ਲੁਧਿਆਣਾ

ਮੈਡੀਕਲ ਜਾਂਚ ਵਿਚ ਲਾਪਰਵਾਹੀ-ਨਾਰਮਲ ਰਿਪੋਰਟ ਦੱਸ ਕੇ ਛੁਪਾਈ ਮਹਿਲਾ ਦੇ ਬੱਚੇਦਾਨੀ ਦੀ ਰਸੌਲੀ

ਲੁਧਿਆਣਾ, 24 ਅਗਸਤ (ਡਾ. ਤਰਲੋਚਨ ਸਿੰਘ)-ਜ਼ਿਲ੍ਹਾ ਉਪਭੋਗਤਾ ਫੋਰਮ ਨੇ ਮੈਡੀਕਲ ਜਾਂਚ ਵਿਚ ਲਾਪਰਵਾਹੀ ’ਤੇ ਗਾਮਾ ਸਕੈਨ ਐਂਡ ਪੈਥ ਲੈਬ ਅਤੇ ਡਾ.

ਅ

ਅਜੀਤ ਡੈਸਕ 25-08-2026

ਲੁਧਿਆਣਾ, 24 ਅਗਸਤ (ਡਾ. ਤਰਲੋਚਨ ਸਿੰਘ)-ਜ਼ਿਲ੍ਹਾ ਉਪਭੋਗਤਾ ਫੋਰਮ ਨੇ ਮੈਡੀਕਲ ਜਾਂਚ ਵਿਚ ਲਾਪਰਵਾਹੀ ’ਤੇ ਗਾਮਾ ਸਕੈਨ ਐਂਡ ਪੈਥ ਲੈਬ ਅਤੇ ਡਾ. ਮਨਜੀਤ ਸਿੰਘ ਬਿਨੇਪਾਲ ਨੂੰ ਦੋਸ਼ੀ ਠਹਿਰਾਇਆ ਹੈ। ਆਯੋਗ ਨੇ 32 ਸਾਲ ਦੀ ਮਹਿਲਾ ਮਰੀਜ਼ ਨੂੰ ਗਲਤ ਰਿਪੋਰਟ ਦੇ ਕੇ ਮਾਨਸਿਕ ਉਤਪੀੜਨ ਅਤੇ ਜ਼ਿਆਦਾ ਡਾਕਟਰੀ ਖਰਚ ਵਿਚ ਧਕੇਲਣ ਤੇ ਇਕ ਲੱਖ ਰੁਪਏ ਮੁਆਵਜ਼ਾ ਦੇਣ ਦਾ ਹੁਕਮ ਸੁਣਾਇਆ ਹੈ। ਕੈਨੇਡਾ ਦੀ ਸਥਾਈ ਨਿਵਾਸੀ ਰਮਨਜੀਤ ਕੌਰ ਗਿੱਲ ਨੇ 10 ਫਰਵਰੀ 2024 ਨੂੰ ਥਕਾਵਟ ਦੀ ਸ਼ਿਕਾਇਤ ਤੇ ਪੇਟ ਪੈਲਵਿਸ ਦਾ ਅਲਟਰਾਸਾਊਂਡ ਕਰਵਾਇਆ ਸੀ। ਡਾ. ਬਿਨੇਪਾਲ ਵਲੋਂ ਜਾਰੀ ਰਿਪੋਰਟ ਵਿਚ ਬੱਚੇਦਾਨੀ ਨੂੰ ਨਾਰਮਲ ਦੱਸ ਕੇ ਫਾਈਵਬਰਾਡ ਨਾ ਹੋਣ ਦੀ ਗੱਲ ਲਿਖੀ ਗਈ। ਗਿੱਲ ਨੇ ਦੱਸਿਆ ਕਿ ਰਿਪੋਰਟ ਦੇਖਣ ਤੋਂ ਬਾਅਦ ਉਨ੍ਹਾਂ ਨੂੰ ਲੱਗਿਆ ਸੀ ਕਿ ਕੋਈ ਬਿਮਾਰੀ ਨਹੀਂ ਹੈ, ਸੰਤੁਸ਼ਟ ਨਾ ਹੋਣ ਤੇ ਜਦੋਂ ਮਹਿਲਾ ਨੇ ਉਸੇ ਦਿਨ ਰੈਡਨੇਟ ਡਾਇਗਨੋਸਟਿਕ ਵਿਚ ਜਾਂਚ ਕਰਵਾਈ ਤਾਂ ਬੱਚੇਦਾਨੀ ਵਿਚ 33*27 ਮਿਲੀਮੀਟਰ ਦੀ ਗੱਠ ਅਤੇ ਦੋਨੋਂ ਅੰਡੇਦਾਨੀਆਂ ਵਿਚ ਰਸੌਲੀ ਪਾਈ ਗਈ। ਬਾਅਦ ਵਿਚ ਮਹਿਲਾ ਨੇ ਚੰਡੀਗੜ੍ਹ ਮਾਹਿਰ ਡਾਕਟਰਾਂ ਨਾਲ ਸਲਾਹ ਕਰਕੇ ਜਟਿਲ ਸਰਜਰੀ ਕਰਾਉਣੀ ਪਈ। ਆਯੋਗ ਦੇ ਸਾਹਮਣੇ ਲੈਬ ਨੇ ਦਲੀਲ ਦਿੱਤੀ ਕਿ ਆਮ ਅਤੇ ਐਡਵਾਂਸ ਅਲਟਰਾ ਸਾਊਂਡ ਵਿਚ ਅੰਤਰ ਹੁੰਦਾ ਹੈ। ਹਾਲਾਂਕਿ ਪ੍ਰਧਾਨ ਰਾਜੀਵ ਬੱਤਰਾ ਅਤੇ ਮੈਂਬਰ ਮੋਨਿਕਾ ਭਗਤ ਦੀ ਪੀਠ ਨੇ ਦਲੀਲ ਨੂੰ ਖਾਰਜ ਕਰ ਦਿੱਤਾ। ਅਯੋਗ ਨੇ ਕਿਹਾ ਕਿ ਕਿਸੇ ਗੰਭੀਰ ਬਿਮਾਰੀ ਦੇ ਬਾਵਜੂਦ ਮਰੀਜ਼ ਨੂੰ ਨਾਰਮਲ ਰਿਪੋਰਟ ਦੇਣਾ ਬੇਹਦ ਖਤਰਨਾਕ ਹੈ। ਬੱਚੇਦਾਨੀ ਦੀ ਇੰਨੀ ਵੱਡੀ ਗੱਠ ਨੂੰ ਬਿਲਕੁਲ ਨਕਾਰ ਦੇਣਾ ਤਕਨੀਕੀ ਸੀਮਾ ਨਹੀਂ ਬਲਕਿ ਸਿੱਧੀ ਲਾਪਰਵਾਹੀ ਹੈ। ਤਹਿ ਸੀਮਾ ਵਿਚ ਭੁਗਤਾਨ ਨਾ ਕਰਨ ਤੇ ਸ਼ਿਕਾਇਤ ਦਰਜ ਹੋਣ ਦੀ ਤਰੀਕ ਤੋਂ 8 ਪ੍ਰਤੀਸ਼ਤ ਸਲਾਨਾ ਵਿਆਜ ਵੀ ਚੁਕਾਉਣਾ ਹੋਵੇਗਾ।

