ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਦੇ ਸੋਸ਼ਲ ਸਟਾਫ਼ ਵਲੋਂ ਧਰਨਾ
ਫ਼ਰੀਦਕੋਟ, 7 ਅਗਸਤ (ਹਰਮਿੰਦਰ ਸਿੰਘ ਮਿੰਦਾ)-ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਵਿਚ ਕੰਮ ਕਰਦੇ ਸੋਸ਼ਲ ਸਟਾਫ਼ ਵਲੋਂ ਆਪਣੀਆਂ ਹੱਕੀ ਅਤੇ ਜਾਇਜ਼ ਮੰਗਾਂ ਪੂਰੀਆਂ ਕਰਵਾਉਣ ਲਈ ਅੱਜ ਡਵੀਜ਼ਨ ਮੋਗਾ-1, 2 ਅਤੇ ਡਵੀਜ਼ਨ ਫ਼ਰੀਦਕੋਟ ਵਲੋਂ ਸਰਕਲ ਦਫ਼ਤਰ ਫ਼ਰੀਦਕੋਟ ਵਿਖੇ ਧਰਨਾ ਦਿੱਤਾ ਗਿਆ। ਸੂਬਾ ਪ੍ਰੈਸ ਸਕੱਤਰ ਗੁਰਤੇਜ ਪੱਖੀਕਲਾਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਦੁਆਰਾ ਸੋਸ਼ਲ ਸਟਾਫ਼ ਨੂੰ ਹਰ ਸਾਲ ਦੀ ਤਰ੍ਹਾਂ ਮਿਲਣ ਵਾਲਾ 10 ਪ੍ਰਤੀਸ਼ਤ ਸਾਲਾਨਾ ਤਨਖਾਹ ਵਾਧਾ ਜੋ ਵਿਭਾਗ ਨੇ 01-04-2026 ਤੋਂ ਰੋਕ ਰੱਖਿਆ ਹੈ ਅਤੇ ਮਿਤੀ 01-04-2023 ਤੋਂ ਸੋਸ਼ਲ ਸਟਾਫ਼ ਦਾ ਸਫ਼ਰੀ ਭੱਤਾ, ਮੋਬਾਇਲ ਭੱਤਾ, ਸਪੈਸ਼ਲ ਭੱਤਾ ਜੋ ਜਬਰੀ ਰੋਕ ਰੱਖਿਆ ਹੈ ਸਮੇਤ ਬਕਾਏ ਜਲਦੀ ਜਾਰੀ ਕਰੇ।
ਸ
ਸਰਕਲ ਦਫ਼ਤਰ ਫ਼ਰੀਦਕੋਟ ਵਿਖੇ ਧਰਨਾ ਦੇਣ ਸਮੇਂ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਦਾ ਸੋਸ਼ਲ ਸਟਾਫ਼। ਤਸਵੀਰ : ਮਿੰਦਾ
08-08-2026
ਫ਼ਰੀਦਕੋਟ, 7 ਅਗਸਤ (ਹਰਮਿੰਦਰ ਸਿੰਘ ਮਿੰਦਾ)-ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਵਿਚ ਕੰਮ ਕਰਦੇ ਸੋਸ਼ਲ ਸਟਾਫ਼ ਵਲੋਂ ਆਪਣੀਆਂ ਹੱਕੀ ਅਤੇ ਜਾਇਜ਼ ਮੰਗਾਂ ਪੂਰੀਆਂ ਕਰਵਾਉਣ ਲਈ ਅੱਜ ਡਵੀਜ਼ਨ ਮੋਗਾ-1, 2 ਅਤੇ ਡਵੀਜ਼ਨ ਫ਼ਰੀਦਕੋਟ ਵਲੋਂ ਸਰਕਲ ਦਫ਼ਤਰ ਫ਼ਰੀਦਕੋਟ ਵਿਖੇ ਧਰਨਾ ਦਿੱਤਾ ਗਿਆ। ਸੂਬਾ ਪ੍ਰੈਸ ਸਕੱਤਰ ਗੁਰਤੇਜ ਪੱਖੀਕਲਾਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਦੁਆਰਾ ਸੋਸ਼ਲ ਸਟਾਫ਼ ਨੂੰ ਹਰ ਸਾਲ ਦੀ ਤਰ੍ਹਾਂ ਮਿਲਣ ਵਾਲਾ 10 ਪ੍ਰਤੀਸ਼ਤ ਸਾਲਾਨਾ ਤਨਖਾਹ ਵਾਧਾ ਜੋ ਵਿਭਾਗ ਨੇ 01-04-2026 ਤੋਂ ਰੋਕ ਰੱਖਿਆ ਹੈ ਅਤੇ ਮਿਤੀ 01-04-2023 ਤੋਂ ਸੋਸ਼ਲ ਸਟਾਫ਼ ਦਾ ਸਫ਼ਰੀ ਭੱਤਾ, ਮੋਬਾਇਲ ਭੱਤਾ, ਸਪੈਸ਼ਲ ਭੱਤਾ ਜੋ ਜਬਰੀ ਰੋਕ ਰੱਖਿਆ ਹੈ ਸਮੇਤ ਬਕਾਏ ਜਲਦੀ ਜਾਰੀ ਕਰੇ। ਜੇਕਰ ਜਾਰੀ ਨਾ ਕੀਤਾ ਤਾਂ 12/08/2026 ਨੂੰ ਕੈਬਨਿਟ ਮੰਤਰੀ ਹਰਦੀਪ ਸਿੰਘ ਮੁੰਡੀਆਂ ਦੀ ਰਿਹਾਇਸ਼ ਅੱਗੇ ਅਣਮਿੱਥੇ ਸਮੇਂ ਲਈ ਧਰਨਾ ਲਗਾਇਆ ਜਾਵੇਗਾ। ਬਲਰਾਜ ਸਿੰਘ ਅਤੇ ਭਿੰਦਰ ਸਿੰਘ ਨੇ ਕਿਹਾ ਕਿ ਪੰਜਾਬ ਸਰਕਾਰ ਠੇਕਾ ਮੁਲਾਜ਼ਮਾਂ ਨੂੰ ਰੈਗੂਲਰ ਤਾਂ ਕਰ ਰਹੀ ਹੈ, ਪਰ ਕੋਈ ਭੱਤੇ ਨਹੀਂ ਦੇ ਰਹੀ। ਸੋਸ਼ਲ ਸਟਾਫ਼ ਦੇ 10 ਸਾਲਾ ਸੇਵਾਵਾਂ ਪੂਰੀਆਂ ਕਰ ਚੁੱਕੇ ਕਰਮਚਾਰੀ ਸ਼ਪੈਸ਼ਲ ਕੇਡਰ ਰਾਹੀਂ ਪੱਕੇ ਤਾਂ ਕੀਤੇ ਹਨ ਸਿਰਫ ਨਾਂਅ ਦੇ ਪੱਕੇ ਕੀਤੇ ਹਨ। ਸਰਕਾਰ ਸਮੁੱਚੇ ਕੇਡਰ ਨੂੰ ਭਾਵੇਂ ਉਹ ਭਰਤੀ 2011 ਦੀ ਹੈ ਭਾਵੇਂ 2021 ਦੀ ਹੈ ਸਮੇਤ ਭੱਤੇ ਰੈਗੂਲਰ ਲਾਭ ਦੇਵੇ। ਘੱਟ ਤਨਖਾਹ ਨਾਲ ਫੀਲਡ ਵਿਚ ਕੰਮ ਕਰਨਾ ਬਹੁਤ ਔਖਾ ਹੈ। ਇਸ ਮੌਕੇ ਹਰਪ੍ਰੀਤ ਕੌਰ ਗਿੱਲ ਮੋਗਾ, ਹਰਪ੍ਰੀਤ ਕੌਰ ਧਾਲੀਵਾਲ, ਜਸਵੀਰ ਸਿੰਘ ਚੌਹਾਨ, ਲਖਵੀਰ ਸਿੰਘ ਬਰਗਾੜੀ, ਅੰਮ੍ਰਿਤ ਸਿੰਘ, ਬਲਰਾਜ ਸਿੰਘ, ਭਿੰਦਰ ਸਿੰਘ, ਪਰਮਜੀਤ ਕੌਰ, ਬਲਵਿੰਦਰ ਕੌਰ, ਰਾਮਦਿੱਤਾ ਸਿੰਘ ਭਾਗਥਲਾ ਕਲਾਂ ਅਤੇ ਹੋਰ ਹਾਜ਼ਰ ਸਨ।
