ਦੋਦਾ, 7 ਜੂਨ (ਰਵੀਪਾਲ)-ਸ਼ਹੀਦ ਸੰਤ ਜਰਨੈਲ ਸਿੰਘ ਖ਼ਾਲਸਾ ਭਿੰਡਰਾਂਵਾਲੇ ਤੇ ਜੂਨ 84 ਘੱਲੂਘਾਰੇ ਦੇ ਸਿੱਖ ਸ਼ਹੀਦਾਂ ਦੀ ਯਾਦ ਵਿਚ ਅੱਜ ਸਥਾਨਕ ਨਗਰ ਵਿਚ ਪਿਛਲੇ ਸਾਲ ਦੀ ਤਰ੍ਹਾਂ ਨੌਜਵਾਨਾਂ ਨੇ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਸੁਖਨੇ ਵਾਲਾ ਮੌੜ 'ਤੇ ਠੰਡੇ ਮਿੱਠੇ ਗੰਨੇ ਦੇ ਰਸ ਦੀ ਛਬੀਲ ਲਗਾਈ | ਇਸ ਮੌਕੇ ਜੂਨ 84 ਘੱਲੂਘਾਰੇ ਦੇ ਸ਼ਹੀਦਾਂ ਨੂੰ ਯਾਦ ਕੀਤਾ ਗਿਆ | ਨੌਜਵਾਨਾਂ ਨੇ ਅੱਤ ਦੀ ਗਰਮੀ ਨੂੰ ਦੇਖਦੇ ਹੋਏ ਰਾਹਗੀਰਾਂ ਨੂੰ ਰੋਕ-ਰੋਕ ਕੇ ਬੜੀ ਨਿਮਰਤਾ ਨਾਲ ਠੰਡਾ-ਮਿੱਠਾ ਗੰਨੇ ਦਾ ਜੂਸ ਛਕਾਇਆ | ਇਸ ਮੌਕੇ ਅੰਮਿ੍ਤਾ ਵੜਿੰਗ, ਸੰਦੀਪ ਸਿੰਘ ਸੰਨੀ ਢਿੱਲੋਂ, ਚੇਅਰਮੈਨ ਸੁਖਜਿੰਦਰ ਸਿੰਘ ਕਾਉਣੀ ਨੇ ਵੀ ਸ਼ਿਰਕਤ ਕਰਕੇ ਸੇਵਾ 'ਚ ਸਹਿਯੋਗ ਕੀਤਾ | ਇਸ ਮੌਕੇ ਜਸਕਰਨ ਸਿੰਘ ਖ਼ਾਲਸਾ, ਕੁਲਵੰਤ ਸਿੰਘ, ਬੱਬੀ ਬਰਾੜ, ਹਰਪਾਲ ਬਰਾੜ, ਅਵਤਾਰ ਸਿੰਘ ਖ਼ਾਲਸਾ, ਬੇਅੰਤ ਸਿੰਘ, ਸਿਕੰਦਰ ਸਿੰਘ ਬਰਾੜ, ਵਿਜੇਪਾਲ ਸਿੰਘ, ਗੱਗੂ, ਗੁਰਮੇਲ ਸਿੰਘ ਬੁੱਟਰ, ਨਛੱਤਰ ਸਿੰਘ ਆਦਿ ਵੱਡੀ ਗਿਣਤੀ ਵਿਚ ਸੇਵਾਦਾਰ ਹਾਜ਼ਰ ਸਨ |
