ਰਣਜੀ ਟਰਾਫੀ ਲਈ ਚੁਣੇ ਗਏ ਪਿੰਡ ਕਰਾਲੀ ਦੇ ਨੌਜਵਾਨ ਸਾਹਿਲ ਖਾਨ ਨੂੰ ਸਾਬਕਾ ਵਿਧਾਇਕ ਕੰਬੋਜ ਨੇ ਕੀਤਾ ਸਨਮਾਨਿਤ
15 ਕ੍ਰਿਕਟ ਟੀਮਾਂ ਨੂੰ ਵੰਡੀਆਂ ਮੁਫਤ ਕ੍ਰਿਕਟ ਕਿੱਟਾਂ
ਬਨੂੜ, 3 ਅਗਸਤ (ਭੁਪਿੰਦਰ ਸਿੰਘ)-ਪਿੰਡ ਕਰਾਲੀ ਦੇ ਰਣਜੀ ਟਰਾਫੀ ਲਈ ਚੁਣੇ ਗਏ ਨੌਜਵਾਨ ਸਾਹਿਲ ਖਾਨ ਨੂੰ ਸਾਬਕਾ ਵਿਧਾਇਕ ਹਰਦਿਆਲ ਸਿੰਘ ਕੰਬੋਜ ਵਲੋਂ ਸਨਮਾਨਿਤ ਕੀਤਾ ਅਤੇ ਇਲਾਕੇ ਦੀਆਂ 15 ਕ੍ਰਿਕਟ ਟੀਮਾਂ ਨੂੰ ਕ੍ਰਿਕਟ ਕਿੱਟਾਂ ਵੰਡੀਆਂ ਗਈਆਂ। ਰਣਜੀ ਟਰਾਫੀ ਲਈ ਚੁਣੇ ਗਏ ਨੌਜਵਾਨ ਸਾਹਿਲ ਖਾਨ ਨੂੰ ਸਨਮਾਨਿਤ ਕਰਨ ਲਈ ਰੱਖੇ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਸਾਬਕਾ ਵਿਧਾਇਕ ਹਰਦਿਆਲ ਸਿੰਘ ਕੰਬੋਜ ਨੇ ਕਿਹਾ ਕਿ ਸਾਹਿਲ ਖਾਨ ਦਾ ਰਣਜੀ ਟਰਾਫੀ ਲਈ ਚੁਣੇ ਜਾਣਾ ਜਿਥੇ ਪਿੰਡ ਕਰਾਲੀ ਦੇ ਵਸਨੀਕਾ ਲਹੀ ਅਹਿਮ ਹੈ, ਉਥੇ ਹੀ ਇਸ ਨੌਜਵਾਨ ਨੇ ਹਲਕਾ ਰਾਜਪੁਰਾ ਦਾ ਵੀ ਦੇਸ਼ ਪੱਧਰ ’ਤੇ ਨਾਂਅ ਉੱਚਾ ਕੀਤਾ ਹੈ।
ਬਨੂੜ, 3 ਅਗਸਤ (ਭੁਪਿੰਦਰ ਸਿੰਘ)-ਪਿੰਡ ਕਰਾਲੀ ਦੇ ਰਣਜੀ ਟਰਾਫੀ ਲਈ ਚੁਣੇ ਗਏ ਨੌਜਵਾਨ ਸਾਹਿਲ ਖਾਨ ਨੂੰ ਸਾਬਕਾ ਵਿਧਾਇਕ ਹਰਦਿਆਲ ਸਿੰਘ ਕੰਬੋਜ ਵਲੋਂ ਸਨਮਾਨਿਤ ਕੀਤਾ ਅਤੇ ਇਲਾਕੇ ਦੀਆਂ 15 ਕ੍ਰਿਕਟ ਟੀਮਾਂ ਨੂੰ ਕ੍ਰਿਕਟ ਕਿੱਟਾਂ ਵੰਡੀਆਂ ਗਈਆਂ। ਰਣਜੀ ਟਰਾਫੀ ਲਈ ਚੁਣੇ ਗਏ ਨੌਜਵਾਨ ਸਾਹਿਲ ਖਾਨ ਨੂੰ ਸਨਮਾਨਿਤ ਕਰਨ ਲਈ ਰੱਖੇ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਸਾਬਕਾ ਵਿਧਾਇਕ ਹਰਦਿਆਲ ਸਿੰਘ ਕੰਬੋਜ ਨੇ ਕਿਹਾ ਕਿ ਸਾਹਿਲ ਖਾਨ ਦਾ ਰਣਜੀ ਟਰਾਫੀ ਲਈ ਚੁਣੇ ਜਾਣਾ ਜਿਥੇ ਪਿੰਡ ਕਰਾਲੀ ਦੇ ਵਸਨੀਕਾ ਲਹੀ ਅਹਿਮ ਹੈ, ਉਥੇ ਹੀ ਇਸ ਨੌਜਵਾਨ ਨੇ ਹਲਕਾ ਰਾਜਪੁਰਾ ਦਾ ਵੀ ਦੇਸ਼ ਪੱਧਰ ’ਤੇ ਨਾਂਅ ਉੱਚਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਖੇਡਾਂ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਰੋਕਣ ਲਈ ਸਹਾਈ ਹੁੰਦੀ ਹਨ। ਇਸ ਲਈ ਵੱਧ ਤੋਂ ਵੱਧ ਖੇਡ ਮੇਲੇ ਕਰਵਾਉਣੇ ਚਾਹੀਦੇ ਹਨ ਤਾਂ ਜੋ ਨੌਜਵਾਨਾਂ ਨੂੰ ਖੇਡਾਂ ਵੱਲ ਪ੍ਰੇਰਿਤ ਕੀਤਾ ਜਾ ਸਕੇ। ਸਮਾਗਮ ਦੌਰਾਨ ਸਾਬਕਾ ਵਿਧਾਇਕ ਹਰਦਿਆਲ ਸਿੰਘ ਕੰਬੋਜ ਨੇ ਨੇੜਲੇ ਪਿੰਡਾਂ ਦੀਆਂ 15 ਟੀਮਾਂ ਨੂੰ ਆਪਣੇ ਵਲੋਂ ਕ੍ਰਿਕਟ ਕਿੱਟਾਂ ਮੁਫਤ ਵੰਡੀਆਂ ਤੇ ਆਸ ਕੀਤੀ ਕਿ ਇਹ ਨੌਜਵਾਨ ਕੌਮਾਂਤਰੀ ਪੱਧਰ ’ਤੇ ਹਲਕਾ ਰਾਜਪੁਰਾ ਦਾ ਨਾਂਅ ਉੱਚਾ ਕਰਨਗੇ। ਜਿਵੇਂ ਕਿ ਰਣਜੀ ਟਰਾਫੀ ਲਈ ਚੁਣੇ ਗਏ ਨੌਜਵਾਨ ਸਾਹਿਲ ਖਾਨ ਨੇ ਕੀਤਾ ਹੈ। ਇਸ ਮੌਕੇ ਯੂਥ ਆਗੂ ਨਿਰਭੈ ਸਿੰਘ ਮਿਲਟੀ ਕੰਬੋਜ, ਨੈਬ ਸਿੰਘ ਜ਼ੈਲਦਾਰ, ਜਗਤਾਰ ਸਿੰਘ ਕੰਬੋਜ ਸਾਬਕਾ ਪ੍ਰਧਾਨ, ਹਰਪ੍ਰੀਤ ਸਿੰਘ ਸੋਨਿਕ,ਰਹੀਮ ਖਾ ਕਰਾਲੀ, ਬਲਵਿੰਦਰ ਸਿੰਘ ਸੋਨੂ, ਸ਼ਹਿਰੀ ਪ੍ਰਧਾਨ ਬਨੂੜ ਨੀਰਜ ਜੈਨ, ਕੁਲਵਿੰਦਰ ਸਿੰਘ ਭੋਲਾ, ਸੋਨੂ ਜੈਨ, ਪ੍ਰੀਤਇੰਦਰ ਸਿੰਘ ਢੀਂਡਸਾ, ਗੁਰਪ੍ਰੀਤ ਸਿੰਘ ਸਾਬਕਾ ਸਰਪੰਚ ਕਰਾਲੀ, ਰਾਜੂ ਮਠਿਆੜਾ, ਗੁਰਮੇਲ ਸਿੰਘ ਫੌਜੀ, ਜਸਵੀਰ ਸਿੰਘ ਪੱਪੀ, ਪ੍ਰੀਤੀ ਵਾਲੀਆ ਕੌਸਲਰ, ਸੁਰਿੰਦਰ ਸਿੰਘ ਸੋਨੀ ਸੰਧੂ, ਦੀਦਾਰ ਸਿੰਘ, ਜੀਵਨ ਕੁਮਾਰ ਬਨੂੜ ਤੋਂ ਇਲਾਵਾ ਹੋਰ ਬਹੁਤ ਸਾਰੇ ਕਾਂਗਰਸ ਪਾਰਟੀ ਦੇ ਆਗੂ ਤੇ ਵਰਕਰ ਹਾਜ਼ਰ ਸਨ।