ਪਿਛਲੀ ਖ਼ਬਰ ਗੁਰਦੁਆਰਾ ਸ੍ਰੀ ਗੁਰੂ ਕਲਗੀਧਰ ਸਿੰਘ ਸਭਾ ਵਿਖੇ ਵਿਸ਼ੇਸ਼ ਗੁਰਮਤਿ ਸਮਾਗਮ ਅਗਲੀ ਖ਼ਬਰ ਹਰਪ੍ਰੀਤ ਸਿੰਘ ਸਿੰੰਮਕ ਵਲੋਂ ਸ਼੍ਰੋਮਣੀ ਅਕਾਲੀ ਦਲ (ਬ) ਦੀ ਐੱਸ.ਸੀ. ਵਿੰਗ ਹਲਕਾ ਗਿੱਲ ਕੋਰ ਕਮੇਟੀ ਦਾ ਐਲਾਨ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਮੈਡੀਕਲ ਜਾਂਚ ਵਿਚ ਲਾਪਰਵਾਹੀ-ਨਾਰਮਲ ਰਿਪੋਰਟ ਦੱਸ ਕੇ ਛੁਪਾਈ ਮਹਿਲਾ ਦੇ ਬੱਚੇਦਾਨੀ ਦੀ ਰਸੌਲੀ

Subscribers Only Story

ਸੰਬੰਧਿਤ ਖ਼ਬਰਾਂ