ਤਰਨ ਤਾਰਨ, 14 ਮਈ (ਹਰਿੰਦਰ ਸਿੰਘ)-ਤਰਨ ਤਾਰਨ ਵਿਖੇ ਪਿਛਲੇ 25 ਸਾਲ ਤੋਂ ਚੱਲ ਰਹੇ ਮਾਈ ਭਾਗੋ ਨਰਸਿੰਗ ਕਾਲਜ ਦਾ ਬਾਰ੍ਹਵੀਂ ਮੈਡੀਕਲ ਦਾ ਨਤੀਜਾ ਸ਼ਾਨਦਾਰ ਰਿਹਾ | ਇਸ ਕਾਲਜ ਦੀਆਂ ਬਾਰ੍ਹਵੀਂ ਦੀਆਂ 5 ਵਿਦਿਆਰਥਣਾਂ 90 ਫ਼ੀਸਦੀ ਤੋਂ ਵੱਧ ਨੰਬਰ ਲੈ ਕੇ ਪਾਸ ਹੋਈਆਂ ਅਤੇ ਨਤੀਜਾ 100 ਫ਼ੀਸਦੀ ਰਿਹਾ | ਕਾਲਜ ਦੀ ਵਿਦਿਆਰਥਣ ਸਾਖੀਪ੍ਰੀਤ ਕੌਰ ਪੁੱਤਰੀ ਜਤਿੰਦਰ ਸਿੰਘ ਨੇ 95.2 ਫ਼ੀਸਦੀ, ਪ੍ਰਭਨੂਰ ਕੌਰ ਪੁੱਤਰੀ ਬਲਵਿੰਦਰ ਸਿੰਘ ਨੇ 93.8 ਫ਼ੀਸਦੀ, ਮਨਪ੍ਰੀਤ ਕੌਰ ਪੁੱਤਰੀ ਸਾਧੂ ਸਿੰਘ ਨੇ 92.6 ਫ਼ੀਸਦੀ, ਕਮਲਪ੍ਰੀਤ ਕੌਰ ਪੁੱਤਰੀ ਮੇਜਰ ਸਿੰਘ ਨੇ 91 ਫ਼ੀਸਦੀ, ਸਮਰੀਤ ਕੌਰ ਪੁੱਤਰੀ ਸਤਨਾਮ ਸਿੰਘ ਨੇ 90.4 ਫ਼ੀਸਦੀ, ਯਾਦਵਿੰਦਰ ਕੌਰ ਪੁੱਤਰੀ ਗੁਰਬੀਰ ਸਿੰਘ ਨੇ 89.4 ਫ਼ੀਸਦੀ, ਕਿਰਨਜੋਤ ਕੌਰ ਪੁੱਤਰੀ ਜਾਗੀਰ ਸਿੰਘ ਨੇ 85.2 ਫ਼ੀਸਦੀ, ਪਰਨੀਤ ਕੌਰ ਪੁੱਤਰੀ ਨਿਰਮਲ ਸਿੰਘ ਨੇ 85 ਫ਼ੀਸਦੀ, ਦਲਜਿੰਦਰ ਕੌਰ ਪੁੱਤਰੀ ਬਲਵਿੰਦਰ ਸਿੰਘ ਨੇ 85 ਫ਼ੀਸਦੀ ਅਤੇ ਸਿਮਰਨਜੀਤ ਕੌਰ ਪੁੱਤਰੀ ਮਨਜਿੰਦਰ ਸਿੰਘ ਨੇ 84.6 ਫ਼ੀਸਦੀ ਨੰਬਰ ਹਾਸਲ ਕਰਕੇ ਕਾਲਜ ਦਾ ਨਾਮ ਰੋਸ਼ਨ ਕੀਤਾ | ਦੱਸਣਯੋਗ ਹੈ ਕਿ 10 ਵਿਦਿਆਰਥਣਾਂ ਨੇ 80 ਫ਼ੀਸਦੀ ਤੋਂ ਵੱਧ ਨੰਬਰ ਲੈ ਕੇ ਕਾਲਜ ਦਾ ਨਾਮ ਰੋਸ਼ਨ ਕੀਤਾ | ਕਾਲਜ ਵਿਚ ਬਾਰ੍ਹਵੀਂ ਮੈਡੀਕਲ ਤੇ ਨਾਨ ਮੈਡੀਕਲ ਦੀਆਂ ਕਲਾਸਾਂ ਪਿਛਲੇ 12 ਸਾਲ ਤੋਂ ਬਹੁਤ ਹੀ ਸਫਲਤਾ ਪੂਰਵਕ ਚੱਲ ਰਹੀਆਂ ਹਨ | ਕਾਲਜ ਦੇ ਚੇਅਰਮੈਨ ਇੰਦਰਪਾਲ ਸਿੰਘ ਵਾਲੀਆ ਨੇ ਗੱਲਬਾ ਦੌਰਾਨ ਦੱਸਿਆ ਕਿ ਮਾਈ ਭਾਗੋ ਕਾਲਜ ਆਫ ਹੈਲਥ ਸਾਇੰਸਜ਼ ਵਿਚ ਵੀ ਨਵੇਂ ਕੋਰਸ ਬੀ.ਐੱਸ.ਸੀ.ਓ.ਟੀ.ਏ.ਟੀ, ਬੀ.ਐੱਸ.ਸੀ. ਫੈਸ਼ਨ ਡਿਜਾਈਨਿੰਗ, ਬੀ.ਏ. ਪੁਲਿਸ ਐਡਮਿਨਿਸਟ੍ਰੇਸ਼ਨ, ਬੀ.ਐੱਸ.ਸੀ.ਏ. ਆਈ., ਬੀ.ਵਾਕ ਬਿਊਟੀ ਥਰੈਪੀ ਅਤੇ ਐਸਥੈਟਿਕ, ਬੀ.ਐੱਸ.ਸੀ. ਕੰਪਿਊਟਰ ਸਾਇੰਸ., ਬੀ.ਕਾਮ. ਆਨਰਜ ਅਤੇ ਬੈਚਲਰ ਆਫ ਹੋਟਲ ਮੈਨਜਮੈਂਟ, ਬੀ.ਐੱਸ.ਸੀ. ਮੈਡੀਕਲ ਲੈਬ ਸਾਇੰਸਜ਼, ਬੀ.ਵਾਕ ਨੈਨੀ ਕੇਅਰ ਸ਼ਉਰੂ ਹੋ ਗਏ | ਦੱਸਣਯੋਗ ਹੈ ਕਿ ਬਾਰ੍ਹਵੀਂ ਪਾਸ ਵਿਦਿਆਰਥਣਾਂ ਜਿਨ੍ਹਾਂ ਨੇ ਮੈਡੀਕਲ ਅੇਤ ਨਾਨ ਮੈਡੀਕਲ ਸਬਜੈਕਟ ਵਿਚ ਬਾਰ੍ਹਵੀਂ ਪਾਸ ਕੀਤੀ ਹੈ, ਉਹ ਡੀ. ਫਾਰਮੇਸੀ ਦੋ ਸਾਲ ਦਾ ਡਿਪਲੋਮਾ ਅਤੇ ਚਾਰ ਸਾਲ ਦੀ ਬੀ. ਫਾਰਮੇਸੀ ਡਿਗਰੀ ਕਰ ਸਕਦੀਆਂ ਹਨ |
