ਲੁਧਿਆਣਾ

ਟੈਂਡਰ ਜਾਰੀ ਹੋਣ ਦੇ ਬਾਵਜੂਦ ਪਾਰਕਿੰਗ ਠੇਕਾ ਅਟਕਿਆ

ਅ

ਅਜੀਤ ਡੈਸਕ 24-08-2026

ਲੁਧਿਆਣਾ, 23 ਅਗਸਤ (ਭੁਪਿੰਦਰ ਸਿੰਘ ਬੈਂਸ)-ਨਗਰ ਨਿਗਮ ਦੀਆਂ ਛੇ ਪ੍ਰਮੁੱਖ ਪਾਰਕਿੰਗ ਥਾਵਾਂ ਦੇ ਨਵੇਂ ਠੇਕੇ ਦਾ ਮਾਮਲਾ ਲੰਮੇ ਸਮੇਂ ਤੋਂ ਚੱਲ ਰਹੀ ਕਵਾਇਦ ਦੇ ਬਾਵਜੂਦ ਅਜੇ ਤੱਕ ਸਿਰੇ ਨਹੀ ਚੜ੍ਹ ਸਕਿਆ। ਪੁਰਾਣੇ ਠੇਕੇ ਦੀ ਮਿਆਦ ਸਮਾਪਤ ਹੋਣ ਤੋਂ ਬਾਅਦ ਨਵੀ ਠੇਕਾ ਵਿਵਸਥਾ ਲਾਗੂ ਕਰਨ ਦੀ ਕਵਾਇਦ ਚੱਲਦੀ ਰਹੀ ਪਰ ਇਸ ਦੌਰਾਨ ਪੁਰਾਣੀ ਵਿਵਸਥਾ ਹੀ ਜਾਰੀ ਰਹੀ। ਨਵੀਂ ਨਿਲਾਮੀ ਲਈ ਨਗਰ ਨਿਗਮ ਦੀ ਵਿੱਤ ਤੇ ਠੇਕਾ ਕਮੇਟੀ ਵਲੋਂ ਮਨਜੂਰੀ ਦਿੱਤੀ ਜਾ ਚੁੱਕੀ ਹੈ। ਇਸਦੇ ਬਾਵਜੂਦ ਨਵੀਂ ਅਲਾਟਮੈਂਟ ਦੀ ਕਾਰਵਾਈ ਅਜੇ ਤੱਕ ਅੰਤਿਮ ਪੜਾਅ ਤਕ ਨਹੀਂ ਪੁੱਜੀ। ਇਸ ਮਾਮਲੇ ਵਿਚ ਫਿਰੋਜਗਾਂਧੀ ਮਾਰਕੀਟ, ਸਰਾਭਾ ਨਗਰ ਮਾਰਕੀਟ, ਮਾਡਲ ਟਾਊਨ ਐਕਸਟੈਨਸ਼ਨ, ਬੀਆਰਐਸ ਨਗਰ, ਭਦੌੜ ਹਾਊਸ ਅਤੇ ਬਹੁਮੰਜਿਲਾਂ ਪਾਰਕਿੰਗ ਸਮੇਤ ਛੇ ਪ੍ਰਮੁੱਖ ਪਾਰਕਿੰਗ ਥਾਵਾਂ ਸ਼ਾਮਲ ਹਨ। ਹੁਣ ਨਿਗਮ ਦੀ ਅਧਿਕਾਰਤ ਵੈਬਸਾਈਟ ਤੇ ਨਵੇਂ ਠੇਕੇ ਦੇ ਅਲਾਟਮੈਂਟ ਲਈ ਟੈਂਡਰ ਜਾਰੀ ਕੀਤਾ ਗਿਆ ਹੈ। ਟੈਂਡਰ ਜਾਰੀ ਹੋਣ ਨਾਲ ਨਵੀਂ ਠੇਕਾ ਵਿਵਸਥਾ ਲਈ ਕਾਰਵਾਈ ਮੁੜ ਅੱਗੇ ਵੱਧੀ ਹੈ। ਪਰ ਇਸ ਤੋਂ ਬਾਅਦ ਹੋਣ ਵਾਲੀ ਬੋਲੀ ਪ੍ਰਕਿਰਿਆ ਅਤੇ ਅੰਤਿਮ ਅਲਾਟਮੈਂਟ ਅਜੇ ਬਾਕੀ ਹੈ। ਪਾਰਕਿੰਗਾਂ ਦਾ ਮਾਮਲਾ ਇਸ ਲਈ ਵੀ ਅਹਿਮ ਹੈ, ਕਿਉਂਕਿ ਇਹ ਥਾਵਾਂ ਨਗਰ ਨਿਗਮ ਦੀ ਆਮਦਨ ਦੇ ਨਾਲ-ਨਾਲ ਸ਼ਹਿਰ ਦੀ ਰੋਜ਼ਾਨਾ ਪਾਰਕਿੰਗ ਵਿਸਥਾ ਨਾਲ ਸਿੱਧੇ ਤੌਰ ‘ਤੇ ਜੁੜੀਆਂ ਹਨ। ਪਿਛਲੇ ਸਮੇਂ ਦੌਰਾਨ ਪਾਰਕਿੰਗ ਫੀਸਾਂ ਦੀ ਵੱਧ ਵਸੂਲੀ ਅਤੇ ਰਸੀਦਾਂ ਸਬੰਧੀ ਸ਼ਿਕਾਇਤਾਂ ਵੀ ਸਾਹਮਣੇ ਆਉੰਦਿਆਂ ਰਹੀਆਂ ਹਨ।

ਪਿਛਲੀ ਖ਼ਬਰ ਪੰਜਾਬ ਮਹਾਬੰਦ ਦੇ ਸਮਰਥਨ ’ਚ ਮਨਿਸਟਰੀਅਲ ਕਾਮਿਆਂ ਦਾ ਵੱਡਾ ਐਲਾਨ 26 ਅਗਸਤ ਤੱਕ ਜਾਰੀ ਰਹੇਗੀ ਕਲਮ ਛੋੜ ਤੇ ਕੰਪਿਊਟਰ ਬੰ... ਅਗਲੀ ਖ਼ਬਰ ਵਾਟਰ ਰਿਸੋਰਸਿਜ਼ ਡਿਪਾਰਟਮੈਂਟ ਇੰਜੀਨੀਅਰਜ਼ ਐਸੋਸੀਏਸ਼ਨ ਪੰਜਾਬ ਦਾ 71ਵਾਂ ਜਨਰਲ ਇਜਲਾਸ ਸਫਲਤਾਪੂਰਵਕ ਸੰਪਨ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਟੈਂਡਰ ਜਾਰੀ ਹੋਣ ਦੇ ਬਾਵਜੂਦ ਪਾਰਕਿੰਗ ਠੇਕਾ ਅਟਕਿਆ

Subscribers Only Story

ਸੰਬੰਧਿਤ ਖ਼ਬਰਾਂ