਹਤ ਅਤੇ ਸੁਖਾਲੇ ਜੀਵਨ ਲਈ ਹਮੇਸ਼ਾ ਤਤਪਰ ਹਾਂ | ਇਸ ਮੌਕੇ ਐਡਵੋਕੇਟ ਹਰਪਾਲ ਸਿੰਘ ਨਿੱਜਰ ਬਲਾਕ ਪ੍ਰਧਾਨ ਵੇਰਕਾ, ਮਨਿੰਦਰਜੀਤ ਸਿੰਘ ਧਾਰੋਵਾਲੀ, ਕਪਿਲ ਚੱਢਾ ਚੇਅਰਮੈਨ ਟਰੇਡ ਕਮਿਸ਼ਨ ਅੰਮਿ੍ਤਸਰ ਪੂਰਬੀ, ਦਲਜੀਤ ਸਿੰਘ ਬਲਾਕ ਕੋਰਡੀਨੇਟਰ ਯੂਥ ਵਿੰਗ ਵੇਰਕਾ, ਗੁਰਪ੍ਰੀਤ ਸਿੰਘ ਗੋਪੀ, ਧਰਮਪਾਲ ਸਿੰਘ ਖਾਲਸਾ ਕੋਰਡੀਨੇਟਰ ਕਿਸਾਨ ਵਿੰਗ ਅੰਮਿ੍ਤਸਰ ਪੂਰਬੀ ਆਦਿ ਹਾਜ਼ਰ ਸਨ |
