ਨਾਭਾ, 28 ਜੁਲਾਈ (ਜਗਨਾਰ ਸਿੰਘ ਦੁਲੱਦੀ)-ਨਾਭਾ ਹਲਕੇ ਵਿਚ ਅੱਜ ਕਾਂਗਰਸ ਤੇ ਆਮ ਆਦਮੀ ਪਾਰਟੀ ਨੂੰ ਉਸ ਵੇਲੇ ਵੱਡਾ ਝਟਕਾ ਲੱਗਿਆ ਜਦੋਂ ਵੱਡੀ ਗਿਣਤੀ ਵਿਚ ਸਥਾਨਕ ਸਰੈਣ ਦਾਸ ਕਾਲੋਨੀ ਦੇ ਕਈ ਪਰਿਵਾਰ ਹਲਕਾ ਇੰਚਾਰਜ ਮੱਖਣ ਸਿੰਘ ਲਾਲਕਾ ਦੀ ਅਗਵਾਈ ਹੇਠ ਸ਼੍ਰੋਮਣੀ ਅਕਾਲੀ ਦਲ (ਬ) ਵਿਚ ਸ਼ਾਮਿਲ ਹੋ ਗਏ। ਸ਼ਾਮਿਲ ਹੋਣ ਵਾਲੇ ਪਰਿਵਾਰਾਂ ਦਾ ਧੰਨਵਾਦ ਕਰਦੇ ਹੋਏ ਜਥੇਦਾਰ ਲਾਲਕਾ ਨੇ ਕਿਹਾ ਕਿ ਜੋ ਵੀ ਪਰਿਵਾਰ ਅੱਜ ਸ਼੍ਰੋਮਣੀ ਅਕਾਲੀ ਦਲ (ਬ) ਵਿਚ ਸ਼ਾਮਿਲ ਹੋਏ ਹਨ ਪਾਰਟੀ ਵਲੋਂ ਉਨ੍ਹਾਂ ਦਾ ਨਿੱਘਾ ਸਵਾਗਤ ਕੀਤਾ ਜਾਂਦਾ ਹੈ ਅਤੇ ਪਾਰਟੀ ਵਿਚ ਸ਼ਾਮਿਲ ਹੋਣ ਵਾਲੇ ਪਰਿਵਾਰਾਂ ਦੇ ਮਾਨ ਸਨਮਾਨ ਨੂੰ ਹਮੇਸ਼ਾ ਹੀ ਬਰਕਰਾਰ ਰੱਖਿਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ (ਬ) ਦੀਆਂ ਲੋਕ ਪੱਖੀ ਨੀਤੀਆਂ ਤੋਂ ਖੁਸ਼ ਹੋ ਕੇ ਵੱਡੀ ਗਿਣਤੀ ’ਚ ਪੰਜਾਬ ਦੇ ਲੋਕ ਪਾਰਟੀ ਨਾਲ ਜੁੜ ਰਹੇ ਹਨ। ਜਥੇਦਾਰ ਲਾਲਕਾ ਨੇ ਕਿਹਾ ਕਿ ਪੰਜਾਬ ਵਾਸੀਆਂ ਦੇ ਸ਼੍ਰੋਮਣੀ ਅਕਾਲੀ ਦਲ (ਬ) ਦੇ ਨਾਲ ਜੁੜਨ ਤੋਂ ਸਾਫ ਪਤਾ ਲੱਗਦਾ ਹੈ ਕੀ ਪੰਜਾਬ ਦੇ ਲੋਕ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੀ ਅਗਵਾਈ ਹੇਠ ਸ਼੍ਰੋਮਣੀ ਅਕਾਲੀ ਦਲ (ਬ) ਦੀ ਸਰਕਾਰ ਹੀ ਚਾਹੁੰਦੇ ਹਨ। ਇਸ ਮੌਕੇ ਗਿਆਨ ਰਾਮ, ਅਮਰ ਰਾਮ, ਗੋਗੀ ਰਾਮ, ਗੁਰਨਾਮ, ਯੂਪੀ ਰਾਮ, ਕੇਲਾ ਰਾਮ, ਸਾਨੂੰ ਰਾਮ, ਬਿਲਾ ਰਾਮ, ਭੋਲਾ ਰਾਮ, ਬੀਰਾ ਰਾਮ, ਪ੍ਰਿੰਸ ਤੁੰਗ, ਰਣਵੀਰ ਸਿੰਘ ਮਠਾੜੂ ਪ੍ਰਧਾਨ ਬੀ. ਸੀ. ਵਿੰਗ, ਦੇੇਵਰਾਜ ਦੁਲੱਦੀ, ਸੁੁਖਚੈੈਨ ਸਿੰਘ ਬਿਸ਼ਨਪੁਰਾ ਯੂਥ ਆਗੂ, ਗੁਰਮਿੰਦਰ ਸਿੰਘ ਕਾਲਸਨਾ, ਭੂਰਾ ਰਾਮ, ਸਿਵਲ ਰਾਮ, ਅਵਤਾਰ ਰਾਮ, ਅਮਰੀਕ ਰਾਮ, ਲਾਖਾ ਰਾਮ, ਜੈਂਟੀ ਰਾਮ, ਤਰਲੋਕ ਰਾਮ, ਫੱਤਾ ਰਾਮ, ਦਰਸਨ ਰਾਮ, ਜਰਨੈਲ ਰਾਮ, ਮਿਲਖੀ ਰਾਮ, ਰਾਜਵੀਰ ਆਦਿ ਕਾਲੋਨੀ ਵਾਸੀ ਮੌਜੂਦ ਸਨ।
