ਸੀ.ਬੀ.ਐਸ.ਸੀ. ਨੇ ਐਲਾਨੇ ਬਾਰ੍ਹਵੀਂ ਜਮਾਤ ਦੇ ਨਤੀਜੇ <br/>
ਅਜੀਤ ਡੈਸਕ
14-05-2026
ਦਿੱਲੀ ਪਬਲਿਕ ਸਕੂਲ ਸੈਕਟਰ 40
ਇਸੇ ਤਰ੍ਹਾਂ ਦਿੱਲੀ ਪਬਲਿਕ ਸਕੂਲ ਸੈਕਟਰ 40 ਦੀ ਵਿਦਿਆਰਥਣ ਸੰਚਿਤਾ ਪਾਲ ਨੇ ਹਮਿਊਨਿਟੀਜ਼ ਸਟ੍ਰੀਮ ਵਿਚ 98. 8 ਫ਼ੀਸਦ ਅੰਕ ਲੈ ਕੇ ਸ਼ਹਿਰ ਵਿਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ, ਜਦੋਂ ਕਿ ਕੇ.ਬੀ. ਡੀ.ਏ.ਵੀ. ਸੈਕਟਰ 7 ਦੀ ਵਿਦਿਆਰਥਣ ਇਆਨਾ ਸਿੰਘ ਨੇ ਕਾਮਰਸ ਸਟ੍ਰੀਮ ਵਿਚ 98.2 ਫ਼ੀਸਦ ਅੰਕ ਹਾਸਲ ਕੀਤੇ ਹਨ | ਦਿੱਲੀ ਪਬਲਿਕ ਸਕੂਲ ਸੈਕਟਰ 40 ਦੇ ਵਿਦਿਆਰਥੀਆਂ ਸਿਆ ਗਰਗ ਤੇ ਯਸ਼ਵਿਨੀ ਮਿੱਤਲ ਨੇ ਕਾਮਰਸ ਸਟ੍ਰੀਮ ਵਿਚ 98.4 ਫ਼ੀਸਦ, ਵਰਿੰਦਾ ਸ਼ਾਰਦਾ ਨੇ ਨਾਨ ਮੈਡੀਕਲ ਵਿਚ 98 ਫ਼ੀਸਦ ਤੇ ਜਨੀਸ਼ ਕੌਰ ਚਾਵਲਾ ਨੇ ਮੈਡੀਕਲ ਵਿਚ 96.4 ਫ਼ੀਸਦ ਅੰਕ ਲੈ ਕੇ ਸਕੂਲ ਅਤੇ ਮਾਪਿਆਂ ਦੇ ਨਾਂਅ ਰੌਸ਼ਨ ਕੀਤੇ ਹਨ |
ਕੇ.ਬੀ. ਡੀ.ਏ.ਵੀ. ਸਕੂਲ
ਕੇ.ਬੀ. ਡੀ.ਏ.ਵੀ. ਸਕੂਲ ਵੱਲੋਂ 12ਵੀਂ ਜਮਾਤ ਦੇ ਵਿਦਿਆਰਥੀ ਅੰਸ਼ਵੀਰ ਸਿੰਘ ਧਾਲੀਵਾਲ ਨੇ ਸਾਇੰਸ ਸਟ੍ਰੀਮ ਵਿਚ 97.80 ਫ਼ੀਸਦ ਅੰਕ ਲੈ ਕੇ ਸਾਇੰਸ ਵਿਸ਼ਿਆਂ ਵਿਚ ਆਪਣੀ ਹਾਜ਼ਰੀ ਦਰਜ ਕਰਾਈ ਹੈ, ਜਦੋਂ ਕਿ ਸਕੂਲ ਦੇ 73 ਵਿਦਿਆਰਥੀਆਂ ਨੇ ਸਾਇੰਸ ਸਟ੍ਰੀਮ ਦੀ ਪ੍ਰੀਖਿਆ ਦਿੱਤੀ ਸੀ ਤੇ ਐਲਾਨੇ ਨਤੀਜਿਆਂ ਵਿਚ 72 