ਬਾਜਾਖਾਨਾ, 28 ਫ਼ਰਵਰੀ (ਜੀਵਨ ਗਰਗ)-ਜੇ.ਈ. ਗੁਰਜੀਤ ਸਿੰਘ ਧਾਲੀਵਾਲ ਪਾਵਰਕਾਮ ਵਿਭਾਗ 'ਚ ਕਰੀਬ 30 ਸਾਲ ਦੀਆਂ ਬੇਦਾਗ਼ ਸੇਵਾਵਾਂ ਨਿਭਾਉਣ ਉਪਰੰਤ ਸਰਕਾਰੀ ਨਿਯਮਾਂ ਅਨੁਸਾਰ 58 ਸਾਲ ਦੀ ਉਮਰ ਪੂਰੀ ਕਰਨ 'ਤੇ ਮਿਤੀ 28 ਫ਼ਰਵਰੀ ਨੂੰ ਸੇਵਾ-ਮੁਕਤ ਹੋ ਗਏ ਹਨ | ਇੱਥੇ ਜ਼ਿਕਰਯੋਗ ਹੈ ਕਿ ਜੇ.ਈ. ਗੁਰਜੀਤ ਸਿੰਘ ਧਾਲੀਵਾਲ 1996 ਨੂੰ ਫ਼ਰੀਦਕੋਟ ਵਿਖੇ ਗਰਿੱਡ ਉਸਾਰੀ ਵਿਭਾਗ 'ਚ ਨਿਯੁਕਤ ਹੋਏ ਅਤੇ ਇਸ ਤੋਂ ਬਾਅਦ ਸਬ-ਡਵੀਜ਼ਨ ਬਾਜਾਖਾਨਾ ਅਧੀਨ ਆਉਂਦੇ ਵੱਖ-ਵੱਖ ਪਿੰਡਾਂ ਜਿਵੇਂ ਝੱਖੜਵਾਲਾ, ਲੰਭਵਾਲੀ, ਡੋਡ, ਮੱਲ੍ਹਾ, ਰੋਮਾਣਾ ਅਜੀਤ ਸਿੰਘ, ਦਬੜ੍ਹੀਖਾਨਾ, ਘਣੀਆਂ, ਸਿਰੀਏਵਾਲਾ ਆਦਿ 'ਚ ਸੇਵਾਵਾਂ ਨਿਭਾਉਂਦੇ ਰਹੇ | ਉਨ੍ਹਾਂ ਦੇ ਸਨਮਾਨ 'ਚ ਵਿਦਾਇਗੀ ਸਮਾਗਮ 2 ਮਾਰਚ 2026 ਨੂੰ ਸਬ-ਡਵੀਜ਼ਨ ਬਾਜਾਖਾਨਾ ਵਿਖੇ ਕੀਤਾ ਜਾ ਰਿਹਾ ਹੈ | ਇਸ ਸਮਾਗਮ ਦੌਰਾਨ ਟੈਕਨੀਕਲ ਸਰਵਿਸ ਯੂਨੀਅਨ ਬਾਜਾਖਾਨਾ ਦੇ ਵੱਖ-ਵੱਖ ਆਗੂਆਂ ਵਲੋਂ ਉਨ੍ਹਾਂ ਦੀਆਂ ਬੇਦਾਗ਼ ਸੇਵਾਵਾਂ ਦਾ ਵਿਸਥਾਰ ਪੂਰਵਕ ਜ਼ਿਕਰ ਕੀਤਾ ਜਾਵੇਗਾ ਅਤੇ ਤੋਹਫਿਆਂ ਨਾਲ ਨਿਵਾਜਿਆ ਜਾਵੇਗਾ | ਇਹ ਜਾਣਕਾਰੀ ਸਬ-ਡਵੀਜ਼ਨ ਬਾਜਾਖਾਨਾ ਦੇ ਪ੍ਰਧਾਨ ਸ਼ਮਿੰਦਰ ਸਿੰਘ ਨੇ ਦਿੱਤੀ |