ਅੰਮ੍ਰਿਤਸਰ / ਦਿਹਾਤੀ

ਨਵੋਦਿਆ ਵਿਦਿਆਲਿਆ ਸਮਿਤੀ ਵਲੋਂ ਪੀ.ਐੱਮ. ਸ੍ਰੀ ਸਕੂਲ ਅਵਾਣ ਵਿਖੇ ਖੇਤਰੀ ਫੁੱਟਬਾਲ ਮੀਟ ਦਾ ਉਦਘਾਟਨ <br/>

ਮੁੱਖ ਮਹਿਮਾਨ ਆਸ਼ੂ ਵਿਸ਼ਾਲ ਜ਼ਿਲ੍ਹਾ ਖੇਡ ਅਫ਼ਸਰ ਫੁੱਟਬਾਲ ਨੂੰ ਕਿੱਕ ਮਾਰ ਕੇ ਟੂਰਨਾਮੈਂਟ ਦਾ ਆਗਾਜ਼ ਕਰਦੇ ਹੋਏ | ਤਸਵੀਰ : ਸੰਧੂ <br/> 12-05-2026

ਗੱਗੋਮਾਹਲ, 11 ਮਈ (ਬਲਵਿੰਦਰ ਸਿੰਘ ਸੰਧੂ)-ਪੀ. ਐੱਮ. ਸ੍ਰੀ ਸਕੂਲ ਜਵਾਹਰ ਨਵੋਦਿਆ ਵਿਦਿਆਲਿਆ ਅਵਾਣ ਅੰਮਿ੍ਤਸਰ-1 ਵਿਖੇ ਨਵੋਦਿਆ ਵਿਦਿਆਲਿਆ ਸਮਿਤੀ ਚੰਡੀਗੜ੍ਹ ਸੰਭਾਗ ਖੇਤਰੀ ਫੁੱਟਬਾਲ ਮੀਟ (ਕੁੜੀਆ) 2026-27 ਦਾ ਉਦਘਾਟਨ ਸਮਾਰੋਹ ਬੜ੍ਹੇ ਉਤਸ਼ਾਹ ਤੇ ਖੇਡ ਭਾਵਨਾਂ ਨਾਲ ਅਯੋਜਿਤ ਕੀਤਾ ਗਿਆ | ਸਮਾਰੋਹ ਵਿਚ ਚੰਡੀਗੜ੍ਹ ਖੇਤਰ ਦੇ ਪੰਜਾਬ ਕਲੱਸਟਰ-1, ਪੰਜਾਬ ਕਲੱਸਟਰ-2 ਤੇ ਜੰਮੂ ਕਸ਼ਮੀਰ ਕਲੱਸਟਰ-1, ਜੰਮੂ ਕਸ਼ਮੀਰ ਕਲੱਸਟਰ-2 ਅਧੀਨ ਵੱਖ ਵੱਖ ਸਕੂਲਾਂ ਦੀਆ ਟੀਮਾਂ ਨੇ ਭਾਗ ਲਿਆ, ਸਮੂਹ ਮਹੌਲ ਉਤਸ਼ਾਹ ਜੋਸ਼ ਤੇ ਟੀਮ ਭਾਵਨਾਂ ਨਾਲ ਭਰਪੂਰ ਸੀ | ਕਾਰਜਕ੍ਰਮ ਦੀ ਸ਼ੁਰੂਆਤ ਮੁੱਖ ਮਹਿਮਾਨ ਆਸ਼ੂ ਵਿਸ਼ਾਲ ਜ਼ਿਲ੍ਹਾ ਖੇਡ ਅਫਸਰ ਅੰਮਿ੍ਤਸਰ, ਵਿਸ਼ੇਸ਼ ਮੈਂਬਰ ਸੁਰਿੰਦਰਪਾਲ ਸਿੰਘ, ਬਲਜਿੰਦਰ ਸਿੰਘ ਡੀ.ਪੀ.ਈ, ਸੁਖਜੀਤ ਸਿੰਘ ਡੀ. ਪੀ. ਈ., ਰਜੀਵ ਕੁਮਾਰ ਫੈਡਰੇਸ਼ਨ ਕੋਚ, ਐਸਕਾਰਟ ਅਧਿਆਪਕਾਂ ਤੇ ਵਿਦਿਆਰਥੀਆਂ ਦੇ ਸਵਾਗਤ ਨਾਲ ਹੋਈ | ਸਕੂਲ ਪਿ੍ੰਸੀਪਾਲ ਡਾ. ਹੇਮਰਾਜ ਸਿੰਘ, ਵਾਈਸ ਪਿ੍ੰਸੀਪਲ ਸ੍ਰੀਮਤੀ ਰਚਨਾ ਸ਼ੁਕਲਾ ਵਲੋਂ ਗੁਲਦਸਤਾ ਭੇਟ ਕਰਕੇ ਮੁੱਖ ਮਹਿਮਾਨ ਦਾ ਸਵਾਗਤ ਕੀਤਾ ਗਿਆ | ਮੁੱਖ ਮਹਿਮਾਨ ਵਲੋਂ ਦੀਪ ਜਗਾ ਕੇ ਟੂਰਨਾਮੈਂਟ ਦਾ ਉਦਘਾਟਨ ਕੀਤਾ ਤੇ ਆਪਣੇ ਭਾਸ਼ਣ ਵਿਚ ਖਿਡਾਰੀਆਂ ਨੂੰ ਅਨੁਸ਼ਾਸ਼ਨ, ਸਮਰਪਣ ਤੇ ਸੱਚੀ ਖੇੇਡ ਭਾਵਨਾ ਨਾਲ ਖੇਡਣ ਲਈ ਪ੍ਰੇਰਿਤ ਕੀਤਾ | ਪਿ੍ੰਸੀਪਲ ਵਲੋਂ ਮਹਿਮਾਨਾਂ ਦਾ ਸਵਾਗਤ ਕਰਦਿਆਂ ਵਿਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ 'ਚ ਖੇਡਾਂ ਦੀ ਮਹੱਤਤਾ ਨੂੰ ਉਜਾਗਰ ਕੀਤਾ | ਇਸ ਸਮੇਂ ਖਿਡਾਰੀਆਂ ਵਲੋਂ ਸਹੁੰ ਚੁੱਕ ਸਮਾਰੋਹ ਕਰਵਾਇਆ ਗਿਆ, ਜਿਸ ਵਿਚ ਟੂਰਨਾਮੈਂਟ ਦੌਰਾਨ ਨਿਰਪੱਖਤਾ ਤੇ ਇਮਾਨਦਾਰੀ ਬਣਾਈ ਰੱਖਣ ਦਾ ਵਚਨ ਦਿੱੱਤਾ | ਉਦਘਾਟਨੀ ਮੈਚ ਨਾਲ ਖੇਤਰੀ ਫੁੱਟਬਾਲ ਟੂਰਨਾਮੈਂਟ ਦੀ ਅਧਿਕਾਰਤ ਸ਼ੁਰੂਆਤ ਹੋਈ ਦਰਸ਼ਕਾ ਵਲੋਂ ਤਾਲੀਆਂ ਨਾਲ ਖਿਡਾਰੀਆ ਦਾ ਮਨੋਬਲ ਵਧਾਇਆ ਗਿਆ |

ਪਿਛਲੀ ਖ਼ਬਰ ਬਾਬਾ ਕਰਤਾਰ ਸਿੰਘ ਈਸਾਪੁਰ ਵਾਲਿਆਂ ਦੀ ਬਰਸੀ 19 ਨੂੰ ਅਗਲੀ ਖ਼ਬਰ ਨਗਰ ਪੰਚਾਇਤ ਅਜਨਾਲਾ ਦੀਆਂ 15 ਵਾਰਡਾਂ ਦੀ ਰਿਜ਼ਰਵੇਸ਼ਨ 'ਚ ਮੁੜ ਹੋਇਆ ਬਦਲਾਅ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਨਵੋਦਿਆ ਵਿਦਿਆਲਿਆ ਸਮਿਤੀ ਵਲੋਂ ਪੀ.ਐੱਮ. ਸ੍ਰੀ ਸਕੂਲ ਅਵਾਣ ਵਿਖੇ ਖੇਤਰੀ ਫੁੱਟਬਾਲ ਮੀਟ ਦਾ ਉਦਘਾਟਨ <br/>

Subscribers Only Story

ਸੰਬੰਧਿਤ ਖ਼ਬਰਾਂ