ਮਾਨਸਾ, 1 ਅਗਸਤ (ਸ.ਰਿ.)- ਸਥਾਨਕ ਡੀ.ਏ.ਵੀ. ਸਕੂਲ ਵਿਖੇ ਭਾਰਤੀ ਰਾਸ਼ਟਰੀ ਝੰਡਾ ਅੰਗੀਕਾਰ ਦਿਵਸ ਮੌਕੇ ‘ਤਿਰੰਗੇ ਦੀ ਯਾਤਰਾ’ ਵਿਸ਼ੇ ‘ਤੇ ਸੈਮੀਨਾਰ ਅਤੇ ਚਿੱਤਰਕਲਾ ਕਰਵਾਏ ਗਏ। 10ਵੀਂ ਜਮਾਤ ਦੀ ਚਾਂਦਨੀ ਨੇ ਪਹਿਲਾ, ਕੁਲਬਖ਼ਸ਼ ਕੌਰ ਨੇ ਦੂਜਾ ਅਤੇ ਵੈਭਵੀ ਨੇ ਤੀਜਾ ਸਥਾਨ ਹਾਸਲ ਕੀਤਾ। 9ਵੀਂ ਜਮਾਤ ਦੇ ਵੀਰੇਨ ਜਿੰਦਲ ਪਹਿਲੇ ਅਤੇ ਗੁਰਿੰਦਰ ਸਿੰਘ ਦੂਜੇ ਸਥਾਨ ‘ਤੇ ਰਿਹਾ। ਪਦਮਾ ਮੌਰਿਆ ਨੇ ਵਿਦਿਆਰਥੀਆਂ ਨੂੰ ਭਾਰਤੀ ਰਾਸ਼ਟਰੀ ਝੰਡੇ ਦੇ ਇਤਿਹਾਸ, ਵਿਕਾਸ ਅਤੇ ਮਹੱਤਵ ਬਾਰੇ ਜਾਣਕਾਰੀ ਦਿੱਤੀ। ਪ੍ਰਿੰਸੀਪਲ ਵਿਨੋਦ ਰਾਣਾ ਨੇ ਜੇਤੂ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕਰਦਿਆਂ ਕਿਹਾ ਕਿ ਰਾਸ਼ਟਰ ਅਤੇ ਰਾਸ਼ਟਰੀ ਪ੍ਰਤੀਕਾਂ ਦਾ ਸਤਿਕਾਰ ਕਰਨਾ ਹਰ ਨਾਗਰਿਕ ਦਾ ਫ਼ਰਜ਼ ਹੈ।
