ਨੂਰਪੁਰ ਬੇਦੀ, 9 ਮਈ (ਹਰਦੀਪ ਸਿੰਘ ਢੀਂਡਸਾ)- ਜਵਾਹਰ ਨਵੋਦਿਆ ਵਿਦਿਆਲਿਆ ਵਲੋਂ ਕਰਵਾਈ ਗਈ ਪ੍ਰੀਖਿਆ ਨੂੰ ਕੁਆਲੀਫ਼ਾਈ ਕਰਨ ਪਿੱਛੋਂ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਦੇ ਆਸ਼ੂਤੋਸ਼ ਸਿੰਘ ਸਪੁੱਤਰ ਸੁਰਿੰਦਰ ਲਾਲ ਦੀ ਚੋਣ ਛੇਵੀਂ ਜਮਾਤ ਲਈ ਹੋਈ ਹੈ | ਇਹ ਵਿਦਿਆਰਥੀ ਹੁਣ ਆਪਣੀ ਅਗਲੇਰੀ ਪੜ੍ਹਾਈ ਨਵੋਦਿਆ ਵਿਦਿਆਲਿਆ ਸੰਧੂਆਂ ਵਿਖੇ ਕਰੇਗਾ, ਇਸ ਮੌਕੇ ਸੀ.ਐਚ.ਟੀ. ਹਰਦੀਪ ਸਿੰਘ ਤੇ ਸਮੂਹ ਸਟਾਫ਼ ਨੇ ਆਸ਼ੂਤੋਸ਼ ਨੂੰ ਇਸ ਵੱਡੀ ਪ੍ਰਾਪਤੀ ਲਈ ਸਨਮਾਨਿਤ ਕੀਤਾ ਤੇ ਉਨ੍ਹਾਂ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਇਸ ਹੀ ਸਕੂਲ ਦੇ ਵਿਦਿਆਰਥੀ ਜਸ਼ਨਦੀਪ ਸਿੰਘ ਨੇ ਵੀ ਨਵੋਦਿਆ ਦਾ ਇਹ ਟੈੱਸਟ ਪਾਸ ਕਰਕੇ ਜ਼ਿਲੇ੍ਹ ਵਿਚੋਂ ਛੇਵਾਂ ਰੈਂਕ ਪ੍ਰਾਪਤ ਕੀਤਾ ਸੀ | ਇਸ ਮੌਕੇ ਹਰਮੇਸ਼ ਸੈਣੀ, ਰਾਜੇਸ਼, ਮੈਡਮ ਜਤਿੰਦਰ ਕੌਰ, ਦਿਲਜੀਤ ਕੌਰ ਤੇ ਅਨੀਤਾ ਰਾਣੀ ਹਾਜ਼ਰ ਸਨ |
