ਨਵੇਂ ਬਣੇ ਜੁੜਵਾ ਪੁਲਾਂ ਤੋਂ ਰੂਪਨਗਰ ਸ਼ਹਿਰ ਨੂੰ ਰਸਤਾ ਖੋਲ੍ਹਣ ਲਈ ਮੰਗ ਪੱਤਰ ਡੀ.ਸੀ. ਨੂੰ ਸੌਂਪਿਆ <br/>
ਅਜੀਤ ਡੈਸਕ
11-06-2026
ਲਾਂਘਾ ਖੁੱਲ੍ਹਣ ਨਾਲ ਗੰਦਗੀ ਦੇ ਆਰਜ਼ੀ ਢੇਰਾਂ ਤੋਂ ਛੁਟਕਾਰਾ ਮਿਲ ਸਕੇਗਾ-ਸਮਾਜ ਸੇਵੀ : ਸੀਨੀਅਰ ਸਿਟੀਜ਼ਨਜ਼ ਕੌਂਸਲ ਦੇ ਮੈਂਬਰਾ ਸਮਾਜ ਸੇਵੀ ਜਗਨੰਦਨ ਸਿੰਘ ਰੀਹਲ ਅਤੇ ਗੁਰਨਾਮ ਸਿੰਘ ਧਾਮੀ ਨੇ ਦੱਸਿਆ ਇਸ ਸਮੇ ਪਟਵਾਰਖ਼ਾਨੇ ਤੋਂ ਪੁਲਾਂ ਨੂੰ ਜਾਂਦੀ ਸੜਕ ਜਿਸ ਨੂੰ ਕਦੇ ਠੰਡੀ ਸੜਕ ਕਿਹਾ ਜਾਂਦਾ ਸੀ ਨੇ ਗੰਦੀ ਸੜਕ ਦਾ ਰੂਪ ਧਾਰ ਲਿਆ ਹੈ | ਪੁਲਾਂ ਦੇ ਨਿਰਮਾਣ ਤੋਂ ਬਾਅਦ ਬੰਦ ਹੋਈ ਇਸ ਸੜਕ ਨੂੰ ਸਹਿਰ ਵਾਸੀਆਂ ਨੇ ਖੁੱਲੇ ਕੁੜ੍ਹੇ ਦਾਨ ਵਜੋਂ ਵਰਤਣਾ ਸ਼ੁਰੂ ਕਰ ਦਿੱਤਾ ਹੈ | ਉਹਨਾਂ ਆਸ ਪ੍ਰਗਟਾਈ ਕਿ ਲਾਂਘਾ ਖੁੱਲ੍ਹਣ ਨਾਲ, ਆਵਾਜਾਈ ਹੋਣ ਨਾਲ ਇੱਥੇ ਲੱਗੇ ਗੰਦਗੀ ਦੇ ਆਰਜ਼ੀ ਢੇਰਾਂ ਤੋ ਛੁਟਕਾਰਾ ਮਿਲ ਸਕੇਗਾ |
ਸੜਕ ਸੁਰੱਖਿਆ ਮਾਹਿਰਾਂ ਅਨੁਸਾਰ : ਨੈਸ਼ਨਲ ਹਾਈਵੇ ਨਾਲ ਸਬੰਧਤ ਸੜਕ ਸੁਰੱਖਿਆ ਮਾਹਿਰਾਂ ਨਾਲ ਵਿਚਾਰ ਵਟਾਂਦਰੇ ਤੋਂ ਬਾਅਦ ਇਹ ਫੈਸਲਾ ਲਿਆ ਗਿਆ ਸੀ ਕਿ ਲਾਂਘਾ ਖੋਲ੍ਹਣ ਨਾਲ ਇਹ ਥਾਂ ਅਕਸਰ ਸੜਕ ਹਾਦਸੇ ਹੋਣ ਵਾਲਾ ਖੇਤਰ ਬਣ ਜਾਵੇਗਾ, ਇਸ ਲਈ ਸੜਕ ਸੁਰੱਖਿਆ ਦੇ ਮੱਦੇਨਜ਼ਰ ਲਾਂਘਾ ਖੋਲ੍ਹਣਾ ਉਚਿਤ ਨਹੀਂ ਪਰ ਲੋਕਾਂ ਦੀਆਂ ਮੁਸ਼ਕਲਾਂ ਨੂੰ ਧਿਆਨ 'ਚ ਰੱਖਦਿਆਂ ਪ੍ਰਸ਼ਾਸਨ ਵਲੋਂ ਇਸ ਲਾਂਘੇ ਨੂੰ ਆਵਾਜਾਈ ਲਈ ਸੁਰੱਖਿਅਤ ਬਣਾਉਣ ਤੇ ਖੋਲ੍ਹਣ ਲਈ ਯਤਨ ਕੀਤੇ ਜਾ ਰਹੇ ਹਨ |