ਵਿਦਿਆਰਥੀਆਂ ਨੇ 60 ਫ਼ੀਸਦ ਤੋਂ ਜ਼ਿਆਦਾ ਅੰਕ ਹਾਸਲ ਕੀਤੇ ਹਨ | ਇਸੇ ਤਰ੍ਹਾਂ ਹਮਿਊਨਿਟੀਜ਼ ਸਟ੍ਰੀਮ ਵਿਚ ਰੂਬੀ ਪਹਲ ਨੇ 97.20 ਅੰਕ ਹਾਸਲ ਕੀਤੇ ਹਨ, ਜਦੋਂ ਕਿ ਹਮਿਊਨਿਟੀਜ਼ ਸਟ੍ਰੀਮ ਵਿਚ 36 ਅਤੇ ਕਾਮਰਸ ਸਟ੍ਰੀਮ ਵਿਚ 47 ਵਿਦਿਆਰਥੀਆਂ ਨੇ 60 ਫ਼ੀਸਦ ਤੋਂ ਜ਼ਿਆਦਾ ਅੰਕ ਪ੍ਰਾਪਤ ਕੀਤੇ ਹਨ | ਸੇਕਰਡ ਹਾਰਟ ਸੀਨੀਅਰ ਸੈਕੰਡਰੀ ਸਕੂਲ ਸੈਕਟਰ 26 ਦੀ ਵਿਦਿਆਰਥਣ ਲਵਿਸ਼ਾ ਗਹਿਲਵਤ ਨੇ ਹਮਿਊਨਿਟੀ ਸਟ੍ਰੀਮ ਵਿਚ 99 ਫ਼ੀਸਦ ਅੰਕ ਹਾਸਲ ਕਰਕੇ ਆਪਣੇ ਮਾਪਿਆਂ ਦਾ ਨਾਂਅ ਰੌਸ਼ਨ ਕੀਤਾ |
ਹੌਸਲੇ ਦੀ ਮਿਸਾਲ ਬਣੀਆਂ ਕੁੜੀਆਂ
ਜਿੱਥੇ ਸ਼ਹਿਰ ਦੇ ਸਰੀਰਕ ਤੌਰ 'ਤੇ ਤੰਦਰੁਸਤ ਵਿਦਿਆਰਥੀਆਂ ਨੇ ਆਪਣੀ ਮਿਹਨਤ ਦੇ ਰੰਗ ਬਿਖੇਰੇ ਹਨ ਉਥੇ ਹੀ ਅੱਖਾਂ ਤੋਂ ਸੁਜਾਖੀ (ਬਲਾਂਇਡ ਗਰਲ) ਵਿਦਿਆਰਥਣ ਵੰਸ਼ਿਕਾ ਨੇ 97.4 ਫ਼ੀਸਦ ਅੰਕ ਲੈ ਕੇ ਮਿਹਨਤ ਦੀ ਇੱਕ ਮਿਸਾਲ ਪੈਦਾ ਕੀਤੀ ਹੈ | ਉਹ ਬਲਾਂਇਡ ਇੰਸਟੀਚਿਊਟ ਸੈਕਟਰ 26 ਦੀ ਵਿਦਿਆਰਥਣ ਹੈ ਤੇ ਉਸਦਾ ਪਿਛੋਕੜ ਕਰਨਾਲ (ਹਰਿਆਣਾ) ਨਾਲ ਸੰਬੰਧਤ ਹੈ | ਇਸੇ ਤਰ੍ਹਾਂ ਪੀ.ਐਮ ਸ੍ਰੀ ਜੀ.ਜੀ.ਐਮ.ਐਸ. ਸਕੂਲ ਸੈਕਟਰ 18 ਦੀ ਸੁਣਨ ਸ਼ਕਤੀ ਤੋਂ ਵਾਂਝੀ ਵਿਦਿਆਰਥਣ ਵੰਸ਼ਿਕਾ ਜੈਨ 96 ਫ਼ੀਸਦ ਅੰਕ ਹਾਸਲ ਕੀਤੇ | ਵੰਸ਼ਿਕਾ ਜੈਨ ਸੁਣਨ ਤੋਂ ਵਿਰਵੀ ਹੋਣ ਦੇ ਨਾਲ-ਨਾਲ ਸ਼ੂਗਰ ਦੀ ਬਿਮਾਰੀ ਤੋਂ ਵੀ ਪੀੜਤ ਹੈ |
