ਚੰਡੀਗੜ੍ਹ, 26 ਜੂਨ (ਅਜਾਇਬ ਸਿੰਘ ਔਜਲਾ)- ਸ੍ਰੀ ਗੁਰੂ ਰਵਿਦਾਸ ਗੁਰਦੁਆਰਾ ਸੈਕਟਰ 30 ਵਲੋਂ ਸੰਤ ਕਬੀਰ ਜੀ ਦੇ 629ਵੇਂ ਪ੍ਰਕਾਸ਼ ਪੁਰਬ ਉਤੇ ਮਹਾਨ ਨਗਰ ਕੀਰਤਨ ਸਜਾਇਆ ਗਿਆ। ਇਹ ਨਗਰ ਕੀਰਤਨ ਸੈਕਟਰ-30 ਦੇ ਗੁਰਦੁਆਰਾ ਸਾਹਿਬ ਤੋ ਸ਼ੁਰੂ ਹੋ ਕੇ ਸੈਕਟਰ 20 ਮਾਰਕੀਟ, ਸੈਕਟਰ- 20/21 ਲਾਈਟ ਪੁਆਇੰਟ, ਸੈਕਟਰ-18/19 ਲਾਈਟ ਪੁਆਇੰਟ ਤੋਂ 19 ਮਾਰਕੀਟ ਤੋਂ ਸੈਕਟਰ- 19/27 ਲਾਈਟ ਪੁਆਇੰਟ ਅਤੇ 20/30 ਦੀ ਲਾਈਟ ਪੁਆਇੰਟ ਤੋਂ ਹੁੰਦਾ ਹੋਇਆ ਗੁਰਦੁਆਰਾ ਸਾਹਿਬ ਸਮਾਪਤ ਹੋਇਆ। ਇਸ ਵਿਚ ਟਰਾਈ ਸਿਟੀ ਦੀ ਸਭਾਵਾਂ ਵੀ ਸ਼ਾਮਿਲ ਹੋਈਆਂ। ਸ੍ਰੀ ਗੁਰੂ ਰਵਿਦਾਸ ਗੁਰਦੁਆਰਾ ਸੈਕਟਰ-30 ਦੇ ਪ੍ਰਧਾਨ ਓਮ ਪ੍ਰਕਾਸ਼ ਚੋਪੜਾ, ਜਰਨੈਲ ਸਿੰਘ ਜਨਰਲ ਸਕੱਤਰ, ਸੰਜੀਵ ਕੁਮਾਰ ਬੰਗਾ ਓਪ ਪ੍ਰਧਾਨ, ਹੁਕਮ ਚੰਦ, ਵਿਨੋਦ ਕੁਮਾਰ ਤੋਂ ਇਲਾਵਾ ਧਰਮ ਪਾਲ, ਸੀ.ਐਲ ਸੌਂਧੀ, ਭੁਪਿੰਦਰ ਕੁਮਾਰ, ਆਤਮਾ ਰਾਮ, ਕੇਵਲ ਕ੍ਰਿਸ਼ਨ, ਗੁਲਜ਼ਾਰ ਸਿੰਘ, ਜਨਕ ਰਾਜ, ਇਸਤਰੀ ਕੀਰਤਨੀ ਜਥਾ ਵਲੋਂ ਵੀ ਹਾਜ਼ਰੀਆਂ ਭਰੀਆਂ ਗਈਆਂ। ਧਾਨਕ ਸਮਾਜ ਦੇ ਪ੍ਰਧਾਨ ਸੁਰਜੀਤ ਫ਼ੌਜੀ, ਮਦਨ ਲਾਲ ,ਹਰਨੇਕ ਸਿੰਘ ਚੁੰਨੀ, ਸਤਿਆਵਾਨ, ਸੁਰਿੰਦਰ ਸਿੰਘ, ਬ੍ਰਿਜ ਪਾਲ ਆਦਿ ਵੀ ਸ਼ਾਮਿਲ ਸਨ। ਰਾਸਤੇ ਵਿਚ ਲੋਕਾਂ ਵਲੋਂ ਸੰਗਤਾਂ ਲਈ ਠੰਢੇ ਪਾਣੀ ਤੇ ਛਬੀਲ ਆਦਿ ਦੇ ਲੰਗਰ ਵੀ ਵਰਤਾਏ ਗਏ।
