ਜ਼ੋਨਲ ਖ਼ੇਡ ਮੁਕਾਬਲਿਆਂ ’ਚ ਰਿਸ਼ੀ ਮਾਡਲ ਸਕੂਲ ਦੇ ਮੁੰਡਿਆਂ ਦੀ ਸਰਦਾਰੀ

ਪੰਜਗਰਾਈ ਕਲਾਂ, 5 ਅਗਸਤ (ਸੁਖਮੰਦਰ ਸਿੰਘ ਬਰਾੜ)-70ਵੀਂਆਂ ਪੰਜਾਬ ਸਕੂਲ ਜ਼ੋਨਲ ਖੇਡਾਂ ’ਚ ਸੰਸਥਾ ਰਿਸ਼ੀ ਮਾਡਲ ਪੰਜਗਰਾਈ ਕਲਾਂ ਦੇ ਮੁੰਡਿਆਂ ਨੇ ਵੱਖ-ਵੱਖ ਖੇਡ ਮੁਕਾਬਲਿਆਂ ’ਚ ਆਪਣੀ ਸ਼ਾਨਦਾਰ ਖ਼ੇਡ ਦਾ ਪ੍ਰਦਰਸ਼ਨ ਕਰਦਿਆਂ ਪੂਰੇ ਟੂਰਨਾਮੈਂਟ ’ਚ ਆਪਣੀ ਸਰਦਾਰੀ ਕਾਇਮ ਰੱਖੀ। ਸਕੂਲ ਦੀ ਚੇਅਰਪਰਸਨ ਸ਼ਿੰਦਰਪਾਲ ਕੌਰ ਚਹਿਲ ਅਤੇ ਪਿ੍ਰੰਸੀਪਲ ਗਗਨਦੀਪ ਸਿੰਘ ਨੇ ਦੱਸਿਆ ਕਿ ਹੈਂਡਬਾਲ ਅੰਡਰ-14 (ਲੜਕੇ) ਦੇ ਮੁਕਾਬਲੇ ’ਚ ਦੂਜਾ, ਖੋ-ਖੋ ਅੰਡਰ-14 ’ਚ ਪਹਿਲਾ, ਜੂਡੋ ਅੰਡਰ-14 ਅਤੇ ਅੰਡਰ-17 ’ਚ ਪਹਿਲਾ, ਰੱਸਾਕਸੀ ਅੰਡਰ-17 ’ਚ ਪਹਿਲਾ ਅਤੇ ਅੰਡਰ-19 ’ਚ ਦੂਜਾ, ਸ਼ਤਰੰਜ ਅੰਡਰ-19 ’ਚ ਪਹਿਲਾ, ਵੇਟ ਲਿਫ਼ਟਿੰਗ ਅੰਡਰ-17 ’ਚ ਪਹਿਲਾ, ਪਾਵਰ ਲਿਫ਼ਟਿੰਗ ਅੰਡਰ-17 ਪਹਿਲਾ, ਸਾਈਕਲਿੰਗ ਅੰਡਰ-14 ’ਚ ਪਹਿਲਾ, ਬੈਡਮਿੰਟਨ ਅੰਡਰ-17 ’ਚ ਦੂਜਾ ਅਤੇ ਅੰਡਰ-19 ’ਚ ਪਹਿਲਾ, ਕੁਸ਼ਤੀ ਅੰਡਰ-14 ’ਚ ਪਹਿਲਾ ਸਥਾਨ ਹਾਸਿਲ ਕਰਕੇ ਸੋਨ ਤਮਗਿਆਂ ਦਾ ਅੰਬਾਰ ਲਾ ਦਿੱਤਾ।