ਪੇਸ਼ੈਂਟ ਕੇਅਰ ਨਰਸਿੰਗ ਸਰਵਿਸ ਐਸੋਸੀਏਸ਼ਨ ਪੰਜਾਬ ਦਾ ਗਠਨ, ਬਲਜੀਤ ਸਿੰਘ ਸੰਧੂ ਸਰਪ੍ਰਸਤ ਤੇ ਮਨਦੀਪ ਸਿੰਘ ਪ੍ਰਧਾਨ ਨਿਯੁਕਤ

ਮੁੱਲਾਂਪੁਰ ਗਰੀਬਦਾਸ, 7 ਨਵੰਬਰ (ਦਿਲਬਰ ਸਿੰਘ ਖੈਰਪੁਰ)-ਪੇਸ਼ੈਂਟ ਕੇਅਰ ਨਰਸਿੰਗ ਸੇਵਾ ਨਾਲ ਜੁੜੀਆਂ ਕੰਪਨੀਆਂ ਦੇ ਗਰੁੱਪ ਦੀ ਇਕ ਅਹਿਮ ਮੀਟਿੰਗ ਕਮਾਊ ਕਾਲੋਨੀ ਸਥਿਤ ਕਾਹਲੋਂ ਫਾਰਮ ਵਿਚਲੇ ਪੇਸ਼ੈਂਟ ਕੇਅਰ ਦੇ ਦਫ਼ਤਰ ਵਿਖੇ ਹੋਈ। ਮੀਟਿੰਗ ‘ਚ ਵਿਸ਼ੇਸ਼ ਤੌਰ ‘ਤੇ ਇਸ ਗੱਲ ‘ਤੇ ਜ਼ੋਰ ਦਿੱਤਾ ਗਿਆ ਕਿ ਕੋਈ ਵੀ ਕੰਪਨੀ ਬਿਨਾਂ ਪੂਰੀ ਵੈਰੀਫਿਕੇਸ਼ਨ ਅਤੇ ਜ਼ਰੂਰੀ ਦਸਤਾਵੇਜ਼ਾਂ ਦੀ ਜਾਂਚ ਕਰੇ ਕਿਸੇ ਵੀ ਸਟਾਫ਼ ਨੂੰ ਭਰਤੀ ਨਹੀਂ ਕਰੇਗੀ ਅਤੇ ਨਾ ਹੀ ਬਿਨਾਂ ਪੜਤਾਲ ਕੀਤੇ ਕਿਸੇ ਮਰੀਜ਼ ਦੇ ਘਰ ਡਿਊਟੀ ਲਈ ਭੇਜੇਗੀ।